Levitiko 4:2 - Iaai Bible 1901 (New Caledonia)

² Ha thö ka lakon Isaraela, ka habe, A ne ke at ame hanyâûâ ke hnanyibu anyi Iehova, ke ca khana, waleji hnyi je ûnyi a hûna Iehova a gʼ adre me ca he ka ânyâ, ke ame ne he ka ânyâ ke ûnyi eling:

Levitiko 4:2 ပူးပေါင်းရင်းမြစ်များ

Genese 20:9

Me Abimeleke ame hawo Aberahama, me ha kâu, ka habe, Ieû ang u je hia but ânyâ köhmun? ke ieû anyik monu köu, wale me u je bi jönik gan hmâ me dökhuk dökhu? u je hia but ânyâ könya ta je ûnyi a ca hnân ânyâ.

Salamo 19:12

Ie at ae khana he ka wâ monu unyin? Ö u degecâ but anyik ta je monu ae iyong.

Salamo 19:13

Ö u thawâ ju athnyabaem mʼ oge me ca bi gan; Kʼ ame ca he ûnyi eling ka musi nya: me me wisa hwakecik, Ke ba hnyikonguk ûnyi ge hna hanyâûâ ae gan hmâ.

At Khet 5:6

Ca hna hnyimâm he ka bijoniny unyâm; ke ca ha bi hnyi hnyimakan angela, ka habe, e monu e: anyin a ieû ame he Khong ka hmonyin ge ifucâm, me ohiâ huliwa anyin li hnyâmâm?

Levitiko 22:14

Ke ame ne han monoâ hnen ke at ûnyi ae kap, me hamen he ka bi hwaban, me bi hanen ke keihen a thabûnginy me ham ka at bihut ûnyi ae kap.

Levitiko 4:1

KE haba Iehova ame ha kö Mose, ka habe,

Levitiko 4:13

Ke ame ne hanyâûâ tavat Isaraela hia, ke iyong ûnyi eling ka ûkhacaköu, kʼ adre me ne ânyâ ke ûnyi a ha Iehova a gʼ adre me ca he ka ânyâ, mʼ adre me hulö but;

Levitiko 4:22

A ne he ke than ka ânyâ hulö, ke ca khana, kʼ ame ne mâdrâ ke ûnyi a ha hnö Iehova Khongon a gʼ adre me ca he ka mâdrâ, kʼ ame ne hulö but;

Levitiko 4:27

Ke ame ne monu ke at aten hnyei, ke ca khana, kʼ ame ne ânyâ ke ûnyi a ha hnö Iehova a gʼ adre me ca he ka ânyâ, kʼ ame hulö but;

Numera 35:11

me öbun e he ka kû ke je taun hnân je tauniny lubaduöng hobi köbun; me me he ka kec ka hnyin at ûhlingö wale at ame hlingâ at a utöteta.

Deuteronomi 19:4

Ke walang hwakecin at ame hlingâ at, a at ame he ka kec kâ e me me möt: haba at ame hlingâ ke at, ke ca ûnykûme he ka ânyâ, kʼ ame ca hûkötiâ ehac;

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

Heberu 5:2

at ae khana he ka huliwa menyik ka tavat ae ba metâ gadra, me tavat ae monu, anyin ame igigiloâ e minya hnen ta je sënyin;

Heberu 9:7

ke haba hnyi uma menâ a loiny, ame hake dit at bihut ae beönua, a okhaca hnyi huna, ame ca he baû bi ke ame hom dra minya, wale e ame hudo hobi kâu bi, me ta je monu minya anyin tavat:

Iakobo 3:10

kʼ ame didrut ûnyi hnyi hnyimen a khaca hna haisoâ, me hnaûhango. Hnyat me lakeiny mönya lö, e ca ûcû he ka ânyâ ta je ûnyi helâe.

I. Samuela 14:27

Ke haba Jonathana ame ca long bi hnen kamen hna khemanyin ka tavat: ke e ame inâ hnyiban uci wale hnyi hnyamen, me hneû e hnyi hani, me hai hnyamen ka hnyi hnyimen; me ame metâ li emakan.