Levitiko 3:9 - Iaai Bible 1901 (New Caledonia)

⁹ Ke e ame he ka hudo kö Iehova hut a an ge meic ûnyi hnyi je hudiny ole; ke haba pipikhenyainy, me obiny ae bekhöt ae pipikhenya e ame he ka hom ûnyi hnyi jö tot; ke haba pipikhenya at ame lan tang tiny, me pipikhenya hia hnyi tiny,

Levitiko 3:9 ပူးပေါင်းရင်းမြစ်များ

II. Samuela 6:17

Ke ödrin e odilâ tang tangö Iehova, me ip e hnyi hnen hnyi wanben uma mano wale ame otilâ Davita hobi kâu: ke Davita amo hudo je hudiny leû me je hudiny ole hnyi hnyimakö Iehova.

I. Je Than 3:15

Ke ame hmak dö Solomona, me wâ bi, ame bwi: ke e ame o Jerusalema ai me tot hnyi hnyimakan tangen ûhihinyköu anyi Iehova, me hudo je hudiny leû, me je hudiny ole, me ânyâ bijeû ka lathnyabainy hia.

I. Je Than 8:63

Ke Solomona ame hudo me je hudiny ole, wale e ame hudo kö Iehova, me twente tu thauzan je bolok, ke wan haded ke twente thauzan je mamoe. Me haba than me lakon Isaraela hia adre me okabâ uma umö Iehova.

I. Je Than 8:64

Ke hnyi bong eling than ame okabâ wanben hnyeule ae hnyi hnyimakan uma umö Iehova; anyin a e ame hudo eling hudiny leû, me hudiny han, me pipikhenyainy hudiny ole: anyin ae ûhnyûkong taben hut a bras hnyi hnyimakö Iehova, ke ca ûcû bi hobi kâu hudiny leû, me hudiny han, me pipikhenyainy hudiny ole.

I. Man Ûlabainy Je Than. 16:1

KE ödrin e odilâ thö tang tangen Khong, me ip hnyi wanben uma mano a otilâ Davita: ke ödrin e hudo je hudiny leû, me ole hnyi hnyimakan Khong.

Esodo 29:22

Ke u me he ka hom pipikhenyainy mamoe baga, me obiny ae pipikhenya, me pipikhenya wale ame lan tang tiny, me ûnyi ae lau hon akiny, me li wagien me pipikhenyainy, me jevan a metâ; anyin a wale mamoe baga hnân okabâ:

Ta je Vejec 23:26

Nokuk lö, hö jem hnyekom könya, Ke wâ thö dek je gethen ge li emakâm.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Levitiko 17:5

waleling me me he ka hom hnen lakon Isaraela haledra je meno hnân hudo, wale adre me labö hlingâ hnyi hnyei, ödra ka he ka hum odrin kö Iehova hnyi hwanumen uma ûkhacaköu, ka at bihut, me hlingʼ odrin hnân hudiny ole kö Iehova.

Levitiko 7:3

Ke e ame he ka hudo pipikhenyainy hia; wale obiny ae pipikhenya, me pipikhenya at ame lan tang tiny,

Levitiko 8:25

Ke e ame hom pipikhenya, me obiny, me pipikhenya hia hon tang tiny, me ûnyi ae lau ethö hon akiny, me li wagien, me pipikhenyainy, me jevan a metâ:

Levitiko 9:19

me pipikhenyainy bolok, me mamoe baga, me obiny, me hlanyin tang tiny, me li wagien, me ûnyi ae lau ethö hon akiny:

Numera 7:88

ke haba je bolok hia hnân hudiny ole, me twente foa je bolok, ke sikste je mamoe baga, ke sikste je got baga, ke sikste je nokon mamoe baga a khaca hunainy. Wale hnân okabâ taben hut hnyi hna hû e.

I. Samuela 10:8

Ke bâm dö Gilegala ai, ke ama bilik; ke wâ bi, oge me he ka utut köu he ka hudo je hudiny leû, me hudo je hudiny ûsököu: seven je bong u me he ka hulubahingen ke ne o but oge me o köu, me omanenâ köu ûnyi u me he ka ânyâ.