Levitiko 27:21 - Iaai Bible 1901 (New Caledonia)

²¹ ke ödra ka hna hnyei hnyi jubeli, me ame he ka kap kö Iehova, helâ me hnyei adre nyibo; kʼ ame he ka iny at bihut.

Levitiko 27:21 ပူးပေါင်းရင်းမြစ်များ

Ezera 10:8

ke haba ödrin hia tavat adre me ne ca o hnyi kun ta bong, hoton hofuc hwan than me wahingat, adre me he ka ohia anyidrin ta je ûnyi hia, me oûsakâû ödrin me ûkhacaköu anyin hoûbâ.

Ezekiela 44:29

Adre me he ka an hudiny han, me hudiny hulo, me hudiny monu; ke hobi kodra ta je ûnyi hia adre me naûâ hnyi Isaraela.

Levitiko 25:10

Ke öbun e he ka okabâ huna a fifteiny, me haimemenâ he ka thang aten hnyei a tavat adre me labâ e: ame he ka jubeli hobi köbun; ke öbun e he ka ve hmetu ka hnyi je ibun, me ve hmetu ka anyibun je lap.

Levitiko 25:28

Ke ame ne ca khana he ka hom hmetu e hobi kâu e bi, awe, ame he ka hnen bi ju ûnyi adre ûco unyin at ame ûco ke ne o but hnyi huna jubeli: ke adre me he ka hna e hnyi jubeli, ke e ame he ka hmetu ka hnyi gan.

Levitiko 25:31

Ke haba je uma hnyi je hnyaba, adre ca op haginy igigilö, me adre me he ka ûnykûme helâ me je utkânâ hnyi ta hnyei: e khanʼ ödra he ka ûco hmetu, kʼ adre me he ka hna hmetu hnyi jubeli.

Levitiko 27:20

Ke ame ne ca he ka ûco hmetu hnyei, ke ame ne hia but ûco ka ke at, me adre me ca he ka ûco hmetu e:

Levitiko 27:22

Ke ame ne he ke at ka okabâ kö Iehova ke hnyei e ame ûco, ke ca hanen iny hnyei;

Numera 18:14

Haba ta je ûnyi hia adre okâbâ hnyi Isaraela me wale hnân hobi köu.

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Josua 6:17

Kʼ adre me he ka ke ip taun, me ta je ûnyi hia eû hnyin hobi kö Iehova: ke Rahaba thiju momo hnyi gethen a gʼ ame he ka möt, e me hnyat hia thithö unyin hnyi uma, anyin a e ame ikhâlâ li metâ otin e kunâ.