Levitiko 26:36 - Iaai Bible 1901 (New Caledonia)

³⁶ Ke haba je kolon gabun, me oge me he ka okûâ ot eû hnyi je hnyekudrin hnyi je hnyei iny je iwahnaihmiony mödrin: kʼ ame he hwan lan ûö ka hnu odrin; kʼ odrin e he ka kec helâ me at ame kec ge hele vat; kʼ odrin e he ka ta ke ba at ame hnu.

Levitiko 26:36 ပူးပေါင်းရင်းမြစ်များ

Genese 35:5

Kʼ adre me he but: ke e gan hmâ hna outen hnyi ta je hnyei igigili ödra, kʼ adre me ca hnu hoton je laku Jekob.

Genese 4:12

u ka belökâ kânâ, ame ca he hmetu ka ohwenyingâ gânâ; ke u ma he bi u ka at baû, me at he monu eang hmeledrany.

II. Man Ûlabainy Je Than. 14:14

Ke ödrin e kot je taun hia igigilo Gerara, anyin a ödrin e outö Iehova: me ödrin e sö je taun hia; anyin ae se hia ta je ûnyi hnyin.

Jobu 13:25

U me he ka hwege ka lan ûö ame tûâ ge ang? Ke u me he ka hnu tilâ thatûnyin hwit ae meleca?

Salamo 53:5

Adre me ot gan hmâ eling, ke ba ûnyi hnân outen bi: Anyin a biâ but Khong khûâ degecâ je jeien tavat waleji adre me hunumâ cici u; U je hia but ohmehmʼ ödra, anyin a hia but Khong digic Ödra.

Salamo 53:6

E na o but ûhomeli anyi Isaraela ûheny Ziona! E ka he Khong ka ohmeto lakeiny tavat adre bâ, Me me he Jekob ka senyin, kʼ ame he Isaraela ka hobâ.

Salamo 89:43

Eke, u je öönua homakan anyin hele vat, Me ca otethmâ e hnyi vat.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Isaia 30:17

Ame he wan thauzan ka kec ge ifucin at a khaca; öbun e he ka kec ge ifucin hnyat a thabûng: ke ne o but adre me hnʼ öbun dut helâ me aneunya hon bucen, ke helâ me boûdila hon dok ae hut.

Isaia 7:2

Ke adre thumeto lap anyi Davita, ka habe, Ame tha hien at Eferaima me at Suria. Me ame bwebwet hnyekon, me hnyekon lakeiny, helâ me je ûö hnyi hnyot ame bwebwet ge ang.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Jeremia 37:10

Anyin a eja ke ne öbun e ne hia but kot utbavat a at Kaledaia tavat adre me vat möbun, ke hu aat dö ge je kolon gadra, adre me he bi ka ve tot hnyi umödra je uma mano, me thong taun ang ge meic.

Jeremia 46:16

E ame ohaûâ tavat ae se hia, eke, ke at ame ta hon ke at; ke haingodra, ka habe, Todrö, ate me hmetu ka ta je atöta, me hnyei adre me hnöku ota hnyin, can hele vat at ame ûokonguny.

Je tenge anyi Jeremi 1:3

A bâ but Juda can ûöveci me huliwa ae hmak; E ame laba unyin je ethen, kʼ ame ca wâ bi hna menâ: Haba tavat hia adre me ovecâ e, me adre me khaû e hnyi dok ae hnek.

Je tenge anyi Jeremi 1:6

Kʼ ame hia hia but bongon than unyin hlu lakon Ziona: Haba anyin je taben, me ödra tha ûcû me je aila adre me ca wâ bi ûnyi hnân han. Ke adre me kec ke ba bi tang hwege hnyi hnyimakan at ame ûhnûnû.

Je tenge anyi Jeremi 4:19

E logot tavat adre me hnu ohmun hon ta je aetöiny drany: Adre me hnu ohmun hon je bucen, adre me khöu mokut hnyi hnyebuba kohmun.

Ezekiela 21:12

Nokon at lö, kuku thö, ke kuku tenge thö: anyin a e bi hon lakeik, e bi hon je taben Isaraela: adre hnʼ ödra ka hnyi hele vat tha ödra me lakeik: anyin a wale khaû thö jevam.

Ezekiela 21:15

Oge hia but ip obiny hele vat hnyi je homagöuledra hia, me me köiö but je hnyekudra me me osehia hnödra je hna haû: ekölö! adre ânyâ e helâ me hucuce, adre khet homakan e hnân ûhlingö.

Ezekiela 21:7

Ke ödra ka ha köu, ka habe, Anyin a ieû u me mâng? me u me he ka thu kodra, ka habe, Can je ûthumetu, anyin ame he jem: ke ame he ka köiö but ta je hnyok hia, ke ame he ka him ta je beny hia, ke ame he ka sënyin ta je hanu hia, ke ame he ka bwebwet ta je bouca hia helâ me köiö: wâ bi, e but ang, ke ame he ka hwâdâ, haingen Than Iehova.

Hosea 8:3

A hia but Isaraela degec so: me ame he ka hnu e hnen iwahnaihmiony.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Levitiko 26:35

Hnyi ûen itremacat e hia e ame he ka menâ; anyin a e ame ca menâ hnyi anyibun je sabath, walʼ öbun e labâ.

Deuteronomi 1:44

Me ame o but at Amora, tavat adre me labâ bucen eling, he ka vat möbun, me hnu öbun, helâ me je bi adre me ûhnûhnû, me kuc öbun ke ne o but hnyi Seira, me he ke ne o but Horema.

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.

Josua 7:5

Ke haba at Ai ödrin e kot thote siks ta hnyat gadrin: ke ödrin e hnu ödrin hwân hnyi homagöule ke ne o but ka hnyi Sebarima me kuc ödrin hnyi hna utut: me ame oköiö je hnyekon tavat me me helâ me köiö.

I. Samuela 17:24

Ke haba at Isaraela hia ödrin e wâ at, me ödrin e kec gan, me ot gan hmâ.