Levitiko 4:3 - Iaai Bible 1901 (New Caledonia)

³ ame ne he at bihut adre hû ka hanyâûâ, me hom hulö hon tavat; me e ame he ka hudo, can monu e ame ânyâ, ke nak bolok ae ba hnyikongon, kö Iehova, hnân hudiny hulö.

Levitiko 4:3 ပူးပေါင်းရင်းမြစ်များ

II. Man Ûlabainy Je Than. 29:21

Ke adre me hom je bolok a seven, me je mamoe baga a seven, me je nokon mamoe a seven, me je got baga a seven, hnân hudiny hulo hobi kâu dokhu, me dok ae kap, me at Juda. Ke e ame ha ka tavat bihut a je mâtrâni Arona he ka hudi ödrin hon taben hut kö Iehova.

Ezera 8:35

Ke haba lakon je bâ, tavat adre me o ûhedrin hnyi hna bâ, ödrin e hudo je hudiny leû ka Khongon Isaraela, twelv je bolok hobi kâu Isaraela hia, ke nainte siks je mamoe baga, ke sevente seven je nokon mamoe, ke twelv je got baga hnân hudiny hulo: wale hia e je hudiny leû kö Iehova.

Esodo 29:14

Ke haba utiöiny bolok, me unen, me ta tet, u me he ka le hnyi meic hoton hna hunuma; wale hudiny hulö.

Esodo 29:21

Ke u me he ka hom ke keihen dra ûnyi hnyi hon taben hut, me wakaco hnân hû, me duköic Arona, me je ûkhaûen, me je lakon, me je khaûen lakon unyin: ke adre me he ka okabâ, me je ûkhaûen me je ûkhaûen lakon unyin.

Esodo 29:7

Me u me he ka hom wakaco hnân hû, me hingâlâ hon bân me hû.

Esodo 30:10

Ke ame he Arona ka okhaca bi hwaban möt hon je baitoiny hnyi je huna: e ame he ka okhaca bi hwaban möt hon e hnyi je huna ge dra hnân hudiny hwakecin ae monu hnân bi hwaban möt hnyi anyibun ta je dö hia: e ti kap e kö Iehova.

Ezekiela 40:39

Ke haba hnyi poretikoiny homagöule, me hu lo li laulau hnyi lo li ke keihen, hnân hlingâ e ta je hudiny leû me hudiny hulo me hudiny monu.

Ezekiela 43:19

Ke u me he ka ham nak bolok hnân hudiny hulo, ka tavat bihut a at Levi je mâtrâni Zadoka, tavat adre me hakekeny könya, haingen Than Iehova.

Ezekiela 44:27

Ke haba hnyi bong e ame he ka dit ka hnyi dok ae kap, ka hnyi hnyeule eiö he ka huliwa hnyi dok ae kap, me e ame he ka hudo hudiny anyin hulo, haingen Than Iehova.

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 16:11

Ke ame he Arona ka hom bolok hnân hudiny hulö, wale hobi kâu e bi, me e ame he ka bi hwaban anyin möt me anyin lap, kʼ ame he ka hlingâ bolok hnân hudiny anyin hulö:

Levitiko 16:3

Ke walang hwakecin ûdili Arona ka hnyi dok ae kap: e ame he ka hom nak bolok hnân hudiny hulö, me mamoe baga hnân hudiny leû.

Levitiko 16:5

Ke e ame he ka hom ûnyi ge ûkhacaköu anyin lakon Isaraela lo li got baga hnân hudiny hulö, me mamoe baga a khaca hnân hudiny leû.

Levitiko 16:6

Kʼ ame he Arona ka hudo bolok hnân hudiny hulö, wale hobi kâu e bi, me me bi hwaban anyin möt me anyin lap.

Levitiko 4:14

ke e ka manen hulö adre me ânyâ, me hamen ûkhacaköu he ka hudo nak bolok hudiny hulö, me hom e ka hnyi hnyimakan uma ûkhacaköu.

Levitiko 4:23

ke adre me ne omanenâ kâu anyin monu, waleji e ame hulö hnyin, me e ame he ka hom hnân anyin hut got baga ae ba hnyikongon:

Levitiko 4:28

ke adre ne omanenâ kâu anyin monu, me e ame he ka hom hnân anyin hut, ke got momo ae ba hnyikongon, can monu e ame anyâ.

Levitiko 4:5

Kʼ ame he at bihut adre hû ka hom ûnyi hnyi dren bolok, me hom ka hnyi uma ûkhacaköu:

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Levitiko 6:18

Ame he lakon baga a laku Arona hia ka hnyi han e, wale ke hwajekhon nyiele balua hnyi anyibun ta je dö, ûnyi hnyi je hut a an ge meic kö Iehova: odrin e he ka kap hia tavat odrin e kâlâ.

Levitiko 8:12

Ke e ame hingâlâ wakaco hnân hû hon bö Arona, me hû e, me me okabâ.

Levitiko 9:2

ke haingen kö Arona, ka habe, Hom dö ke nak bolok hnân hudiny hulö, me mamoe baga ae ba hnyikongon, hnân hudiny leû, me hudo li meno e hnyi hnyimakö Iehova.

Levitiko 9:3

Ke u ma he ka ha ka lakon Isaraela, ka habe, Hom dʼ öbun got baga me me hudiny hulö; me nokon kau, me nokon mamoe a khaca hunainy ae ba hnyikongon, me me hudiny leû;

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Numera 8:8

Ke adre me he ka hom nak bolok, me hudiny han, a salawa ae so adre ûhaniken me wakaco, ke u me he ka hom ke nak bolok hnân hudiny hulö.

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Heberu 5:3

ke can e, me ûcû kâu he ka hudo can ta je hulo anyin tavat, më minya bi.

Heberu 9:12

ke ca ûnyi minya bi ge dren ta je got, me nokon kau, ke ûnyi ge hing dren bi, e ame okhaca dit ka hnyi dok ae kap, anyin a hia but ûco möt ame ca ba balua.