Levitiko 26:14 - Iaai Bible 1901 (New Caledonia)

¹⁴ Ke öbun e ne ca ne ka ling nya, me ânyâ je hnanyibu hia eling;

Levitiko 26:14 ပူးပေါင်းရင်းမြစ်များ

II. Je Than 22:13

He thʼ öbun, me elâm unyi Iehova hnân hobi könya, me tavat, me Juda hia thithö ge onyen tusi ang adre wâ: anyin ae gan hmâ hmonyin anyi Iehova kötin, can a ca long hnen lakamötin hoton je hofuc hnyi tusi ang, he ka ânyâ hia hna sihnalimen gatin.

II. Man Ûlabainy Je Than. 34:24

Walang hna ha hnö Iehova, ka habe, Wâ bi, oge me he ka oâ ûnyi ae kong hon dok ang, me tavat adre me labā e, wale ta je hnaûhango adre sihnalimen hnyi tusi ödrin e aû ka than Juda:

II. Man Ûlabainy Je Than. 7:19

Ke öbun e ne hwio me hna degecâ anyik je hnanyibu, me hnok je hna hûna wale oge ip hnyi hnyimaköbun, me he me bi athnyaba ka ke je khong, me khudrung ködrin:

Salamo 81:12

Me oge me hnʼ ödra but ka hnyi ikikiny ta je hnyekudra bi, Mʼ adre me he ka vheno bala bi ta je unykûmenödra.

Ta je Vejec 3:33

E bi hnyi uma umen at ae kong hnaûhango ûnyi ga Iehova; Ke e ame ohnahicâ uma umen at ae wisa.

Jeremia 11:8

Ke adre me ca löng me tevehlöng, ke so bi, adre me ve vheno hwegien je hnyekudra bi ae kong: anyin a wale, oge me oâ kodra ta je hofucin ûhihinyköu hia eang, waleji, oge hûna kodra he ka ânyâ, ke adre me ca ânyâ bi.

Jeremia 17:27

Ke öbun e ne ca ling nya he ka okabâ bong sabath, me he ka ca hije hok, me didro ka hnyi je homagouleny Jerusalema hnyi bong sabath; awe, oge me he ka hû meic hnyi ta je homagouleny e, ke ame he ka an je uma umen je than hnyi Jerusalema, ke ame ca he ka mok.

Jeremia 26:4

Ke u me he ka ha kodra, ka habe, Walang hna ha hnö Iehova, ka habe, Öbun e ne ca ling nya he ka vheno anyik hnanyibu, waleji oge ip hnyi hnyimaköbun,

Jeremia 28:8

Haba je perofeta a bödra ehac, ke a bilik bi möu, adre me perofeta ge ta je hnyei ae se hia, me ta je dokhu ae gan, he ka vat, me monu, me mok ae cap.

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Jeremia 40:2

Haba taben tavat tue, ame hum Jeremia me ha kâu, ka habe, Haba Iehova a Khongom ame ha ûkongon ang ka hnyi dok ang;

Je tenge anyi Jeremi 1:18

E wisa Iehova; ke oge hia but thu anyin je hnanyibu: Je hnyei hia lö, öbun na long ju, me wâ anyik hlöuhlöu: Adre hom hwenbâ anyik je wahlu me wahidröu.

Je tenge anyi Jeremi 2:17

A hia but Iehova ânyâ waleji hnen hna ûnykûme; E ame hia but ohwâdâ hwan hofuc waleji e ame hûna hnyi ta je bong kâû adrem; E ame hia but kia, me ca betenge bi: Ke e ame osenyinâ iwahnaihmiony hom, Me ogöranyâ faoiny meno anyin je tavat adre me tot köu.

Daniela 9:13

Ke ame aat kohmun ta je ûnyi hia ae kong eang, helâ me hna sihnalimen hnyi hnanyibu anyi Mose: ke so bi öhmun e ca hia but sumâtâ betenge anyi Iehova Khonguhmun, me öhmun e hmetu ju ûnyi hnyi ta je hwakecihmun ae kong, me wâ ûnykûme ânyâm hnathu.

Hosea 7:12

Ödra ka he me oge me he ka thong ûtök ert hudrin; oge me he ka hagutʼ ödra helâ me je meno ame gâ ethö: oge me he ka kuc ödra helâ me hna löng hnyi anyidra ûkhacaköu.

Levitiko 26:18

Ke öbun e ne ca he bala ka ling nya can ta je ûnyi eling, me oge me be bi nya ka oseven kuc öbun can anyibun je hulö.

Malaki 2:2

Öbun e ne ca he ka long, me ca ip hmâ hnyi hnyekubun, he ka ogânâ iök, haingö Iehova tuhan sabaoth, me oge me he bi nya ka kunâ köbun hnaûhango, ke oge me he ka hangâ hna ha hnahici öbun; eke, oge hia but hangâ, anyin öbun e ca ip hmâ e hnyi hnyekubun.

Ta je huliwa 3:23

Ke haba at ame ca he bi ka long perofeta eling, me adre me he ka ohia e ûnyi hnyi hnyei.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Josua 23:15

Ke e hwâdâ köbun ta je ûnyi hia ae so a ha köbun Iehova Khongubun, awe, helâe ame he Iehova ka oātâ köbun ta je ûnyi hia ae kong, ke ne o but e ame hiʼ öbun hia but ûnyi hnyi hnyei eang ae so a ham köbun Iehova Khongubun.

Owisa 2:15

Ödrin e he ka hnyi ke je dok hia, me ame kong hnyamö Iehova ködrin, helâji me Iehova ame ha, me helâ me hna khemanyin ködrin ga Iehova: me ödrin e vec gan hmâ.

I. Samuela 12:15

ke öbun e ne ca long hoton hofuc ho Iehova, kʼ öbun e ne hanyâûâ hnanyibu anyi Iehova, awe, ame he ka iwahnaihmiony möbun hnyamö Iehova, helâji me ka je lakamöbun.