Levitiko 4:25 - Iaai Bible 1901 (New Caledonia)

²⁵ Ke hamen at bi hut be ka hom ke ong dra dren hudiny hulö, ge banyen, me kina hnyi je baitoiny taben leû hut, kʼ ame he ka hingâlâ dren hmelen taben leû hut.

Levitiko 4:25 ပူးပေါင်းရင်းမြစ်များ

Esodo 29:12

Ke u me he ka hom ke keihen dren bolok me kina hon je baitoiny taben hut hnen banyâm; ke u me he ka hingâlâ kolon dra hia hnyi hmelen taben hut.

Isaia 40:21

Hawa, e ca khanʼ öbun? öbun e ca long? kʼ adre ca thumetu öbun ûnyi hnyi can? kʼ öbun e ca wâhmakhmeto hwân hnyi hna bi taben hmeledrany?

Levitiko 16:18

Ke e ame he ka didrut ka hnyi taben hut hnyi hnyimakö Iehova, me bi hwaban melen; ke e ame he ka hom hanen dren bolok, me hanen dren got baga, me kina hnyi je baitoiny taben hut igigilö.

Levitiko 17:11

Anyin a e hnyi dra melen unyin: ke oge hia but ham e köbun hon taben hut, me me bi hwaban anyibun möt: anyin a haba dra, me, wale at ame bi hwaban möt, anyin ae hu möt hnyin.

Levitiko 4:18

Ke e ame he ka kina ke ong dra hnyi je baitoiny taben hut hnyi hnyimakö Iehova, hnyi uma ûkhacaköu, ke e ame he ka hingâlâ dra hia hmelen taben leû hut, wale hnyi hwanumen uma ûkhacaköu.

Levitiko 4:24

ke e ame he ka ip hnyamen hon ban got me hlingâ e hnyi dok adre me labö hlingâ hut adre le hnyi hnyimakö Iehova: wale hudiny hulö.

Levitiko 4:30

Ke ame he at bihut ka hom ge banyen ke ong dra, me kina hon je baitoiny taben leû but, me hingâlâ dren hia hnyi hmelen taben hut.

Levitiko 4:34

Ke ame he at bi hut ka hom ge banyen ke ong dra dren hudiny hulö, me kina e hon je baitoiny taben leû hut, me hingâlâ dren hia hmelen taben hut:

Levitiko 4:7

Ke ame he at bihut ka kina dra eling hon je baitoiny taben leû ûnyi ae bo so hnyi hnyimakö Iehova, a e hnyin uma hnân ûkhacaköu: ke e ame he ka hingâlâ hia dren bolok eû hmelen taben leû hut, wale hnyi hwanumen uma ukhacaköu.

Levitiko 5:9

ke e ame he ka dukâiâ ke keihen taben hut ge dra dren hudiny hulö; ke adre me he ka owa kolon dra hmelen taben hut: haba e me hudiny hulö.

Levitiko 8:10

Haba Mose ame hom wakaco hnân hû me hû uma mano me ta je ûnyi hia eû hnyin, me okabâ ta je ûnyi e.

Levitiko 8:15

Ke e ame hlingâ; ke Mose ame hom dra me kina e hon je baitoiny taben hut igigilö ge banyen, me ânyâ wia taben hut, me hingâlâ dra hmelen taben hut, me okabâ, me me bi hwaban möt.

Levitiko 9:9

Ke laku Arona odrin e hom dren kâu: ke e ame hneû banyen hnyi dra, me kina hnyi je baitoiny taben hut, me hingâlâ dra hmelen taben hut:

Roma 10:4

Anyin a Keriso obiny hnanyibu hobi kâu hwakecin ae wisa kodra hia adre me labageju.

Heberu 2:10

Anyin ae ûcû kâu, wale at a hobi kâu ta je ûnyi hia, ke ûnyi gan ta je ûnyi hia, hnyi hnen hna hom lakon a ödra se hia ka hnyi hmanenang, e ûcû kâu he ka obekhotâ tuhan anyidra möt hnen ta je vec.

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.