Levitiko 4:20 - Iaai Bible 1901 (New Caledonia)

²⁰ Helâe e ame he ka ânyâ ka bolok; helâ me hnen hna ânyâ ka bolok hnân hudiny hulö, me e ame he ka ânyâ helâe kâ âng: ke ame he at bihut ka bi hwaban anyidra möt, kʼ adre me he ka linʼ ödra.

Levitiko 4:20 ပူးပေါင်းရင်းမြစ်များ

Esodo 32:30

Ke haba nyi, Mose ame ha ka tavat, ka habe, E gan hmâ anyibun hulö: ke walang ang oge me he ka olo kö Iehova; oge me ne he ka bi hwaban melen anyibun hulö.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Levitiko 1:4

Ke e ame he ka ip hnyamen hon bân hut adre le; kʼ adre me he ka kap soâ e hobi kâu, me me bi hwaban anyin möt.

Levitiko 12:8

Ke a ne ca khana momo he ka hom nokon mamoe, me so e ame hom lo li biny, ame ne li lakon meköta; khaca hnân hudiny leû, ke khaca hnân hudiny hulö; kʼ ame he at bihut ka bi hwaban anyin möt, me me bo so momo.

Levitiko 14:18

ke haba kolon wakaco hnyi hnyamen at bihut, e ame he ka kina hnyi ban at adre me he ka obosoâ: kʼ ame he at bihut ka bi hwaban anyin möt hnyi hnyimakö Iehova.

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Levitiko 19:22

Ke ame he at bihut ka bi hwaban anyin möt ge mamoe baga hnân hudiny monu hnyi hnyimakö Iehova, can hulö e ame ânyâ: me adre me he ka hna hulö e ame ânyâ.

Levitiko 4:21

Ke e ame he ka hom bolok ka hnyi hoton hnyaba, me le, helâ me hnen hna le bolok a bân: haba ûnyi e, me hudiny hulö hobi kâu ûkhacaköu.

Levitiko 4:26

Ke ame he ka le hia pipikhenyainy hon taben hut, helâ me pipikhenyainy hudiny ole; ke ame he at bihut ka bi hwaban anyin möt anyin a e at hulö, kʼ adre me he ka hna but anyin monu.

Levitiko 4:35

ke e ame he ka hom hia pipikhenyainy, helâ me hna uja pipikhenyainy nokon mamoe hnân hudiny ole; ke hamen at bihut he ka le ta je ûnyi e hon taben hut, helâ me je hut kö Iehova a an hnen meic; ke ame he at bihut ka bi hwaban möt anyin a e at ae monu, kʼ adre me he ka thang degecâ anyin hulö.

Levitiko 4:8

Ke hamen he ka uja ûnyi hnyin e pipikhenyainy bolok hia hnân hudiny hulö: haba pipikhenya at ame lan tang tiny, me pipikhenya hia hnyi tang tiny,

Levitiko 5:10

Ke e ame he ka hudo at a loiny hnân hudiny leû hoton hnanyibu: ke ame he at bihut ka bi hwaban anyin möt ge monu e ame hia but ânyâ, kʼ adre me he ka hna e.

Levitiko 5:13

Ke ame he at bihut ka bi hwaban anyin möt can hulö e ame ânyâ hnyi ta je ûnyi eling, kʼ adre me he ka hna e; ke hobi kâu at bihut kolon hnân hudiny han.

Levitiko 5:16

ke e ame he ka bi hwaban hulö e ame ânyâ hnyi ûnyi ae kap, ke e ame he ka bi hanen ka hnyin ke keihen a thabûnginy, me ham e ka at bihut: ke ame he at bihut ka bi hwaban; anyin möt, ge mamoe baga hudiny hulö, kʼ adre me he ka hna e.

Levitiko 5:18

Ke e ame he ka hom ka at bihut mamoe baga ae ba hnyikongon ûnyi hnyi hnahat mamoe, helâ me hnâm hna tuluto kâu, hnân hudiny monu: ke ame he at bihut ka bi hwaban anyin möt, can anyin monu, ke ca khana bi kʼ adre me he ka hna e.

Levitiko 5:6

ke e ame he ka hom kö Iehova hudiny anyin hulö, can hulö e ame ânyâ, a meno momo ûnyi hnyi hnahat mamoe, ame ne nokon mamoe, ame ne got, hnân hudiny hulö; ke ame he at bihut ka bi hwaban anyin möt, anyin a e at hulö.

Levitiko 6:7

ke ame he at bihut ka bi hwaban anyin möt hnyi hnyimakö Iehova, ke adre me he ka hna e; wale hnyi ta je unyi hia e ame monu hnyin.

Numera 15:25

Ke hamen at bihut he ka bi hwaban möt anyin ûkhacaköu hia anyin lakon Isaraela, kʼ adre me he ka hnʼ ödra; anyin adre haû, kʼ adre hia but hom anyidra hut, wale hut a an ge meic kö Iehova, me hudiny anyidra hulö hnyi hnyimakö Iehova, can hnödra hna haû;

Numera 15:28

Ke ame he at bihut ka bi hwaban möt anyin at a ânyâ ke ca khana, kʼ ame ânyâ haûâ hulö, hnyi hnyimakö Iehova, me me bi hwaban anyin möt: ke adre me he ka hna e.

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;