Levitiko 26:17 - Iaai Bible 1901 (New Caledonia)

¹⁷ Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Levitiko 26:17 ပူးပေါင်းရင်းမြစ်များ

Genese 4:12

u ka belökâ kânâ, ame ca he hmetu ka ohwenyingâ gânâ; ke u ma he bi u ka at baû, me at he monu eang hmeledrany.

I. Je Than 8:33

Adre me ne he ka kot lakem a Isaraela hnyi hnyimakan iwahnaihmiony, anyin a ödrin e ânyâ hulö köu; ke ödrin e ne he ka hmetu köu, me haimemenâ iâm, me hic me sumat köu hnyi uma ang:

II. Je Than 13:3

Me ame ubâhlâ thö hmonyin anyi Iehova ka at Isaraela, me e ame hnʼ ödra ka hnyi hnyamö Hazaela than Suria, me ka hnyi hnyamö Ben-adada nöku Hazaela hnyi je bong hia.

II. Je Than 13:7

Ke e ame ca hna tavat kö Johoaza, ke so bi ödrin fifte thibi a tavat tabô hors, ke ten je kariota, ke ten thauzan tavat he hon kânâ; anyin a than Suria ame ohiʼ ödrin, me wiʼ ödrin me me helâ me sesâ adre me uto.

Salamo 44:10

U je ohmetubmetu ohmun ûnyi ge je iwahnaihmiöny, Me ame he tavat adre me hûköti ohmun ka söh hobi kodra bi.

Salamo 53:5

Adre me ot gan hmâ eling, ke ba ûnyi hnân outen bi: Anyin a biâ but Khong khûâ degecâ je jeien tavat waleji adre me hunumâ cici u; U je hia but ohmehmʼ ödra, anyin a hia but Khong digic Ödra.

Salamo 53:6

E na o but ûhomeli anyi Isaraela ûheny Ziona! E ka he Khong ka ohmeto lakeiny tavat adre bâ, Me me he Jekob ka senyin, kʼ ame he Isaraela ka hobâ.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Isaia 30:17

Ame he wan thauzan ka kec ge ifucin at a khaca; öbun e he ka kec ge ifucin hnyat a thabûng: ke ne o but adre me hnʼ öbun dut helâ me aneunya hon bucen, ke helâ me boûdila hon dok ae hut.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 44:11

Anyin a wale walang hna ha hnö Iehova tuhan sabaoth, Khongu Isaraela, ka habe, Wâ bi, inya oge me he ka wâ hmʼ öbun me öbun e kong ut, me, subâ degecâ at Juda hia thithö.

Je tenge anyi Jeremi 1:5

E beönua tavat adre me okongoâ e, kʼ ame sot bi je iwahnaihmiony më; Anyin a Iehova ame hia but ovecâ e, can hnen je hna hanyâûâ ae se hia: Adre me hom bâ lakon ae ûhnyûkong hnyi hnyimakan je iwahnaihmiöny.

Je tenge anyi Jeremi 2:4

E ame hia but lau anyin cafana helâ me iwahnaihmiöny, kʼ ame tot helâ me at vat ame hai hnyamen a metân, Me hlingâ hia tavat ae kese at ka wâ: E ame hingâlâ anyin hmonyin helâ me meic hnyi uma mano umen hluiny Ziona.

Ezekiela 15:7

Ke oge me he ka wâhmʼ ödra; adre me he ka kec ge meic, ke ame he bi ka an hnen ke meic; ke öbun e he ka wâ a inya Iehova, iny ka wâhmʼ ödra.

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

Josua 7:4

Waleling me ame he kâ e helâ me kun ta thauzan tavat: ke ödrin e kec ge at Ai.

Owisa 2:14

Me ame ubâhlâ thö hmonyin anyi Iehova ka at Isaraela, me e ame hnʼ ödrin ka hnyi hnyamen hnyat sei me sei ödrin, me e ame ûcû ödrin me je iwahnaihmiony mödrin igigilo, me me ca khanʼ ödrin hmetu bi he ka tot hnyi hnyimakan je iwahnaihmiony mödrin.

Owisa 3:14

Ke lakon Isaraela ödrin e athnyabai Egelona eitin je huna.

Owisa 3:8

Anyin a wale ame ubâhlâ hmonyin anyi Iehova ka at Isaraela, me e ame ûcû ödrin ko Kusani-risathaima than Mesopotamia: me lakon Isaraela adre me bi athnyabai Kusani-risathaima eit ta huna.

Owisa 6:2

Ke hwege at Midiana hon at Isaraela: ke can at Midiana, haba lakon Isaraela adre me ânyâ hobi ködra bi je thop hnyi bucen, me je op, me je hnabâ.

I. Samuela 12:15

ke öbun e ne ca long hoton hofuc ho Iehova, kʼ öbun e ne hanyâûâ hnanyibu anyi Iehova, awe, ame he ka iwahnaihmiony möbun hnyamö Iehova, helâji me ka je lakamöbun.

I. Samuela 31:1

KE haba at Filisiti adre me vat me Isaraela: me ame kec bi at Isaraela ge at Filisiti, me ta mok hnyi bucen Gileboa.

I. Samuela 4:10

Me haba at Filisiti adre me vat bi, ke ame ngâ but at Isaraela, me adre me ve kec ka hnyi umödra je uma mano: ke ti gan hmâ hna hlingʼ ödra; anyin ame ta but thote thauzan at Isaraela tavat he hon kânâ.