Levitiko 4:31 - Iaai Bible 1901 (New Caledonia)

³¹ Ke e ame he ka hom pipikhenyainy hia, helâ me hna hom pipikhenyainy hudiny ole; kʼ ame he at bihut ka le e hon taben hut me me bo so kö Iehova; ke ame he at bihut ka bi hwaban anyin möt, kʼ adre me he ka thang degecâ anyin hulö.

Levitiko 4:31 ပူးပေါင်းရင်းမြစ်များ

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

Ezera 6:10

mʼ ödrin e he ka hudo je hut ae bo so ka Khongon drany, me hic me me möt than, me lakon.

Jobu 42:8

Ke walang ang hom dö hobi köbun bi je bolok a seven, me je mamoe baga a seven, ke he thö ko Jobu athnyabaik, me hudo hobi köbun hudiny leû; ke ame he Jobu athnyabaik ka hic hobi köbun; anyin a oge me he ka kap e, mʼ oge me ca he ka ânyâ köbun hoton anyibun monu; anyin a öbun e ca ha gak ûnyi ae wisa helâ me Jobu athnyabaik.

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Isaia 42:21

Ame so kö Iehova hnyi anyin hwakecin ae wisa, he ka ogânâ hnanyibu, me ohmanenangâ e.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Levitiko 1:13

ke haba tang tiny me je can e ame he ka hneû hnyi köiö: kʼ ame he at bihut ka hudo hia thithö, me le hon taben hut; wale hut adre le, hut a an ge meic, ûnyi ae bo so kö Iehova.

Levitiko 1:17

ke e ame he ka kia e hnyi li bajebenyin, kʼ ame ca he ka kia luâ: kʼ ame he at bihut ka le hon taben hut, wale hon hna meic: haba e me hut adre le, hut a an hnen meic ae bo so kö Iehova.

Levitiko 1:9

ke haba tang tiny me je can, e ame he ka hneû hnyi köiö: kʼ ame he at bihut ka tha le hia hon taben hut, me me hut adre le, hut a an hnen meic, ûnyi ae bo so kö Iehova.

Levitiko 14:18

ke haba kolon wakaco hnyi hnyamen at bihut, e ame he ka kina hnyi ban at adre me he ka obosoâ: kʼ ame he at bihut ka bi hwaban anyin möt hnyi hnyimakö Iehova.

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Levitiko 19:22

Ke ame he at bihut ka bi hwaban anyin möt ge mamoe baga hnân hudiny monu hnyi hnyimakö Iehova, can hulö e ame ânyâ: me adre me he ka hna hulö e ame ânyâ.

Levitiko 2:2

ke e ame he ka hom e ka laku Arona a hnyat bihut: ke e ame he ka okhaca aoc salawa, me ke keihen wakacoiny, me libanuiny hia; kʼ ame he at bihut ka le e hnân oûnykûmeâ hon taben hut, wale hut a an ge meic, ae bo so kö Iehova:

Levitiko 2:9

Kʼ ame he at bihut ka hom ke keihen hudiny han me hnân oûnykûmiâ, me le hon taben hut: wale hut a an hnen meic, ae bo so kö Iehova.

Levitiko 4:19

Ke e ame he ka uja ûnyi hnyin e je pipikhenya hia me le hon taben hut.

Levitiko 4:26

Ke ame he ka le hia pipikhenyainy hon taben hut, helâ me pipikhenyainy hudiny ole; ke ame he at bihut ka bi hwaban anyin möt anyin a e at hulö, kʼ adre me he ka hna but anyin monu.

Levitiko 4:35

ke e ame he ka hom hia pipikhenyainy, helâ me hna uja pipikhenyainy nokon mamoe hnân hudiny ole; ke hamen at bihut he ka le ta je ûnyi e hon taben hut, helâ me je hut kö Iehova a an hnen meic; ke ame he at bihut ka bi hwaban möt anyin a e at ae monu, kʼ adre me he ka thang degecâ anyin hulö.

Levitiko 5:10

Ke e ame he ka hudo at a loiny hnân hudiny leû hoton hnanyibu: ke ame he at bihut ka bi hwaban anyin möt ge monu e ame hia but ânyâ, kʼ adre me he ka hna e.

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Levitiko 8:21

Ke e ame hneû tang tiny ge köiö, me je can; ke Mose ame tha le hia mamoe baga hon taben hut, wale hut adre le hnân bo so, me hut a an hnen meic kö Iehova: helâ me Iehova ame hûna kö Mose.

Numera 15:25

Ke hamen at bihut he ka bi hwaban möt anyin ûkhacaköu hia anyin lakon Isaraela, kʼ adre me he ka hnʼ ödra; anyin adre haû, kʼ adre hia but hom anyidra hut, wale hut a an ge meic kö Iehova, me hudiny anyidra hulö hnyi hnyimakö Iehova, can hnödra hna haû;

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 10:12

ke haba e, hwaban hnen hna hudo hut a khaca can ta je hulo nyiele balua, me e ame laba ju hnyi ke keihen metân Khong;

Heberu 10:14

Anyin a hnen hut a khaca e ame hia but obekhöta nyiele balua tavat adre okabi ödra.

Heberu 9:12

ke ca ûnyi minya bi ge dren ta je got, me nokon kau, ke ûnyi ge hing dren bi, e ame okhaca dit ka hnyi dok ae kap, anyin a hia but ûco möt ame ca ba balua.

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,