Levitiko 4:13 - Iaai Bible 1901 (New Caledonia)

¹³ Ke ame ne hanyâûâ tavat Isaraela hia, ke iyong ûnyi eling ka ûkhacaköu, kʼ adre me ne ânyâ ke ûnyi a ha Iehova a gʼ adre me ca he ka ânyâ, mʼ adre me hulö but;

Levitiko 4:13 ပူးပေါင်းရင်းမြစ်များ

Ezera 10:19

Ke ödrin e hai hnyamödrin a ödrin e he ka degec laöiödrin; kʼ ödrin e hulo but, me ödrin e hudo mamoe baga unyi hnyi hna hat meno, can anyidrin monu.

Salamo 19:13

Ö u thawâ ju athnyabaem mʼ oge me ca bi gan; Kʼ ame ca he ûnyi eling ka musi nya: me me wisa hwakecik, Ke ba hnyikonguk ûnyi ge hna hanyâûâ ae gan hmâ.

Ezekiela 45:22

Ke hnyi bong eling ame he than ka penapena hobi kâu bi, ke hobi kâu tavat hia aten hnyei, bolok hnân hudiny hulo.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Levitiko 16:5

Ke e ame he ka hom ûnyi ge ûkhacaköu anyin lakon Isaraela lo li got baga hnân hudiny hulö, me mamoe baga a khaca hnân hudiny leû.

Levitiko 4:21

Ke e ame he ka hom bolok ka hnyi hoton hnyaba, me le, helâ me hnen hna le bolok a bân: haba ûnyi e, me hudiny hulö hobi kâu ûkhacaköu.

Levitiko 5:17

Ke ame ne ke at ame ânyâ hulö me ânyâ ke je unyi hnyi ta je ûnyi a hûna hnö Iehova a gʼ adre me ca he ka ânyâ; kʼ ame ne ca khana e, me ame hulö but, kʼ ame he ka takoû e anyin hulö.

Levitiko 6:4

hawe, a ne monu, a be hia but ânyâ hulö, hamen he ka ham hmetu ûnyi e ame hûgûnâ, ame ne ke ûnyi e ame hom hnyi hnen hna ovecâ at, ame ne ûnyi adre hna kâu he ka tuö, ame ne ûnyi a hia, wale ame hlo,

Numera 15:22

Ke öbun e ne haû, me ca ânyâ bi je hnanyibu hia eang wale a ha Iehova kö Mose,

I. Korinito 11:27

Anyin a wale, haba at ame he ka an areto, me ijem kaia anyin Than, ke ka ca ûcû bi, me ka joniny bi unyin me dren Than.

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

Josua 7:11

E kong hwakecin at Isaraela; anyin a ödrin e hia but hanyâûâ anyik ûhihinyköu waleji oge hûna ködrin: ke ödrin e hia but hom ûnyi adre nyiboâ me venöu me iyawö minya, me ödrin e hia but ip e me je omjehedrin.