Levitiko 26:39 - Iaai Bible 1901 (New Caledonia)

³⁹ Ke ame he je kolon gabun ka aû hnyi anyidrin hulö hnyi je hnyei iny je iwahnaihmiony möbun, kʼ odrin e he minya ka aû hnen je hulö anyin lakamödrin a tha e mödrin.

Levitiko 26:39 ပူးပေါင်းရင်းမြစ်များ

II. Man Ûlabainy Je Than. 34:24

Walang hna ha hnö Iehova, ka habe, Wâ bi, oge me he ka oâ ûnyi ae kong hon dok ang, me tavat adre me labā e, wale ta je hnaûhango adre sihnalimen hnyi tusi ödrin e aû ka than Juda:

Ezera 9:7

E gan anyihmun hulo hwan hnyi ûen lakamöhmun ke ne o but huyi bong ang; ke can anyihmun je monu, me adre me hnʼ ohmun, me latuhömun, me tavat bihut unyihmun, ka hnyi hnyamen je thaniny je hnyei, ka hnyi hele vat, me ka hnyi hwenbâ, me ka tavat söh, me he ka hmehma, helâ me hnyi bong ang.

Nehemia 1:9

ke öbun ka he ka hwio könya me tuö anyik je hnanyibu me ânyâ, eja ke ne adre ne obʼ öbun ka hnyi je can hmeledrany, me oge me he ka ûkhacaköu öbun ûhebun e, me hum öbun ka hnyi dok waleji oge me ûca he ka ip iök hnyin.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Esodo 34:7

at ame tuö ibetengiö hobi kâu ta je thauzan, me degecâ monu me hna hanyâûâ me hwakecin ae monu: kʼ ame ca he ka ha me ba hulö anyin tavat ae kong; kʼ ame bi hwaban monu anyin je kamen ka lakon, me laöbiny, ke ne o but hnyi dö a kuniny me vakiny.

Isaia 14:21

Penapena thö dok hnân hlingâ je lakon, can hulo anyin je kamödra; mʼ ödra me ca he ka tot me me idra hnyei, me ounöngötâ kânâiny hmeledrany hnen ta je taun.

Isaia 24:16

Ate me hia but long je khumöng ûnyi hnyi can hmeledrany, hna ogânâ tavat ae wisa. Ke haingök, Oge me delâ tot, oge me delâ tot, ekölö gak! a hia but iyawo ge tavat iyawo; eke, ame iyawo gan hmâ hnen tavat iyawo.

Jeremia 29:12

Ke öbun e he ka hao nya, me öbun e he ka he me hic könya, me oge me he ka ling öbun.

Jeremia 3:25

E so ate me mokut hnyi anyita hmehma, ke so ame tubi öta hnen anyita hlohlo: anyin ate hia but ânyâ hwakecin ae kong kö Iehova Khonguta, öta me lakamöta, hwân kʼ öta tiga ûhnyûkong ke ne o but hnyi bong ang; ke ate me ca hia but long hofuc ho Iehova Khonguta.

Jeremia 31:29

Hnyi bong eling adre me ca he hmetu ka ha, ka habe, Haba je lakamöhmun adre hia but ijem wan vine ae but, me ame miminy bi nyon je lakon.

Je tenge anyi Jeremi 1:3

A bâ but Juda can ûöveci me huliwa ae hmak; E ame laba unyin je ethen, kʼ ame ca wâ bi hna menâ: Haba tavat hia adre me ovecâ e, me adre me khaû e hnyi dok ae hnek.

Je tenge anyi Jeremi 4:9

E so tavat adre me hlingâ ge hele vat hon tavat adre me mok ge hmiâ; Anyin a ödra aû but, adre kot moko, anyin a ba but wan kânâ.

Ezekiela 18:19

Ke öbun e ha bi, ka habe, anyin a ieû ame ca takoû bi je lakon hulo anyin kamen? Ame ne ânyâ ûnyi ae ûcû me wisa hnen nokon, kʼ ame tuö hia anyik je hnanyibu, ke me ânyâ e, me ame he bi ka mok.

Ezekiela 20:43

Ke öbun e he ka ûnykûme eling debun je gethen, me hnobun je hna ânyâ, waleji öbun e hia but okongu öbun hnyin; mʼ öbun e he ka hûköti öbun can ta je hulo hia öbun e hia but ânyâ.

Ezekiela 24:23

Ke ame he ka e bi hon böbun je hnabinybak, ke hnen ju je tangen hnyeûcabun hnyi je cabun: öbun e ca he ka tenge me tenge thungaû; ke öbun e he ka aû tot hnyi anyibun ta je hulo, me ûtengiököu.

Ezekiela 33:10

Ke haba u, nokon at lö, ha thö ka lap anyi Isaraela, ka habe, Walang hnobun hna ha, ka habe, Huhmun bi anyihmun je monu ke anyihmun je hulo, ke ohmun e aû tot hnyin; kʼ ohmun e he ka hawa he ka möt?

Ezekiela 36:31

Ke öbun e he ka ûnykûme ta je hwakecibun ae kong, me hnobun je hna ânyâ ae ca so; ke öbun e he ka hûköti öbun bi hnyi hnyimaköbun bi can anyibun ta je hulo me hwakecibun ae ikiki.

Ezekiela 4:17

me me ba but jeû me köiö gadra, mʼ adre me ûlâiâköuâ, me oaûâ but hnyi anyidra hulo.

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Zakaria 10:9

Ke oge me he ka te ödra unyin je hnyei; ke adre me he ka ûnykûme könya hnyi je dok ae sâkâû: ke adre me he ka tha möt hmetu me je lakudra.

Numera 14:18

At ae bec he ka hmönyin Iehova, ke gan hmâ anyin ibetengiö, kʼ ame degecâ hulö, me monu, kʼ ame ca he ka ha ae ba kongon at ae kong; ke e ame bi hwaban monu anyin je kamen ka je lakon, ke ne o but ka hnyi dö a kuniny me vakiny.

Deuteronomi 28:65

Ke u me ca he ka laba wia hnyi je hnyei hia eling, kʼ ame ca he ka menâ hnyeûcam: ke ame he Iehova ka ham eling köu hnyok ae öbubuny, me li ecmak ae dit, me hanu ae höcö:

Deuteronomi 30:1

KE e ka o köu ta je ûnyi hia eling, wale hnahic me hnaûhangö oge hia but ip hnyi hnyimâkâm, ke u me he ka ûnykûme gan hnyi je hnyei hia wale Iehova ame obö u ka hnyin,

Deuteronomi 5:9

u me ca he ka khudrung me bi athnyabainy ta je ûnyi e: anyin a inya Iehova Khongom, Khong ame ciâ, at ame bi hwaban monu anyin je kamen ka je mâtrânidrin ke ne o but ka hnyi dö a kuniny me dö a vakiny a tavat adre hûkötiö nya:

Deuteronomi 8:20

Adre me he ka ohiʼ öbun helâ me je hnyei ame he Iehova ka ohia hnyi hnyimaköbun; anyin a öbun e höcö löng hoton hofuc bo Iehova Khongubun.