Levitiko 26:15 - Iaai Bible 1901 (New Caledonia)

¹⁵ ke öbun e ne be ka degec hnok je hna hûna, me hûkötiâ hnok je hna owisa, me me ca ânyâ hia anyik je hnanyibu, me hanyâûâ anyik ûbihinyköu möbun;

Levitiko 26:15 ပူးပေါင်းရင်းမြစ်များ

Genese 17:14

Ke adre me he ka subâ degecâ ûnyi hnyi iny hnyei at adre me ca peritomonâ unen unyin; e ame hanyâûâ anyik ûhihinyköu.

II. Je Than 17:15

Ke ödrin e hna degecâ anyin je hnanyibu, me anyin ûhihinyköu waleji e ame ânyâ me lakamödrin, me hnen je hna ohnathoâ ködrin; ke ödrin e hnu hoton ûnyi ae ûnyi baû, me ödrin e hop bi, me hnu hoton je hnyei igigili ödrin, waleji a ha Iehova a ödrin e ca he ka ânyâ e ûcû mödrin.

II. Man Ûlabainy Je Than. 36:16

Ke so bi ödrin e hluma je uthumetu anyin Khong, me hûkotiâ hwan hofuc, me hiâ anyin je perofeta, ke ne o but ame okûâ hmonyin anyi Iehova ka lakeiny, ke ne o but ae ba ûnyi hnân omelö.

Salamo 50:17

Anyin a u me höciâ hna ûne, Me degec hotom ai hok ta je hofuc.

Esodo 19:5

Ke walang ang öbun e ne he ka löng hoton hok hofuc me vheno anyik uhihinyköu, mʼ öbun e he ka helâ me omjeû ae ûnyi hnathu hon ta je hnyei hia: anyin a anyik hmeledrany hia:

Esodo 24:7

Ke e ame hom tusiny ûhihinyköu, me aû, kʼ ame löng tavat: me haingödra, ka habe, Ohmun e he ka ânyâ hia hna ha hnö Iehova, me löng hoton.

Ta je Vejec 1:30

Ke adre me ca wedra anyik musi; Kʼ adre me hmiödra hia hnok hna ûnö;

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Ta je Vejec 5:12

Ke u me he ka ha, ka habe, Nakaik ge hna ûne oge hmiök, Me hna unö a höciâ ge hnyekuk;

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 31:32

ca helâ me ûhihinyköu eji oge ânyâ me lakamödra, waleji hnyi bong oge hom hnyamödra he ka su Ödra ûnyi hnyi hnyei Aigupito; ke adre me thamuâ anyik ûhihinyköu eja ke ne oge ne helâ me âiân baga kodra, haingö Iehova.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Ezekiela 16:59

Anyin a walang hna ha hnen Than Iehova, ka habe, Oge me he bi nya ka ânyâ köu helâ me hnâm hna ânyâ, anyin a u je hûkotiâ hna khemanyin me thamuâ ûhihinyköu.

Levitiko 26:11

Ke oge me he ka ip umök uma mano hnyi wanböbun, ke oge me ca he ka hûköti öbun.

Levitiko 26:43

Ke odrin e he ka he but me hnen bi ju hnyei, kʼ ame he ka senyinâ je sabathiny, kʼ ame itremacat ke tiga hiʼ odrin ke odrin e he ka kap hwaban hwakecidrin ae kong: can, anyin a odrin e degec hnok je hna owisa, me hûkötiâ anyik je hnanyibu.

Levitiko 26:9

Ke oge me he ka ogânʼ öbun me osiâ me osehiʼ öbun; me ohmâ anyik ûbihinyköu möbun.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Numera 15:31

Anyin a e ame höciâ hofuc ho Iehova, me hanyâûâ anyin hnanyibu; kʼ adre me he ka ti subâ degecâ at eling, kʼ ame he ka takoû e ge anyin hulö.

Ta je huliwa 13:41

Öbun tavat öbun e hmiâ, wâ ju, me lâiâ, me laba iyong bi; Anyin a oge me ânyâ huliwa hnyi bongubun je bong, Wale huliwa, ame ne he ke at ka omanenâ e köbun, me öbun e ca he ka kap.

Roma 8:7

anyin a iwahnaihmiony me Khong he ka hnyok ka unyin; anyin ame ca long bi hoton hnanyibu anyin Khong, anyin ae ca khana bi:

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

I. Thesalonika 4:8

Anyin a wale, haba at ame hota degecâ, me e ame ca hota degecâ at, ke Khong bi, wale at ame ham köbun Hanon ae Kap.

Heberu 8:9

Ca helâ me ûhihinyköu oge hia but ânyâ me je lakamödra Hnyi bong oge me kât hnyamödra me lili ödra ûnyi hnyi hnyei Aigupito; Anyin adre me ca tethmâ hnyi anyik ûhihinyköu, Me oge me hna degeci ödra, haingen Than.

I. Samuela 12:15

ke öbun e ne ca long hoton hofuc ho Iehova, kʼ öbun e ne hanyâûâ hnanyibu anyi Iehova, awe, ame he ka iwahnaihmiony möbun hnyamö Iehova, helâji me ka je lakamöbun.