Levitiko 3:16 - Iaai Bible 1901 (New Caledonia)

¹⁶ Kʼ ame he at bihut ka le ta je ûnyi e hon taben hut: wale jeûiny hut a an ge meic hnân bo so: hobi kö Iehova pipikhenya hia.

Levitiko 3:16 ပူးပေါင်းရင်းမြစ်များ

Genese 4:4

Ke haba Abela, e ame hom ûnyi hnyi hna hat mamoe je lakon a bân me je meno ae pipikhenya. Ke Iehova ame oûnyihnathu Abela me anyin hut:

II. Man Ûlabainy Je Than. 29:35

Ke se hia minya je hudiny leû, me pipikhenyainy je hudiny ole, me je hudiny ic hobi kâu je hudiny leû. Ke adre helâe hna penapena ta je huliwainy uma umö Iehova.

II. Man Ûlabainy Je Than. 7:7

Ke Solomona ame okabâ wanben hnyeule wale hnyi hnyimakan uma umö Iehova; anyin a e ame hudo je hudiny leû hnyi dok e me pipikhenyainy je hudiny ole: anyin a haba taben hut a bras, wale a ânyâ Solomona, me ca ûcû hnân ta je hudiny leû, me je hudiny han, me pipikhenya.

Esodo 29:13

Ke u me be ka hom hia pipikhenyainy wale ame lan tang tiny, me ûnyi ae lau hon akiny, me li vagien me pipikhenyainy, ke u me he ka le hon taben hut.

Esodo 29:22

Ke u me he ka hom pipikhenyainy mamoe baga, me obiny ae pipikhenya, me pipikhenya wale ame lan tang tiny, me ûnyi ae lau hon akiny, me li wagien me pipikhenyainy, me jevan a metâ; anyin a wale mamoe baga hnân okabâ:

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Ezekiela 44:15

Ke haba tavat bihut a at Levi, je laku Zadoka, waleji adre tuö je hanymen hnyi anyik dok ae kap hnyi hna he monu gak hnen lakon Isaraela, me adre me he ka hakekeny könya mʼ adre me huliwa könya; ke adre me he ka tot hnyi hnyimakök he ka hudo könya pipikhenya me dra, haingen Than Iehova;

Levitiko 17:6

Ke hamen at bihut he ka dukâiâ, taben hut anyi Iehova ge dren, hnyi hwanumen uma ûkhacaköu, me le pipikhenyainy hnân bo so kö Iehova.

Levitiko 4:26

Ke ame he ka le hia pipikhenyainy hon taben hut, helâ me pipikhenyainy hudiny ole; ke ame he at bihut ka bi hwaban anyin möt anyin a e at hulö, kʼ adre me he ka hna but anyin monu.

Levitiko 4:31

Ke e ame he ka hom pipikhenyainy hia, helâ me hna hom pipikhenyainy hudiny ole; kʼ ame he at bihut ka le e hon taben hut me me bo so kö Iehova; ke ame he at bihut ka bi hwaban anyin möt, kʼ adre me he ka thang degecâ anyin hulö.

Levitiko 8:25

Ke e ame hom pipikhenya, me obiny, me pipikhenya hia hon tang tiny, me ûnyi ae lau ethö hon akiny, me li wagien, me pipikhenyainy, me jevan a metâ:

Levitiko 9:24

Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.

Mataio 22:37

Me e ame ha kâu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt.