Levitiko 26:41 - Iaai Bible 1901 (New Caledonia)

⁴¹ me inya oge me digic odrin, me hum odrin ka hnyi hnyei iny je iwahnaihmiony mödrin: ke ame ne he ka he je hnyekudrin adre ca peritomonâ ka hnyikânâ, kʼ odrin e kap hwaban hwakecidrin ae kong;

Levitiko 26:41 ပူးပေါင်းရင်းမြစ်များ

I. Je Than 21:29

Hawa, u je wâ but a Ahaba ame oûhnyûkongo e bi hnyi hnyimakök? awe, anyin a e ame oûhnyûkongo e hnyi hnyimakök, me oge me ca he bi nya ka oâ ûnyi ae kong hnyi bongon ta je bong: ke o ge me he bi nya ka oâ ûnyi ae kong ka anyin lap hnyi ta je bong bongon nokon.

II. Man Ûlabainy Je Than. 12:12

Ke e ame ka oûhnyûkongo e bi, me ame hwio ûnyi gan hmonyin anyi Iehova, me e ame ca ti ohia e: ke haba khaca e hu ta je ûnyi ae so adre me wâ hnyi Juda.

II. Man Ûlabainy Je Than. 32:26

Ke so bi haba Hezekia ame ka oûhnyûkongoâ e bi hnyi bi ganiny hnyekon, a e me tavat adre me laba hnyi Jerusalema, me me ca aat bi ködrin hmonyin anyi Iehova hnyi je bong bongu Hezekia.

II. Man Ûlabainy Je Than. 33:19

Me hijin hic minya, me hwakecin hna betenge kâu hnen Khong ge anyin khöû me anyin hulo hia, me hnen hna he hwali, me je ke keihen e ame op je dok ae gorany hnyin, me otilâ je Aseira me je hnatheat hnyin, waleji ke tiga ca oûhnyûkongoâ e: wâ bi, adre hia but sihnalimen hnyi hofuc hwan tavat wâ.

II. Man Ûlabainy Je Than. 33:23

Ke so bi, e ame ca oûhnyûkongoâ e bi hnyi hnyimakö Iehova helâ me hnö Manase a kamen hna oûhnyûkongoâ e bi; ke haba Amona ame ânyâ hwakecin ae kong hmiö nyin.

Ezera 9:13

Ke hwaban ta je ûnyi hia ame o kohmun can hwakecihmun ae kong, me anyihmun hulo ae gan, anyin a u Khonguhmun u je bi hwaban ûhnyûkongo kohmun ke ca gan hmâ hoton anyihmun monu, ke u je ham kohmun ûhomeli helâng,

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Nehemia 9:33

Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Salamo 39:9

Oge me hum but, oge me ca khong hnyimök; Anyin a u thibi at a ânyâ.

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Ezekiela 14:23

Ke adre me he ka otubweli öbun, öbun ka wâ je hwakecidra me anyidra je huliwa: ke öbun e be ka wâ a oge me ca ânyâ ke ba can bi ta je ûnyi hia waleji oge me ânyâ ka hnyin, haingen Than Iehova.

Ezekiela 20:43

Ke öbun e he ka ûnykûme eling debun je gethen, me hnobun je hna ânyâ, waleji öbun e hia but okongu öbun hnyin; mʼ öbun e he ka hûköti öbun can ta je hulo hia öbun e hia but ânyâ.

Ezekiela 44:7

waleji hnyi hnobun hna odilâ je atkanyaua, tavat adre me ca peritomonâ hnyok, ke adre ca peritomonâ unyidra, mʼ adre me he ka hnyi laba hnyi anyik dok ae kap, he ka okongoâ e, wale umök uma, öbun ka hom ok jeû, wale pipikhenya, me dra, ke adre hia but thamuâ hnok hna ûhihinyköu, he ka bi hanen ka hwakecibun ae kong.

Ezekiela 44:9

Walang hna ha hnen Than Iehova, ka habe, E ba atkanyua adre ca peritomonâ hnyok, ke adre ca peritomonâ unyin, ame he ka hnyi dit ka hnyi anyik dok ae kap, wale atkanyua at ame tha laba me lakon Isaraela.

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Levitiko 26:24

me oge me he bi nya ka digic öbun; ke oge me he ka oseven kuc öbun can anyibun je hulö.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Numera 5:7

me hamödra he ka omanenâ anyidra hulö waleji adre me ânyâ: kʼ adre me he ka bi hwaban bekhötâ anyidra hulö, me bi hanen ke keihen a thabûnginy ka hnyin, me ham ka at waleji e ame monu kâu.

Mataio 23:12

Ke adre me he ka oûhnyûkongo at ame ka ogânâ e; kʼ adre me he ka ogânâ at ame ka oûhnyukongoâ e.

Luka 14:11

Anyin adre me he ka oûhnyûkongoâ at ame ogânâ e bi; kʼ adre me he ka ogânâ at ame ka oûhnyûkongoâ e bi.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Deuteronomi 10:16

Anyin a wale peritomonâ unen je hnyekubun, ke ca he hmetu bi öbun ka hwege nyin.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Kolose 2:11

wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso;