Levitiko 26:45 - Iaai Bible 1901 (New Caledonia)

⁴⁵ ke oge me he ka ûnykûme ködrin, cadrin bi, waleji hnok hna ûhihinyköu me lakamödrin, tavat oge me hom ûnyi hnyi hnyei Aigupito hnyi hnyimakan aten ke je hnyei, mʼ inye he ka Khongudrin: Inya Iehova.

Levitiko 26:45 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 9:15

me oge me he ka ûnykûme anyik ûhihinyköu, wale möbun, me ta je ûnyi hia ae möt ae ve bongon; ke haba köio ame ca he hmetu ka uoû me ohia je ûnyi hia ae möt.

Salamo 106:45

Ke e ame ûnykûme hnân hobi kodra anyin ûhikinyköu, Me ame ietra hoton ûganiny anyin betenge.

Esodo 2:24

Ke Khong ame löng anyidra mâng, kʼ ame ûnykûme Khong hnen hna ûhihinyköu me Aberahama, me Isaaka, me Jekob.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Ezekiela 20:14

Ke so bi oge me huliwa can iök, me me ca he ka kong bi hnyi hnyimakan je hnyei, waleji oge me hum ödra hnyi hnyimakan.

Ezekiela 20:22

Ke so bi oge me ohmeto hnyamok, kʼ oge me huliwa can iök, me me ca he ka kong e hnyi hnyimakan je hnyei, waleji oge me hum ödra hnyi hnyimakodra.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Levitiko 11:45

Anyin a inya Iehova at ame hum öbun ûnyi hnyi hnyei Aigupito, me me he ka Khongubun: anyin a wale öbun e he ka kap, anyin a iny kap.

Levitiko 22:33

wale at ame hum öbun ûnyi hnyi hnyei Aigupito, me me Khongubun: Inya Iehova.

Levitiko 25:38

Inya Iehova Khongubun, at ame hum öbun ûnyi hnyi hnyei Aigupito, me me ham köbun hnyei Kanana, me me Khongubun.

Roma 11:12

Ke a ne tang omjehen dut hmeledrany ta a ödra, me tang omjehen dut Aten ta je hnyei hna otheduoci ödra; hawa, ame ca he ka ti gan hmâ anyidra hnahic?

Deuteronomi 4:31

anyin a haba Iehova Khongom me Khong ame betenge; e ame ca he ka hna degeci u, me ohiö u, me hnying anyin ûhihinyköu me lakâmâm, waleji e ame khemanyin ködrin,

Deuteronomi 9:27

ûnykûme ju lathnyabaem, Aberahama, me Isaaka, me Jekob; e so u me ca wâ hwakecin ae ûjöng anyin tavat eang, me hwakecidra ae kong, me anyidra hulö: