Levitiko 4:35 - Iaai Bible 1901 (New Caledonia)

³⁵ ke e ame he ka hom hia pipikhenyainy, helâ me hna uja pipikhenyainy nokon mamoe hnân hudiny ole; ke hamen at bihut he ka le ta je ûnyi e hon taben hut, helâ me je hut kö Iehova a an hnen meic; ke ame he at bihut ka bi hwaban möt anyin a e at ae monu, kʼ adre me he ka thang degecâ anyin hulö.

Levitiko 4:35 ပူးပေါင်းရင်းမြစ်များ

Levitiko 12:8

Ke a ne ca khana momo he ka hom nokon mamoe, me so e ame hom lo li biny, ame ne li lakon meköta; khaca hnân hudiny leû, ke khaca hnân hudiny hulö; kʼ ame he at bihut ka bi hwaban anyin möt, me me bo so momo.

Levitiko 14:18

ke haba kolon wakaco hnyi hnyamen at bihut, e ame he ka kina hnyi ban at adre me he ka obosoâ: kʼ ame he at bihut ka bi hwaban anyin möt hnyi hnyimakö Iehova.

Levitiko 14:53

ke e ame he bi ju ka hna meno ame gâ ae möt ûnyi hnyi taun ka hnyi hnyei, helâe e ame he ka bi hwaban melen uma: me bo so but.

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Levitiko 19:22

Ke ame he at bihut ka bi hwaban anyin möt ge mamoe baga hnân hudiny monu hnyi hnyimakö Iehova, can hulö e ame ânyâ: me adre me he ka hna hulö e ame ânyâ.

Levitiko 4:20

Helâe e ame he ka ânyâ ka bolok; helâ me hnen hna ânyâ ka bolok hnân hudiny hulö, me e ame he ka ânyâ helâe kâ âng: ke ame he at bihut ka bi hwaban anyidra möt, kʼ adre me he ka linʼ ödra.

Levitiko 4:26

Ke ame he ka le hia pipikhenyainy hon taben hut, helâ me pipikhenyainy hudiny ole; ke ame he at bihut ka bi hwaban anyin möt anyin a e at hulö, kʼ adre me he ka hna but anyin monu.

Levitiko 5:10

Ke e ame he ka hudo at a loiny hnân hudiny leû hoton hnanyibu: ke ame he at bihut ka bi hwaban anyin möt ge monu e ame hia but ânyâ, kʼ adre me he ka hna e.

Levitiko 5:13

Ke ame he at bihut ka bi hwaban anyin möt can hulö e ame ânyâ hnyi ta je ûnyi eling, kʼ adre me he ka hna e; ke hobi kâu at bihut kolon hnân hudiny han.

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Levitiko 6:7

ke ame he at bihut ka bi hwaban anyin möt hnyi hnyimakö Iehova, ke adre me he ka hna e; wale hnyi ta je unyi hia e ame monu hnyin.

Levitiko 9:7

Ke haingö Mose kö Arona, ka habe, He thö ka hnyi taben hut, me hudo thö hudiny ânyâm hulö, me ânyâm hut adre le, me bi hwaban ânyâm möt, me melen tavat: ke hudo hut anyin tavat, me bi hwaban anyidra möt, helâ me hna hûna hnö Iehova.

Numera 15:25

Ke hamen at bihut he ka bi hwaban möt anyin ûkhacaköu hia anyin lakon Isaraela, kʼ adre me he ka hnʼ ödra; anyin adre haû, kʼ adre hia but hom anyidra hut, wale hut a an ge meic kö Iehova, me hudiny anyidra hulö hnyi hnyimakö Iehova, can hnödra hna haû;

Numera 15:28

Ke ame he at bihut ka bi hwaban möt anyin at a ânyâ ke ca khana, kʼ ame ânyâ haûâ hulö, hnyi hnyimakö Iehova, me me bi hwaban anyin möt: ke adre me he ka hna e.

Roma 10:4

Anyin a Keriso obiny hnanyibu hobi kâu hwakecin ae wisa kodra hia adre me labageju.

Roma 4:25

waleji at adre hna but can anyita ta je hulo, ke adre omelö hmetu thö e hnân he ka haiwisʼ öta.

Roma 8:1

ANYIN a wale, e ba hmetu hnaûhango kodra unyin Keriso Iesu.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Kolose 1:14

ûnyi gan bi e hu hwaban anyita möt, wale he ka hna degecâ ta je hulo:

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 4:14

Ke hu but gata hing at bihut ae nua, at ame hia but vheno drany ethö, wale Iesu a Nokon Khong, anyin a wale e so ate me kât hmâ anyita hmi.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

I. Peteru 2:22

waleji a, at ame ca hnyi ânyâ hulo, ke ba minya thoi adre wâ hnyi hnyimen:

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.