Levitiko 3:6 - Iaai Bible 1901 (New Caledonia)

⁶ Ke ame ne ûnyi hnyi hnahat meno anyin hut hnâu hudiny ole, ame ne baga ame ne momo, me e ame he ka hudo at ae ba hnyikongon.

Levitiko 3:6 ပူးပေါင်းရင်းမြစ်များ

Isaia 60:7

Adre me he ka ûkhacaköuâ je hnahat hia hnyi Kedera köu, kʼ ame he je mamoe bagainy Nebaioth hia ka bi athnyabaem: adre me he ka öliâ tabök tap hnyi so, ke oge me he ka omecâ uma umen anyik hmanenang.

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 1:2

Ha thö ka lakon Isaraela, ka habe, E ka he ke at gabun ka bi hut ko Iehova, me öbun e he ka bi hut ûnyi hnyi je meno, wale je kau, me hnahat mamoe.

Levitiko 19:5

Ke öbun e ne he ka hudo hudiny ole kö Iehova, me hamöbun he ka hudo e me me he ka kap soi öbun.

Levitiko 22:20

Ke haba at ae hu hnyikongon, ca he öbun ka hudo: anyin a ca hnân kap soi öbun hnyin.

Levitiko 23:19

Ke öbun e he ka hudo ke got baga hnân hudiny hulö, me lo li mamoe baga a khaca hunainy hnân je huding ûsoköu.

Numera 15:5

me tap waina hnân hudiny ic a ke keihen a vakiny hin u me he ka tha penapena me hudiny leû, ame ne ke hut bi, me wale hobi kâu je ve lakon mamoe.

Numera 6:14

ke e ame he ka hudo anyin hut kö Iehova, a nokon mamoe baga a khaca ae ba hnyikongon, a khaca hunainy, me hnân hudiny leû, ke khaca nokon mamoe momo ae ba hnyikongon, a khaca hunainy, me hnân hudiny hulö, ke khaca mamoe baga ae ba hnyikongon hnân hudiny ole,

Ta je huliwa 4:27

E hnathu adre hia but ûkhacaköu hnyi taun ang Heroda me Ponetio Pilate me Aten ke je hnyei me at Isaraela, je ûcon Atâm ae kap a Iesu at u je hû,

Galatia 3:28

Ke ba hmetu at Juda, ke ba at Helene, ke ba at hwenbâ, ke ba at he baû, ke ba baga, ke ba momo; anyin a khaca thibi öbun hia unyin Keriso Iesu.

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

Efeso 1:10

hnyi hna penapena bekhötâ ta je ûen, me me khaca thibi ta je ûnyi hia ka Keriso, wale ta je ûnyi ethö hnyi drany, me ta je ûnyi eang hmeledrany; hnân hobi kâu,