Levitiko 26:44 - Iaai Bible 1901 (New Caledonia)

⁴⁴ Ke so bi eja ke ne a ne helâe, ke ka odrin bi hnyi hnyei iny je iwahnaihmiony mödrin, me oge me ca he ka digic odrin me hûköti odrin, me ti ohiʼ odrin, me thu hnok hna ûhihinyköu mödrin: anyin a inya Iehova Khongudrin:

Levitiko 26:44 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

II. Je Than 13:23

Ke haba Iehova ame betenge gadrin, me hmak gadrin, me ö drin, can anyin ûhibinyköu me Aberahama, me Isaaka, me Jekob; ke ca weny bi he ka ohiʼ ödrin, me digic ödrin bala ûnyi hnyi hnyimakan.

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Nehemia 9:31

Ke so bi can ânyâm ibetengiö ae gan, u je ca ti ohiʼ ödrin, me hna degeci ödrin; anyin a u Khong ame betenge me menyik.

Salamo 103:13

Iehova ame betenge ge tavat adre me outen e, Helâ me kamen ame betenge ge lakon.

Salamo 89:33

Ke so bi, oge me ca he ka hom anyik betenge hia ûnyi gan, Me ohaûâ anyik hnathu.

Salamo 94:14

Anyin ame ca he bi Iehova ka hna degecâ lakeiny, Kʼ ame ca be ka hna but hwajekhon.

Jeremia 14:21

Ca he bi ka ikiki ohmun, ûnyi hnyi iâm; ca he ka okongoâ theroniny ânyâm hmanenang: ûnykûme ju, ca he ka thamuâ ânyâm ûhihinyköu möhmun.

Jeremia 24:5

Walang hna ba hnö Iehova Khongu Isaraela, ka habe, Oge me be ka wâhmakhmeto je bâ anyin at Juda, waleji oge kunʼ ödra ûhedra ang ka hnyi hnyei Kaledaia, mʼ adre me so, helâ me je wan meta eang ae so.

Jeremia 30:11

Anyin a haingö Iehova, ka habe, tha inya but möu he ka omeli u; anyin oge me he ka bi obiny ka je hnyei hïa waleji oge obö u ka hnyin, ke oge me ca he ka bi obiny köu; ke oge me he ka nö u ge hna owisa, ke oge me ca he ka hnö u ke ba hwaban.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 33:26

awe, oge me he ka hna degecâ je mâtrâni Jekob, me Davita athnyabaik, mʼ oge me ca he ka hom unyin je mâtrâniny hnân muso je mâtrâni Aberahama, me Isaaka, me Jekob: anyin oge me he ka ohmetu ödra ûhedra hnyi hna bâ, me betenge gadra.

Ezekiela 16:60

Ke so bi oge me he ka ûnykûme waleji ge hnok hna ûhihinyköu möu hnyi ûen a u hlu, ke oge me he ka ohmâ hobi köu ûhihinyköu a nyiele balua.

Levitiko 26:11

Ke oge me he ka ip umök uma mano hnyi wanböbun, ke oge me ca he ka hûköti öbun.

Roma 11:2

A ca degec bi Khong lakeiny waleji e ame wâhmakhmeto ehac. Ke ca khanʼ öbun hna ha hnen tusi ga Elia? waleji e ame khöû ka Khong ge at Isaraela, ka habe,

Roma 11:26

mʼ adre me he ka omelö at Isaraela hia thithö; helâ me hna sihnalimen, ka habe, Ame he ka o At ûhomeli ûheny Ziona; Ke ame he ka ohia hwakecin ae kong unyi Jekob:

Owisa 2:1

KE ame o hnyi Bokim ûheny Gelegala angela anyi Iehova. Me e ame ha ka habe, Oge me kunʼ öbun ûheny Aigupito, me hum öbun ka hnyi hnyei waleji oge khemanyin ka lakamöbun; ke oge me ha, ka habe, Oge me ca he balua ka oûnyibâûâ anyik ûhihinyköu möbun: