Levitiko 26:9 - Iaai Bible 1901 (New Caledonia)

⁹ Ke oge me he ka ogânʼ öbun me osiâ me osehiʼ öbun; me ohmâ anyik ûbihinyköu möbun.

Levitiko 26:9 ပူးပေါင်းရင်းမြစ်များ

Genese 1:28

Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 17:20

Ke so bi oge hia but ling u ga Isamaela: wâ bi, oge hia but hahnahicâ, me oge me he ka ohâtâ e, me ösiâ gânâ but e; e ame he ka hnokoâ ta jo taben a twelv, me oge me he ka wia e me me kamen ta je hnyei ae se hia.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Genese 48:4

me ha könya, ka habe, Wâ bi, oge me he ka ohâti u me osi u me wiö u, mʼ u ma je hnyei ae se, ke oge me he ka ham hnyei eang ka ta je mâtrânâm a hwâbâm me me em nyiele balua.

Genese 6:18

Ke oge me he ka otilâ hmâ anyik ûhihinyköu möu; ke u ma he ka dit ka hnyi aka, u, me je lakom, me âiâm, me lâiân je lakom a tha ödrin möu.

I. Je Than 3:8

Ke inya but ang a athnyabaem hnyi wanben lakem waleji u je uca, hnyei ae gan, ae pason he ka ha ûseiny, ke ca hnân aû anyin ae se hia.

II. Je Than 13:23

Ke haba Iehova ame betenge gadrin, me hmak gadrin, me ö drin, can anyin ûhibinyköu me Aberahama, me Isaaka, me Jekob; ke ca weny bi he ka ohiʼ ödrin, me digic ödrin bala ûnyi hnyi hnyimakan.

Nehemia 2:20

Me oge me thu ködrin, me ha, ka habe, Ame he Khongon drany ka ohnahici ohmun; anyin a wale ohmun e he, a lathnyabainy, ka todrö me op: ke ba jekhöûbun, me musi, me hnân oûnykûmeâ hnyi Jerusalema.

Nehemia 9:23

Ke u je osehia je lakudrin helâ me je okhûiny drany, me hum ödrin ka hnyi hnyei, waleji u je ha ka lakamödrin, mʼ ödrin e he ka he ka hnyin he ka hu.

Salamo 107:38

E ame ohnahici ödra minya, mʼ adre me ti se hia; Kʼ ame ca hna haledra omeno he ka wakhalet.

Salamo 89:3

Oge hia but ûhihinyköu me hnok hna ûca, Oge hia but khemanyin kö Davita athnyabaik, ka habe,

Esodo 1:7

Ke ame dudu me si but ta je lakon Isaraela, me se hia, kʼ adre me hwege tot; ke unöngötö hnyei gadra.

Esodo 2:25

Ke Khong ame wâ je lakon Isaraela, me Khong ame wâhmakhmetu ödra.

Esodo 6:4

Ke oge hia but ohmâ anyik ûhihinyköu inödrin, be ka ham ködrin hnyei Kanana, waleji hnyei odrin e labö he kanyua hnyin hnyi hnödrin hna be kanyua.

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 23:4

Ke oge me he ka otilâ hudrin tavat tuö mamoe, he ka ha ö ʼdra: ke adre me ca he hmetu ka ot, me hlohlo, me hia, haingö Iehova.

Jeremia 33:3

ame ha, ka habe, Hongot dö könya, me oge me he ka thu köu, me omanenâ köu ta je ûnyi ae gan, me hmak, wale ae ca khanö u.

Ezekiela 16:62

Ke oge me he ka ohmâ anyik ûhihinyköu möu; me u me he ka wâ a inya Iehova:

Ezekiela 36:9

Anyin a wâ bi, inya oge me tha e möbun, ke oge me he ka hwio köbun, ke adre me he ka trohnen me belöki öbun:

Levitiko 26:15

ke öbun e ne be ka degec hnok je hna hûna, me hûkötiâ hnok je hna owisa, me me ca ânyâ hia anyik je hnanyibu, me hanyâûâ anyik ûbihinyköu möbun;

Luka 1:72

He ka ânyâ betenge ka lakamöta, Me ûnykûme anyin ûhihinyköu ae kap;

Deuteronomi 28:11

Ke ame he Iehova ka osehia hobi köu ta je ûnyi ae so, a wan hnyekom, me wan halem je meno, me wanʼ kânâm kânâ, hnyei a khemanyin Iehova ka lakâmân he ka ham köu.

Deuteronomi 28:4

Ame he ka hnahic wan hnyekom, me wan kânâm kânâ, me wan halem omeno, me ûsahiainy je kau me lakon mamoe.

Deuteronomi 7:13

me e ame he ka hnyok köu, me ohnahici u, me osehiö u: kʼ ame he minya ka ohnahicâ je wan hnyekom, me wan kânâm kânâ, wale ânyâm hwit, me ânyâm waina, me ânyâm wakaco, me lakon halem je kau, me je hnahat halem je mamoe, hnyi hnyei e ame khemanyin ka lakâmâm he ka ham köu.

Heberu 8:9

Ca helâ me ûhihinyköu oge hia but ânyâ me je lakamödra Hnyi bong oge me kât hnyamödra me lili ödra ûnyi hnyi hnyei Aigupito; Anyin adre me ca tethmâ hnyi anyik ûhihinyköu, Me oge me hna degeci ödra, haingen Than.