Levitiko 26:6 - Iaai Bible 1901 (New Caledonia)

⁶ Ke oge me he ka ham ûsoköu köbun hnyi hnyei, ke öbun e he ka mokut, ke ba at ame he ka oti öbun: ke oge me he ka, ohia je menoiny hnyot ae kong hnyi hnyei, kʼ ame ca he hele vat ka vheno ibun hnyei.

Levitiko 26:6 ပူးပေါင်းရင်းမြစ်များ

II. Je Than 2:24

Me e ame hwio me ô ʼdrin, me hângʼ ödrin hnyi iö Iehova. Me ame o li bea momo ûnyi hnyi hnyot me kiʼ ödrin je wainda a fâte tu.

I. Man Ûlabainy Je Than. 22:9

wâ bi, adre me he ka hnokoâ nokom, at ame laba ûsoköu, anyin a oge me he ka oûsokö-oâ e me je iwahnaihmiony mē igigilo: anyin a adre me he ka hwenyi ien Solomona, ke oge me ke ka ham ûsoköu me me laba wia at Isaraela hnyi bongon je bong hia:

II. Man Ûlabainy Je Than. 20:30

Ke ame laba wia dokhu Jehosafata: anyin a Khongon ame omenâ e ehele.

Jobu 11:19

U me he minya ka mokut, me ba at ame he ka ooti u; Eke, ame he ka weny gam tavat ae se hia.

Jobu 5:23

Ke ame he je vetoiny hnyei ka tha hien möu; Ke ame he ka ûsoköu möu ta je menoiny hnyot.

Salamo 144:14

Hnyi ûen adre me hijen je hok ae gan haleta je bolok; Ke ba hmetu ûhagutö ka hnyi taun me hna utut hnyou ai, Ke ba hwatenge hnyi deta ta je gethen;

Salamo 147:14

E ame ham ûsoköu hnyi je ke keihâm; E ame ounöngöti u ge hwit ae ti so.

Salamo 29:11

Ame he Iehova ka ham hwege ka lakeiny; Ame he Iehova ka ohnahicâ lakeiny ge ûsoköu.

Salamo 3:5

Oge me hlöhlöu me mokut; Ke oge me hmak hmetu; anyin a Iehova ame ohwegiö nya.

Salamo 4:8

Oge me he ka hlöhlöu me mokut minya hnyi hnahic: Anyin a u thibi Iehova ame olabö nya, khötkici nya.

Salamo 85:8

Oge me he ka long hna ha hnen Khong ae Iehova: Anyin a e ame he ka ha ûsoköu ka lakeiny me anyin wakap: Ke so adre me ca he hmetu bi ka hwakecidra ae monu.

Esodo 23:29

Oge me ca he ka obʼ odra hnyi huna a khaca, wâ e nye hnyotö kânâ, kʼ ame osehia but omenoiny hnyot köu.

Ta je Vejec 3:24

Hnyi ûen u me he ka mokut u me ca he ka ot: Eke, u me he ka mokut, kʼ ame he ka hnebwia hnâm hna mokut hnying.

Ta je Vejec 6:22

U je ne he, e ame he ka su u; U je ne mokut, e ame he ka tuö u; U je ne hmak hmetu, e ame be ka ûhnenamö möu.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 35:9

Ame he ka ba liona eling, ke ame ca he ka he kâe meno ame ûhûlû, adre me ca he ka wâ e eling: ke ame he tavat adre ûcû melidra ka vheno e:

Isaia 45:7

Oge me op lany ke oâ lit; oge me ânyâ ûsoköu, ke oâ hulo; inya Iehova at ame ânyâ ta je ûnyi hia thithö eling.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 30:10

Anyin a wale Jekob lö, athnyabaik, ca ot, haingö Iehova; ke Isaraela lö, ca hlohlo bi: anyin a wâ bi, oge me he ka omeli u ûnyi hnyi dok ae sâkâû, me je mâtrânâm ûnyi hnyi hnyei waleji adre hwenbʼ ödra hnyin; ke ame he Jekob ka hmetu me menâ, me laba hnahic, ke ba at ame he ka ootâ e.

Jeremia 31:26

Me oge me hmak me wâ, ke so könya hnok hna mokut.

Ezekiela 14:15

Oge ne kunâ je meno ae kong ka vheno hnyei, me ödrin e okongoâ e, me me i wau, me me ca he at ka he hnyin, can je meno;

Ezekiela 14:17

Ke oge ne oâ hele vat ka hnyei eling, me ha, ka habe, Hele vat lö, vheno thö hnyei; ke inya oge me subâ degecâ ûnyi hnyin e at me omeno;

Ezekiela 14:21

Anyin a walang hna ha hnen Than Iehova, ka habe, Hawa, e ca beönua bi, iny ka he ka kunâ Jerusalema ai anyik ta je hna owisa a vak ae kong, wale a hele vat, me hmiâ, me omeno ae kong, me mok ae cap, he ka subâ degecâ ûnyi hnyin e at me omeno?

Ezekiela 34:25

Ke oge me he ka ânyâ ûhihinyköu ûsoköu mʼ ödrin, ke oge me he ka ohia ta je meno ae kong ûnyi hnyi hnyei: ke adre me he ka laba khotkic hnyi hnyebuba, ke mokut hnyin hnyi hnyot.

Ezekiela 34:27

Ke ame he je ûöiny hnyei ka wa, kʼ ame he kânâ ka ham jeûiny, kʼ adre me he ka laba khotkic hnyi idra; me adre me he ka wâ a inya Iehova, iny ka hia but thu je venyâiny hna ûhûkâlaköu ödra, me omeli ödra ûnyi hnyi hnyamen tavat adre me thalu ödra.

Ezekiela 5:17

ke oge me he ka kunâ köbun hmiâ me je meno ae kong, ke adre me he ka ohia lakom; kʼ ame he mok ae cap me dra ka vhenu u; ke oge me he ka oâ köu hele vat: Inya Iehova, oge hia but ha e.

Hosea 2:18

Ke hnyi ûen eling oge me he ka ânyâ ûhihinyköu hobi ködrin me je menoiny hnyot, me je meno ame gâ ethö, me je meno ame iyawâ kânâ: ke oge me he ka thu cafana me hele vat, me vat ûnyi hnyi hnyei, ke oge me he ka omokulic ödrin hnyi sot.

Hosea 2:20

Oge me he ka hum u könya hnyi hnathu: ke ame he ka khanö u Iehova.

Levitiko 25:18

Anyin a wale hamöbun he ka ânyâ anyik je hnanyibu, me tuö hnok je hna owisa me ânyâ: mʼ öbun e he ka laba hnahic hnyi hnyei.

Levitiko 25:19

Ke ame he kânâ ka ham jeûiny, ke öbun e he ka han me sekon, me laba hnahic hnyin.

Levitiko 26:22

Ke oge me he ka kunâ köbun je menoiny hnyot he ka hûgûnâ lakubun, me ohia halebun je meno, me owakhaleti öbun; kʼ ame he ka ba at eû hnyi debun je gethen.

Levitiko 26:25

Ke oge me he ka oâ hele vat köbun at ame bi hwaban hna okongoâ ʼûbihinyköu: ke öbun e ne he ka ûkhacaköu hnyi anyibun je taun me oge me he ka kunâ mok ae cap hnyi wanböbun; kʼ adre me he ka hnʼ öbun ka hnyi hnyamen ta je iwahnaihmiony.

Levitiko 26:7

Ke öbun e he ka hnu je iwahnaihmiony möbun, kʼ adre me he ka ta hnyi hnyimaköbun ge hele vat.

Mika 4:4

Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Hagai 2:9

Ame he bi ka gan hmâ hmanenanginy uma eang a biliny hon uma a bân, haingö Iehova tuhan sabaoth: ke oge me he ka ham ûsoköu hnyi dok ang haingö Iehova tuhan sabaoth.

Zakaria 9:10

Ke oge me he ka subâ degecâ kariota ûnyi Eferaima, me hors ûnyi Jerusalema, ke adre me he ka subâ degecâ cafanainy vat; ke e ame he ka ha ûsoköu ka ta je hnyei: ke e ame he ka musi hwân hnyi ke köiö, ke ne o but ka hnyi ke köiö, ke hwân hnyi Wagewe ke ne o but ka hnyi je can hmeledrany.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ta je huliwa 12:6

Ke ame o but ûen ame he Heroda ka hom e hnyou ai, kʼ ame mokut Peteru wanben li soja hnyi hnyinghet eling, kʼ adre me ca e ge li tö fao: ke ame tuö uma ceat ge hnyat tue cicö hwanuma.

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;