Levitiko 3:11 - Iaai Bible 1901 (New Caledonia)

¹¹ Kʼ ame he at bihut ka le hon taben hut: wale jeûiny hut a an ge meic kö Iehova.

Levitiko 3:11 ပူးပေါင်းရင်းမြစ်များ

Salamo 22:14

Adre me hingâlâ degeci nya helâ me köiö, Ke ame ok ut je jeiok hia: Haba oûnykûmik me helâ me wasu; Ame okoiâ but eû hnyi hnyekuk.

Ezekiela 44:7

waleji hnyi hnobun hna odilâ je atkanyaua, tavat adre me ca peritomonâ hnyok, ke adre ca peritomonâ unyidra, mʼ adre me he ka hnyi laba hnyi anyik dok ae kap, he ka okongoâ e, wale umök uma, öbun ka hom ok jeû, wale pipikhenya, me dra, ke adre hia but thamuâ hnok hna ûhihinyköu, he ka bi hanen ka hwakecibun ae kong.

Levitiko 21:17

Ha thö kö Arona, ka habe, Ame ne hu mâtrânâm hnyi anyidra je dö ae hu hnyikongon unyin, me e ame ca he ka hakekeny he ka hnyi hudo an Khongon.

Levitiko 21:6

Odrin hnyat ae kap ka Khongudrin, ke odrin e ca he ka okongoâ ien Khongudrin: anyin a odrin e hudo je hut a an hnen meic kö Iehova, a an Khongudrin: anyin a wale odrin e he ka kap.

Levitiko 21:8

Ke u me he ka okabi odrin: anyin a odrin hnyat hudo an Khongom: odrin hnyat ae kap köu: anyin a inya Iehova ae kap at ame okabi öbun.

Levitiko 22:25

Ke ca he öbun ka hudi odrin hnân an Khongubun ûnyi ge aten ke hnyei bi; anyin a e unyidrin hulö me hnyikongon: adre me ca he ka kap soi öbun hnyin.

Levitiko 3:16

Kʼ ame he at bihut ka le ta je ûnyi e hon taben hut: wale jeûiny hut a an ge meic hnân bo so: hobi kö Iehova pipikhenya hia.

Levitiko 3:5

Kʼ ame he laku Arona ka le ûnyi e hon taben bi hut, hon hut hnân le hnyi hna hû meic: wale hut a an hnen meic, ae bo so kö Iehova.

Malaki 1:12

Ke öbun e okongoâ e, anyin a öbun e ha, ka habe, E kong ut laulau anyi Iehova, ke ikiki je wan ke jeû hon e.

Malaki 1:7

Anyin a öbun e hudo areto ae kong hon anyik taben hut. Ke haingöbun, ka habe, Ieû ohmun e okongu u hnyin? Anyin öbun e ha, ka habe, Haba laulau anyi Iehova, me ûnyi hnân hûkötiâ.

Numera 28:2

Hûna thö ka lakon Isaraela me ha ködra, ka habe, Haba hut könya, wale jeû hobi kâu je hut a an hnen meic me me bo so könya, me wale ûnyi öbun e he ka tuö he ka hudo könya hnyi je ûen adre thu.

Numera 28:24

Ke öbun e be ka hudo helâe hnyi je bong a seven, wale han he ka bi hanen hut a an ge meic kʼ ame bo so kö Iehova: adre me he ka hudo e a tha e me hudiny leû ae hmâ, me hudiny ic a hanen.

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

I. Korinito 10:21

E ca khanʼ öbun he ka ijem kaia belen Than me kaia belen ta je demoni: e ca khanʼ öbun he ka ve hu ûnyi hnyi laulau anyin Than, me laulau anyin ta je demoni.

Hna Omanenâ 3:20

Wâ bi, inya oge me tot hnyi hwanuma me seseto: e ka hu at ame löng ifucik me khong ut hwanuma, me oge me he ka didro kâu, me tha han mē, ke tha e mönya.