Levitiko 27:28 - Iaai Bible 1901 (New Caledonia)

²⁸ Ke so bi, haba ûnyi adre nyibo, a nyibo hnen ke at kö Iehova ûnyi hnyi anyin ta je ûnyi, ame ne at, ame ne meno, ame ne hnyei, me adre me ca he ka ûco hmetu me bi hnen: e ti kap kö Iehova je ûnyi hia adre nyibo.

Levitiko 27:28 ပူးပေါင်းရင်းမြစ်များ

II. Man Ûlabainy Je Than. 31:14

Ke Kore nöku Iemina at Levi at ame tuö homagöule e jimeyö, e ame tuö je hut ae betenge ka Khong, he ka khenâ je bwihlany kö Iehova, me je ûnyi ae ti kap.

Esodo 22:20

Adre me he ka ti ohia at ame bi hut ka ke khong, ke ca kö Iehova.

Ezekiela 44:29

Adre me he ka an hudiny han, me hudiny hulo, me hudiny monu; ke hobi kodra ta je ûnyi hia adre me naûâ hnyi Isaraela.

Ezekiela 48:14

Ke adre me ca he ka ûco hanen utkânâ, ke khaca adre me ca he ka bi hwaban e, ke adre me ca be ka hna wan kânâ a bân ka ke at bi: anyin ae kap e kö Iehova.

Levitiko 21:22

E ame he ka hnyi han an Khongon, wale je ûnyi ae ti kap hmönyin, me je ûnyi ae kap.

Levitiko 27:21

ke ödra ka hna hnyei hnyi jubeli, me ame he ka kap kö Iehova, helâ me hnyei adre nyibo; kʼ ame he ka iny at bihut.

Levitiko 27:27

Ke ame ne meno ae bo kong, me e ame he ka bi hnen ûnyi ae ûcû köu, me bi hanen ke keihen a thabûnginy ka hnyin: ke adre me ne ca ûco hmetu, me adre me he ka ûco e hoton ûnyi ae ûcû köu.

Levitiko 27:29

E ba ûnyi adre nyibo, a labö nyibo hnen at, adre me he ka ûco hmetu; kʼ adre me he ka hlingâ e.

Numera 18:14

Haba ta je ûnyi hia adre okâbâ hnyi Isaraela me wale hnân hobi köu.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Roma 9:3

Anyin a helâke oge me wek la, a gʼ adre me he ka ovesei nya me Keriso can je liamekeiny mönya, wale je lahanök hoton unyin:

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

Galatia 3:10

Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Deuteronomi 25:19

Anyin a wale e ka hia but Iehova Khongom omeno u ge je iwahnaihmiony hia möu igigilö, hnyi hnyei a ham köu Iehova Khongom me me em hnân labā, me u me he ka kot degecâ hna ûnykûme at Amaleka unyi eang hmeledrany; u me ca he ka hnying.

Deuteronomi 7:26

ke u me ca he ka hom ûnyi ae ikiki ka hnyi umâm uma, wâ adre nye obnaûhangö u helâ me; ke u ma he ka ti ikikiâ e, me ti hûkötiâ, anyin a e ûnyi adre ohnaûhangoâ.

Josua 6:26

Ke haba Josua ame ha hwegiâ ködra hnyi ûen eling, ka habe, Hnaûhango hnyi hnyimakö Iehova at ame he ka tot me op hmeto taun eang Jeriko: e ame he ka bi taben e ge imekeiny nokon a atö, me otilâ je homagouleny ge imekeiny nokon a wakeiat hmönyin.

Josua 7:1

KE kong hwakecin lakon Isaraela hnyi ûnyi adre nyiboâ: anyin a haba Akana nöku Karemi, nöku Zabedi, nöku Zera, ûnyi hnyi tribu Juda, ame hom ke je ûnyi adre nyiboâ; me ame ubâhlâ hmonyin anyi Iehova ka lakon Isaraela.

Josua 7:25

Ke haba Josua ame ha, ka habe, Ieû gam u me oveci ohmun? ame he Iehova ka oveci u hnyi bong ang. Me haba at Isaraela hia adre me lûâ e ge veto; ke ödrin e thong degeci ödrin ge meic, me luʼ ödrin ge veto.

Owisa 21:11

Ke walang ûnyi öbun e he ka ânyâ; öbun e he ka ohia obaga hia, me omomo hia a tha mwi me baga.

Owisa 21:18

Ke ca khanʼ ohmun he ka ham ködrin lakuhmun je hlu me laöiödrin: anyin a hia but khemanyin lakon Isaraela, ka habe, Hnaûhango at ame he ka ham momo kö Beniamina.

Owisa 21:5

Ke haingen lakon Isaraela, ka habe, Ia hnyi je tribu anyi Isaraela hia ae tiga ca hnyi he ka hnyi ûkhacaköu kö Iehova, anyin a ödrin e hia but khemanyin hwege gan ae tiga ca hnyi he Mizepa ai kö Iehova, ka habe, Adre me he ka hlingâ e.

I. Samuela 15:18

ke Iehova ame kunö u he ka vheno ke keihen hnyei, me ha köu, ka habe, He thö, me ti ohia but tavat ae kong a at Amaleka, me vat ju mödra ke ne o but ame hiʼ ödra.

I. Samuela 15:3

Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.