Levitiko 5:11 - Iaai Bible 1901 (New Caledonia)

¹¹ Ke ame ne ca khana he ka hom li biny, ame ne li lakon meköta, me hamen at a ânyâ hulö he ka hom hnân anyin hut, khaca omer salawa hnân hudiny hulö; e ame ca he ka hû e ge wakaco, kʼ ame ca he ka ip libanu ka hnyi hon: anyin a e hudiny hulö.

Levitiko 5:11 ပူးပေါင်းရင်းမြစ်များ

Esodo 16:18

Me adre me tuluto hnen omer, me haba at ame thigâ gânâ, me ba kolon, ke haba at ame thigâ ûhnyûkong, e ba ûnyi a hia gan; kʼ adre me thigâ e ve ûcû ödra ka han.

Esodo 16:36

Haba omer me wale ke keihen a libenyitainy efa.

Levitiko 1:14

Ke ame ne ûnyi hnyi je meno ame gâ anyin hut adre le kö Iehova, me e ame he ka hudo je biny ame ne lakon meköta.

Levitiko 12:8

Ke a ne ca khana momo he ka hom nokon mamoe, me so e ame hom lo li biny, ame ne li lakon meköta; khaca hnân hudiny leû, ke khaca hnân hudiny hulö; kʼ ame he at bihut ka bi hwaban anyin möt, me me bo so momo.

Levitiko 14:21

Ke ame ne at ae ba ta ûnyi, ke ca ûco e bi ûnyi eling, me e ame he ka hom nokon mamoe baga a khaca, hnân hudiny monu he ka hajijingâ, me me bi hwaban anyin möt, ke khaca omer salawa adre ûhaniken me wakaco hnân hudiny han, me khaca loga wakaco:

Levitiko 27:8

Ke ame ne ba anyin ûnyi ae ûcû köu, me adre me he ka hom e ka hnyi hnyimakan at bihut, ke ame he at bihut ka ha ûnyi ae ûcû kâu, kʼ ame he at bihut he ka tuluto e hoton hna khana hnen at bi khöbi.

Levitiko 5:12

Ke e ame he ka hom ka at bihut, kʼ ame he at bihut ka okhaca aoc ge hnyamen hnân oûnykûmeâ, me le hon taben hut, helâ me je hut a an ge meic kö Iehova: haba e hudiny hulö.

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Levitiko 5:9

ke e ame he ka dukâiâ ke keihen taben hut ge dra dren hudiny hulö; ke adre me he ka owa kolon dra hmelen taben hut: haba e me hudiny hulö.

Levitiko 6:20

Walang hut anyi Arona me je lakon odrin e he ka hudo kö Iehova hnyi bong adre me he ka hû e; khaca omer salawa hnân hudiny han nyiele balua, haf hnyi hnyomakatu, ke ke haf hnyi sahac.

Numera 5:15

me hamen baga he ka hom âiân ka at bihut, kʼ ame he ka hom anyin hut hobi kâu e, a tap salawa bali a khaca omer; kʼ ame ca he ka hû e ge wakaco; kʼ ame ca be ka bi libanu ka hnyin; anyin a hudiny ciâ eling me hudiny oûnykûmeâ, hnân oûnykûmeâ hulö.

Numera 7:13

ke haba anyin hut, me khaca mini sileva, a wan haded ke thöte je sekel ihmakiny, ke khaca kaia sileva a sevente je sekel, hoton sekeliny dok ae kap: a unöngöt li unyi e ge salawa ae so adre ûhaniken me wakaco, hnân hudiny han;

Luka 2:24

me ham ke hut helâ me hna ha hnyi hnanyibu anyin Than, ka habe, Lo li biny, ame ne li lakon meköta.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.