Levitiko 4:15 - Iaai Bible 1901 (New Caledonia)

¹⁵ Ke ame he wahingatiny ûkhacaköu ka ip je hnyamödrin hon ban bolok hnyi hnyimakö Iehova: ke adre me he ka hlingâ bolok hnyi hnyimakö Iehova.

Levitiko 4:15 ပူးပေါင်းရင်းမြစ်များ

II. Man Ûlabainy Je Than. 29:23

Ke ödrin e hom je got baga hnân hudiny hulo ka hnyi hnyimakan than me ûkhacaköu; me ödrin e ip je hnyamödrin hudrin:

Esodo 24:1

KE e ame ha kö Mose, ka habe, Ölö thö kö Iehova, u, me Arona, me Nadaba, me Abiu, me wahingatiny Isaraela a sevente; ke öbun e he ka khudrung sâkâû:

Esodo 24:9

Ke haba Mose ame tha ölö me Arona, me Nadaba, me Abiu, me wahingatiny at Isaraela a sevonte:

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 1:4

Ke e ame he ka ip hnyamen hon bân hut adre le; kʼ adre me he ka kap soâ e hobi kâu, me me bi hwaban anyin möt.

Levitiko 16:21

kʼ ame he Arona ka ip li hnyamen hon ban got ae möt, me ha manenâ hon e je hulö hia anyin lakon Isaraela, me hnödra hna hanyâûâ, me anyidra je monu hia; kʼ ame he ka ip je ûnyi e hon ban got, me kunâ e hnen at adre penapena hnyebuba ai;

Levitiko 4:16

Ke ame he at bihut adre hû he ka hom dren bolok ka hnyi uma ûkhacaköu:

Levitiko 4:4

Ke ame he ka hom bolok ka hnyi hwanumen uma ûkhacaköu hnyi hnyimakö Iehova; kʼ ame he ka ip hnyamen hon ban bolok, me hlingâ bolok hnyi hnyimakö Iehova.

Levitiko 8:14

Ke e ame hom bolok hnân hudiny hulö: ke Arona me lakon odrin e ip je hnyamödrin hon ban bolok a hudiny hulö.

Levitiko 8:18

Ke e ame hom mamoe baga a hudiny leû: ke Arona me lakon odrin e ip je hnyamödrin hon ban mamoe baga.

Levitiko 8:22

Ke e ame hom ke mamoe baga, wale mamoe baga hnân otilâ: ke Arona me lakon odrin e ip hnyamödrin hon ban mamoe baga.

Numera 11:16

Haba Iehova ame ha kö Mose, ka habe, Ûkhacaköuâ thö könya je hnyat a sevente, a wahingatiny at Isaraela, wale u me wâhmakhmeto a wahingatiny hnyei, me homakan hnyei; ke hum ödrin ka hnyi uma ûkhacaköu, mʼ ödrin e he ka tha tot mou eling.

Numera 11:25

Ke ame utut Iehova hnyin ûlâ, me fuc kâu, me hom ke keihen hanu unyin me ip hon wahingat a sevente: ke a mokut hanu hudrin, me ödrin e perofeta, ke ödrin e ca ânyâ hmetu helâe.

Numera 8:10

ke u me he ka hom tavat Levi ka hnyi hnyimakö Iehova: ke hamen lakon Isaraela he ka ip je hnyamödra hon je at Levi;

Numera 8:12

Ke hamen tavat Levi he ka ip je hnyamödra hon ban li bolok: ke u me he ka hudo khaca hnân hudiny hulö, me khaca hnân hudiny leû, kö Iehova, me me bi hwaban möt anyin tavat Levi.