Levitiko 26:26 - Iaai Bible 1901 (New Caledonia)

²⁶ Hnyi ûen oge me thu uciny anyibun jeû, me ame he ten ta momo ka tha inyâ ö ʼbun hnyi wahnainyâ a khaca, kʼ odrin e he ka ham hmetu ö bun hoton tulut: kʼ öbun e he ka han ke ca sekon bi.

Levitiko 26:26 ပူးပေါင်းရင်းမြစ်များ

II. Je Than 6:25

Ke gan hmâ hmiâ hnyi Samaria: ke wâ bi ödrin e thelöng e me me eite je sileva hwaban ban asina, ke faiv je sileva hwaban ke keihen kabe a vakiny tatet tiny biny.

Salamo 105:16

Ke e ame hawâ hmiâ ka hnyi hnyei; E ame thu uciny jeû hia thithö

Isaia 3:1

A NYIN a wâ bi, haba Than Iehova tuhan sabaoth, ame hom ûnyi Jerusalema me Juda ke ci me ke ci, wale je ci areto hia, me je ci köiö hia;

Isaia 5:10

Anyin a ten ta ekeriny hnyei ame he ka wa thibi bath a khaca, ke khaca homer wan adre tä ame he ka wa khaca thibi efa.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Isaia 9:20

Ame he ke at ka söh hnyi ke keihen a metâ, kʼ ame he ka mekihnânem bala bi; ke e ame he ka han hnyi ke keihen me, kʼ ame ca he ka sekon bi: kʼ adre me he ka ve an viny je benyidra bi:

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Ezekiela 14:13

Nokon at lö, e ka ânyâ hulo könya hnen ke hnyei me ânyâ ûnyi ae kong, ke iny ka hai hnyamok hon e, me ohmetro ciny jeûiny, me kunâ kâu hmiâ, me subâ degecâ ûnyi hnyin e at me meno,

Ezekiela 4:10

Ke haba âm u me he ka han, ame he ka he hoton tulut, twente je sekel hnyi bong: u me he ka an e hnyi ke ûen me ke ûen.

Ezekiela 4:16

Ke e ame ha könya, ka habe, Nokon at, wâ bi, oge me he ka thu uciny han hnyi Jerusalema: ke adre me he ka han ge tulut, ke hom ûhnyûkongo; ke adre me he ka ic ge tulut me hlohlo:

Ezekiela 4:17

me me ba but jeû me köiö gadra, mʼ adre me ûlâiâköuâ, me oaûâ but hnyi anyidra hulo.

Ezekiela 5:16

hnyi ûen oge me he ka kunâ kodra je fanainy hmiâ ae kong, wale hnân ohia, wale oge me he ka kunâ he ka ohiʼ öbun; ke oge me he ka ogânâ hmiâ köbun me thu uciny anyibun jeû;

Hosea 4:10

Ke adre me he ka han, me ca sekudra bi; adre me he ka bi ûnyi monu, kʼ adre me ca he bi ka osehia: anyin adre hia but degec he ka löng kö Iehova.

Levitiko 26:27

Ke öbun e ne ca ling nya can ta je ûnyi hia eling, kʼ öbun e he ka hna degeci nya;

Mika 6:14

U me he bi ka han, me u me ca he bi ka sekom; ke ame he ka e bi hnyi wanbâm hna hom ûhnyûkongu u: ke u me he ka sukhöunâ omjeû, kʼ ame ca he bi ka sot hnâm hna sukhöunâ; ke haba ûnyi u me hom, me oge me he bi nya ka hna ka hnyi hele vat.

Hagai 1:6

Öbun e hia but ti belök, ke ûhnyûkong bi hna hom; öbun e han, ke ca sekubun bi; öbun e ic, ke beic bala bi; öbun e khaû, ke ba at ame mage bi; ke haba at ame huliwa ge hwaban, me ame hom hwaban he ka hitangen hnyi tang ae moku.