Levitiko 26:30 - Iaai Bible 1901 (New Caledonia)

³⁰ Ke oge me he ka ohia anyibun je dok ae görany, me subâ degecâ hnöbun hna theati seûnö, me khûâ degecâ je unyibun a mokcu ka hnyi hon anyibun je idola ae mok; ke oge me he ka hûköti öbun.

Levitiko 26:30 ပူးပေါင်းရင်းမြစ်များ

Genese 19:13

anyin a ohmu me he ka ohia dok ang, anyin ae gan hmâ hwan anyidra tenge hnyi hnyimakö Iehova; ke a kunʼ öhmu Iehova he ka ohia e.

I. Je Than 13:2

Ke e ame hongot ka hnyi taben hut ge hofuc ho Iehova, me ha, ka habe, Taben hut, taben hut lö, walang hna ha hnö Iehova, Wâ bi, adre me he ka hnokoâ wanakat ka hnyi lap anyi Davita, Josea ien; ke e ame he ka hudo hom je hnyat bihut hnyi je dok ae görany, tavat ödrin e leû uto ae bo so hom, ke ödrin e he ka le hom je jeien at.

I. Je Than 13:32

Anyin ame he ka hwâdâ hofuc waleji e ame hongot ge hofuc ho Iehova ka hnyi taben hut hnyi Beth-ela, me hon je uma hia hnyi je dok ae görany hnyi je taun hnyi Samaria.

II. Je Than 23:16

Ke haba Josea ame hwio me wâ je erkemok ae hnyi bucen; me e ame ûkhûnöng he ka hom je jeien komok ûnyi hnyi je erkemok me thong degecâ hon taben hut me oikikiâ e hoton hofuc ho Iehova, waleji a ha aten Khong, wale at a ba je hofuc ang.

II. Je Than 23:20

Ke e ame hlingâ je at bihut hia anyin je dok ae görany eling, hon je taben hut, me thong je jeien ta je komok hon; me e ame hmetu Jerusalema ai.

II. Je Than 23:8

Ke e ame hom tavat bihut ûnyi hnyi je taun Juda hia, me oikikiâ je dok ae görany ame leû hnyin uto ae bo so ge tavat bihut, hwân hnyi Geba ke ne o but hnyi Bere-seba; ke e ame thö degecâ je dok ae görany hnyi je homagöule wale hnyi homagöule Josua at ame muso taun, wale hnyi ke keihen a meny homagouleny taun.

II. Man Ûlabainy Je Than. 23:17

Ke haba tavat hia ödrin e he ka hnyi uma umö Baala, me kia e, me thö omomono je taben hut kâu, me je hna theatâ, me hlingö Matana at bihut anyi Baala cicö je taben hut.

II. Man Ûlabainy Je Than. 31:1

KE a um dö ûnyi hia eling, me ame he Isaraela hia, wale tavat adre me mwi e, ka hnyi je tauniny Juda, me oamamâ je veto ame tot, me sö degecâ je Aseira, me hagutâ je dok ae gorany, me je taben hut hnyi hnyei Juda hia, me Beniamina, me Eferaima, me Manase, ke ne o but adre me ohia hia thithö. Me haba lakon Isaraela hia adre me ve he ka hnyi je idrin hnyi anyidrin je taun.

Salamo 106:40

Anyin a wale, ame ubâhlâ thö hmönyin anyi Iehova ka lakeiny, Me e ame hûkotiâ jekhon.

Salamo 89:38

Ke u je hia but hna degecâ me ounyibaûâ, Ke u je hia but hmönyin ka at u je hû.

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Jeremia 14:19

Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Ezekiela 16:39

Ke oge me he ka hnö u ka hnyi hnyamödrin, kʼ adre me he ka thö umâm uma ae nua, me hagutâ ânyâm je dok ae görany; ke adre me he ka un dö je khâuâm, me hom je ohmanenangâm ae meic: ke adre me he ka hnö u ke ba ûkhaû ke ba ûnyi gam.

Ezekiela 43:7

Ke e ame ha könya, ka habe, Nokon at lö, walang hnen anyik theron, me hnen li hnyeûcak, wale oge me he ka laba hnyin unyin je lakon Isaraela nyiela balua: ke ame ca he hmetu lap anyi Isaraela ka okongoâ iök ae kap, ödra, me latuhödra, hnen anyidra bi ûnyi monu, me hnen unyin latuhödra ae mok hnyi anyidra je dok ae gorany;

Ezekiela 6:13

Ke ame he ka khanʼ öbun a inya Iehova, e ka e but je kokidra hnyi wanben anyidra je idola igigilö anyidra je taben hut, hon je dok ae hut hia ae gorany, me hon ban je bucen hia, me hmelen je ûö hia ae hât, me hmelen je iwajo hia ae wanenec, waleji adre ham hnyin je ûnyi ae bo so ka anyidra je idola hia.

Hosea 10:2

Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot.

Levitiko 20:23

Ke ca he öbun ka he hoton hwakecin je hnyei oge me he ka obâ hnyi hnyimaköbun: anyin a ödra adre me ânyâ ta je ûnyi hia eling, anyin a wale oge me ikiki ödra.

Levitiko 26:11

Ke oge me he ka ip umök uma mano hnyi wanböbun, ke oge me ca he ka hûköti öbun.

Levitiko 26:15

ke öbun e ne be ka degec hnok je hna hûna, me hûkötiâ hnok je hna owisa, me me ca ânyâ hia anyik je hnanyibu, me hanyâûâ anyik ûbihinyköu möbun;

Amosa 6:8

A hia but Than Iehova khemanyin ame ka ha gan bi, me haingo Iehova Khongon sabaoth, ka habe, Oge me höcö ge beönuâ anyin Jekob, me hûkotiâ je uma umen tuhan: anyin a wale oge me he bi nya ka hna taun me onyen.

Amosa 7:9

ke ame he ka ba wan je dok ae gorany anyi Isaaka, me ba onyen je dok ae kap anyi Isaraela; ke oge me he ka tot ûcon lap anyi Jeroboama me hele vat.

Deuteronomi 32:19

Iehova ame wâ me höci ödra, Can hna ohmönyinâ e ge lakon baga me hlu.