Levitiko 26:13 - Iaai Bible 1901 (New Caledonia)

¹³ Inya Iehova Khongubun, at ame hum öbun ûnyi hnyi hnyei Aigupito, möbun e ca he ka bi athnyaba ködra; ke oge thu hnödra hna hûkölʼ öbun, me wiʼ öbun he ka tot wia.

Levitiko 26:13 ပူးပေါင်းရင်းမြစ်များ

Salamo 116:16

Than lö, e hnathu inya athnyabaem: Inyʼ athnyabaem a nokon athnyabaem a momo; U je hia but thang hna cö nya.

Esodo 14:8

Ke haba Iehova ame onâkâ hnyeku Farao than Aigupito, kʼ ame hnu lakon Isaraela: anyin a haba lakon Isaraela adre me he me tang hwege.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Isaia 51:23

ke oge me he ka ip e hnyi hnyamen tavat adre me oveci u; waleji tavat adre me hia but ha köu, ka habe, Nom ju mʼ öhmun e he ka he but hom: ke u je hia but ham jom hnân hing kânâ, ke helâ me gethen, ka tavat adre me vheno.

Isaia 9:3

U je hia but osehia hnyei, ke u je ogânâ senyin: kʼ adre me senyin hnyi hnyimâkâm helâ me senyin hnyi menu, ke helâ me hna senyin ge tavat adre me khenâ je hna söh.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 28:2

Walang hna ha hnö Iehova tuhan sabaoth, Khongu Isaraela, ka habe, Oge hia but thamuâ hna ûhûkâlâköuâ anyin than Babulona.

Jeremia 28:4

ke oge me he ka ohmetu Jekonia nöku Jehoiakima, than Juda ka hnyi dok ang, me ta je bâ hia anyin at Juda, tavat adre me he Babulona ai, haingö Iehova: anyin oge me he ka thamuâ hna ûhûkâlâköuâ anyin than Babulona.

Ezekiela 30:18

Ke ame he ka olidrâ lany hnyi Tapanesi, iny ka he ka thamuâ eling je hna ûhûkâlâköuâ anyin Aigupito, ke ame he ka o obiny hmanenanginy maniny man; ke haba e, me adre me he ka tube e hnen ûlâ; kʼ ame he lakon wahlu ka bâ.

Ezekiela 34:27

Ke ame he je ûöiny hnyei ka wa, kʼ ame he kânâ ka ham jeûiny, kʼ adre me he ka laba khotkic hnyi idra; me adre me he ka wâ a inya Iehova, iny ka hia but thu je venyâiny hna ûhûkâlaköu ödra, me omeli ödra ûnyi hnyi hnyamen tavat adre me thalu ödra.

Hosea 11:4

Oge me lili ödra hnyi je tö anyin at, wale a toiny ibetengiö; ke iny ûcû ködrin me at ame hom degecâ hna ûhûkâlâköuâ ûnyi hnyi je waidra.

Levitiko 25:38

Inya Iehova Khongubun, at ame hum öbun ûnyi hnyi hnyei Aigupito, me me ham köbun hnyei Kanana, me me Khongubun.

Levitiko 25:42

Anyin a lathnyabaik odrin, waleji oge hum odrin ûnyi hnyi hnyei Aigupito: adre me ca he ka ûcû odrin helâ me hna ûco athnyaba.

Levitiko 25:55

Anyin a je lathnyabaik lakon Isaraela; lathnyabaik ödra, waleji oge hom ûnyi hnyi hnyei Aigupito: Inya Iehova Khongubun.

Nahuma 1:13

Ke walang ang oge me he ka thu anyin hna ûhûkâlâköuâ walethö hom, ke thamuâ je hna cö u.