Levitiko 4:32 - Iaai Bible 1901 (New Caledonia)

³² Ke ame ne hom nokon mamoe hnân anyin hut a hudiny hulö, hamen he ka hom momo ae ba hnyikongon.

Levitiko 4:32 ပူးပေါင်းရင်းမြစ်များ

Esodo 12:3

Ha thʼ öbu ka tavat Isaraela hia adre ûkhaeaköu, ka habe, Haba hnyi bong a libenyitainy tehi ang, adre me he ka ve hom nokon mamoe hoton je lap anyin lakamödra, ûsa khaca nokon mamoe hobi kâu ke lap me ke lap:

Esodo 12:5

Haba nokon mamoe hobi köbun ame he ka ba kongon, ke baga a khaca hunainy: öbun e he ka hom ûnyi hnyi je mamoe, ame ne je got:

Isaia 53:7

Adre me ovecâ e, ke e ame ka hokhnyokâ, kʼ ame ca khong hnyimen bi; adre me lelö e helâ me nokon mamoe adre me hom he ka hlingâ, ke helâ me mamoe ame laba hnyibû hnyi hnyimakan tavat subâ leûnen; eke, e ame ca khong hnyimen.

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 4:28

ke adre ne omanenâ kâu anyin monu, me e ame he ka hom hnân anyin hut, ke got momo ae ba hnyikongon, can monu e ame anyâ.

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 1:36

ke e ame ö Iesu ame he, me haingen, ka habe, Wâ bi Arenio anyin Khong!

Efeso 5:27

me me he ka hom kâu bi ekalesia ae hmanenang, ae ba hnyikongon me ca hwehweti me ke ûnyi helâe: ke ame he ka kap me ba hnyikongon.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

I. Peteru 2:22

waleji a, at ame ca hnyi ânyâ hulo, ke ba minya thoi adre wâ hnyi hnyimen:

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

Hna Omanenâ 5:6

Ke oge me wâ hnyi wanben theron, me vak ta ûnyi ae möt, me hnyi wanben wahingat, ame tot ke Arenio, helâke adre hia but hlingâ, seven je faoiny, ke seven je emakan, wale je Hanon Khong a seven, adre kunâ ka hnyi hmeledrany hia thithö.