Levitiko 26:25 - Iaai Bible 1901 (New Caledonia)

²⁵ Ke oge me he ka oâ hele vat köbun at ame bi hwaban hna okongoâ ʼûbihinyköu: ke öbun e ne he ka ûkhacaköu hnyi anyibun je taun me oge me he ka kunâ mok ae cap hnyi wanböbun; kʼ adre me he ka hnʼ öbun ka hnyi hnyamen ta je iwahnaihmiony.

Levitiko 26:25 ပူးပေါင်းရင်းမြစ်များ

II. Samuela 24:15

Me Iehova ame kunâ mok ae cap ka at Isaraela hwân hnyi hnyomakatu ke ne o but hnyi ûen adre me thu: me ame mokcu sevente thauzan tavat hwân hnyi Dana ke ne o but Bere-seba.

I. Je Than 8:33

Adre me ne he ka kot lakem a Isaraela hnyi hnyimakan iwahnaihmiony, anyin a ödrin e ânyâ hulö köu; ke ödrin e ne he ka hmetu köu, me haimemenâ iâm, me hic me sumat köu hnyi uma ang:

I. Je Than 8:37

Ame ne hu hmiâ hnyi hnyei, ame ne mok ae cap, ame ne ut me löhau me wahamon me ihmâ; ame ne theling ödrin je iwahnaihmiony mödrin hnyi hnyeiny anyidrin je taun; ame ne hu vec, ame ne hu mok;

II. Je Than 17:3

Ke ame o kâu vat ga Salemanesa than Asuria; ke haba Hosea ame bi athnyaba kâu, me ham kâu je bwihlany.

II. Man Ûlabainy Je Than. 24:24

Anyin ame o but utbavat anyin at Suria a deö vat ae ûhnyûkong; me haba Iehova âme hna utbavat ae gan hmâ ka hnyi hnyamödrin, can ödrin e hna degeci Iehova Khongon lakamödrin. Me adre me owisa helâe kö Joasa.

Salamo 94:1

IEHOVA lö, wale Khong at ame bi hwaban hulo, Khong lö, at ame bi hwaban, umumelam but.

Esodo 5:3

Ke haingödru, ka habe, A hia but iouny möhmun Khongon at Heberu: ö u hnʼ ohmun dut he ka he hnyi kun ta bong ka hnyi hnyebuba he ka bi hut kö Iehova Khonguhmun; wâ e nye he ka kucʼ ohmun ge mok ae cap, ame ne hele vat.

Isaia 1:20

ke öbun e ne höcö ke ûkhin fuc, me adre me he ka ön öbun ge hele vat: anyin a hia but ha ge hnyimö Iehova.

Isaia 65:12

me oge me he ka ip öbun hobi kâu hele vat, ke öbun e he hia ka iyâû ka hnyi hna hlingâ: anyin oge hongot, ke öbun e ca ieû; oge me fuc, ke öbun e ca long; ke öbun e ânyâ hulo hnyi hnyimakök, me ûca ûnyi oge me ca wek.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 24:10

Ke oge me he ka kunâ kodra hele vat, me hmiâ, me mok ae cap, ke ne o but adre me oaûʼ ödra ûnyi hnyi hnyei oge ham kodra me lakamödra.

Jeremia 50:28

Ifucin tavat adre me kec me tavat ae mot ûnyi hnyi hnyei Babulona, mʼ adre me haimemenâ hnyi Ziona hna bi hwaban hnö Iehova Khonguta, wale hwaban ge umen uma kap.

Jeremia 51:11

Khet ju je fana; kât hma ju je bec: Iehova ame otilâ hanon je than Madai; anyin a haba hnen hna ûnykûme ge Babulona, he ka ohia e: anyin a wale hwaban ûnyi ga Iehova, a hwaban umen uma.

Jeremia 9:16

Ke oge me he ka ovesei ödra ka hnyi ta je hnyei a ca wâ bi gadra me hnen lakamödra: ke oge me he ka kunâ hotudra hele vat, ke ne o but oge hia but öaûʼ ödra hia.

Je tenge anyi Jeremi 2:21

Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.

Ezekiela 14:17

Ke oge ne oâ hele vat ka hnyei eling, me ha, ka habe, Hele vat lö, vheno thö hnyei; ke inya oge me subâ degecâ ûnyi hnyin e at me omeno;

Ezekiela 20:37

Ke oge me he ka odili öbun hmelen uci, ke oge me he ka hum öbun ka hnyi ohmâiny ûhihinyköu;

Ezekiela 29:8

Anyin a wale, walang hna ha hnen Than Iehova, ka habe, Wâ bi, oge me he ka oâ köu hele vat, me subâ degecâ gam at me meno.

Ezekiela 33:2

Nokon at lö, ha thö ka tavat aten em hnyei, me ha kodra ka habe, Oge ne oâ hele vat ka hnyi ke hnyei, ke a ne he tavat aten hnyei ka hom ke at gadra, me otilâ e hnân anyidra at hmâkâ:

Ezekiela 5:17

ke oge me he ka kunâ köbun hmiâ me je meno ae kong, ke adre me he ka ohia lakom; kʼ ame he mok ae cap me dra ka vhenu u; ke oge me he ka oâ köu hele vat: Inya Iehova, oge hia but ha e.

Ezekiela 6:3

ma ha, ka habe, Je buceniny Isaraela lö, long ju hofuc hwan Than Iehova, ka habe, Walang hna ha hnen Than Iehova, ka je bucen, me je hut, me je wadeny köiö, me je hnyigöuleny bucen, ka habe, Wâ bi, inya oge me he ka oâ köbun hele vat, ke oge me he ka ohia anyibun je dok ae gorany.

Hosea 11:6

Me ame he ka nyikâ hele vat hnyi anyin je taun, me ohia je venyâiny, me ön ödra, can hnödra je hna ûhnenamö.

Levitiko 26:6

Ke oge me he ka ham ûsoköu köbun hnyi hnyei, ke öbun e he ka mokut, ke ba at ame he ka oti öbun: ke oge me he ka, ohia je menoiny hnyot ae kong hnyi hnyei, kʼ ame ca he hele vat ka vheno ibun hnyei.

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.

Habakuka 3:5

Ame he but mok ae cap hnyi hnyimakan, Kʼ ame gâ thö je uthmeic hnyi li can.

Numera 14:12

Oge me he ka kuc ödra ge mok me ohia hwajeköûdra, ke oge me he ka wiö u hnân hnyei ae gan me man hudra.

Numera 16:49

Ke haba tavat a mokcu hnen mok ae gan me ödra fotin thauzan ke seven haded, ke ca ba bi tavat a mok can bongu Kora.

Numera 31:3

Ke haba Mose ame ha ka tavat, ka habe, He thʼ öbun ka penapena keihen gabun he ka vat, mʼ adre me he ka vat at Midiana he ka bi hwaban at Midiana hobi kö Iehova.

Luka 21:11

ke ame he ka hu ta je hwiöi ae gan, me hmiâ, me mok hnyi ke je dok; ke ame he ka manen ûnyi hnyi drany ta je ûnyi hnân outen, me ta je haten ae gan.

Deuteronomi 28:21

Ame he Iehova ka okeceâ köu mok ae cap, ke ne o but e ame ohiö u ûnyi hnyi hnyei, wale u me he ka hnyin he ka hu e.

Deuteronomi 32:25

Ame he hele vat ka otengiâ eû hnyou, Ke ot eiö hnyin uma; Ame he ka hlingâ hidröu me hlu baû, Hendreng me at ae hûen.

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

Deuteronomi 32:41

Ke oge ne khet anyik hele vat ae hadrongöc, Me hom hna owisa ge hnyamok; Awe, oge me he ka ip hna okongoâ ka; je iwahnaihmiony mönya, Me bi hwaban tavat adre me hûkötiö nya.

Owisa 15:11

Me ame he at Juda a ödrin theri thauzan ka hnyi khekheiny kic hnyi Etama, me ha kö Samasona, ka habe, U ma ca wâ a at Filisiti ödrin e musi otin? ieû e u je ânyâ kohmun? Ke haingen, ka habe, Ogo ânyâ ködrin helâ me hnödrin hna ânyâ könya.