Levitiko 26:19 - Iaai Bible 1901 (New Caledonia)

¹⁹ Ke oge me he ka thu biganiny manibun man, ke oge me he ka wia anyibun drany me me helâ, me fao, me könöbun kânâ me me helâ me bras:

Levitiko 26:19 ပူးပေါင်းရင်းမြစ်များ

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

I. Je Than 8:35

Adre me ne he ka hlöng drany, me ba we, can adre me ânyâ hulö köu; ke ödrin ka hic köu hnyi dok ang, me haimemenâ iâm, me hwio ûnyi hnyi anyidrin monu, u ka oveci ödrin:

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 25:11

Ke e ame he ka inâ li hnyamen hnyi wanben, helâ me at ame hai ame hinobeny: ke e ame he ka ohnyikânâ anyin bigan tha e me bibihwakeoin anyin li hnyamen.

Isaia 26:5

Anyin a e ame hia but öüo tavat adre me laba ethö, wale taun ae gorany: e ame ohnyikânâ e, me othahonâ e me sesâ.

Isaia 28:1

EKÖLÖ ge koronainy bigan anyin tavat adre me monu ge grâg hnyi hnyei Eferaima, me vongon ame meleca ge hmainy ae hmanenang, wale hnyi ban hnyigöulen bucen ae pipikhenya anyin tavat adre me ngâ ge waina.

Jeremia 13:9

Walang hna ha hn Iehova, ka habe, Helâe oge me he ka okongoâ hnyok bi gan anyi Juda, me hnyok bi gan ae gan hmâ anyin Jerusalema.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Ezekiela 30:6

Walang hna ha hnö Iehova, ka habe, Ame he minya ka ta tavat adre me hadruâ Aigupito, ke ame he ka hnyikânâ biganiny maniny man, hwân hnyi tap tue hnyi Seveni, adre me he ka ta hnyi wanben e ge hele vat, haingen Than Iehova.

Ezekiela 33:28

Ke oge me he ka oba wan hnyei me me hnân lâiâ, kʼ ame he ka um dö hmanenanginy maniny man; kʼ ame he ka ba wan je bucen Isaraela, ke ba at ame he ka vheno.

Ezekiela 7:24

Ke oge me he ka oâ tavat ae kong hmonyin hnyi je hnyei, ke adre me he ka hu umödra je uma: ke oge me he ka bi obiny hobelöuiny anyidra tavat hwege; ke adre me he ka oikikiâ anyidra je dok ae kap.

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Zefania 3:11

Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.

Luka 4:25

Ke e hnathu inya oge me ha köbun, ka habe, E se hia ta je safac hnyi hnyei Isaraela hnyi je bong bongu Elia, waleji hnyi ûen adre me hlöng drany hnyi kun ta huna ke siks ta tehi, ke ame o hmiâ hnyi hnyei hia;

Deuteronomi 11:17

me ame he ka ubâhlâ hmönyin anyi Iehova köbun, me e ame he ka hlöng drany, me me ba we, kʼ ame ca he kânâ ka okûâ waniny; me ame he ka ie hiʼ öbun ûnyi hnyi hnyei ae so Iehova ame ham köbun.

Deuteronomi 28:23

Ke haba drany ethö hon bâm, me, ame he ka helâ me bras, kʼ ame he ka helâ me fao bi kânâ eû hmelâm.

I. Samuela 4:11

Ke adre hûgûnâ tang tangen Khong; ke adre hlingâ li laku Eli, jia Hofeni me Fineasa.

I. Samuela 4:3

Ke ame o tavat ka hnyi hna hunuma, me haba wahingatiny at Isaraela ödrin e ha ka habe, Can ieû Iehova ame kuc ota hnyi hnyimakan at Filisiti hnyi bong ang? E so ate me hom ûheny Silo tangen ûhihinyköu, me me e bi unyita, me omeli ota ûnyi ge je iwahnaihmiony möta.