Levitiko 26:12 - Iaai Bible 1901 (New Caledonia)

¹² Ke oge me he ka ngenu hnyi wanböbun, ko oge me he ka Khongubun, ke öbun e he ka lakeik.

Levitiko 26:12 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 3:8

Ke ödru me löng hwo Iehova Khong ame ngeno hnyei, hnyi ke hnyi bân bong ae menyik: ke haba Adamu me âiân ödru me lubaduöng ge hnyimakö Iehova Khong hnyi ta je ûö hnyi hnyei.

Genese 5:22

ke Enoka ame labö tha he me Khong hnyi kun ta haded ta je huna hwaban hnen hna hnöku Methusela, ke ame hnokoâ ta je da me in:

Genese 5:24

haba Enoka ame labö tha he me Khong: kʼ ame hia thiju; anyin a Khong ame hom dö e.

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

II. Samuela 7:7

Ke hnyi ta je hnyei hia waleji oge me tha he me lakon Isaraela hia ka hnyin, hawa, e hu ke ong hofuc oge me ha ka ke tribu Isaraela, waleji oge me hûna he ka han lakeik a at Isaraela, me ha, ka habe, Ieû gabun öbun e ca up umök uma arasi?

Salamo 50:7

Lakeik lö, long ju me inye he ka ha; Isaraela lö, long ju, me oge me he ka ha hnyikongom. Inya thibi Khong, wale Khongom.

Esodo 29:45

Ke oge me he ka laba hnyi wanben lakon Isaraela, mʼ oge me he ka Khongudrin.

Esodo 29:46

Kʼ ame he ka khanʼ odra a inya Iehova Khongudrin, waleji ame hum odra ûnyi hnyi hnyei Aigupito, mʼ inye he ka laba wanbödra. Inya Iehova Khongudrin.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Jeremia 11:4

waleji oge hûna ka lakamöbun, hnyi bong oge hum ödra hnyin ûnyi hnyi hnyei Aigupito, ûnyi hnyi hnyin meic fao me ha, ka habe, Long ju ifucik, me ânyâ thö hoton hnok hna hûna köbun; me öbun e he ka lakeik, ke oge me he inya ka Khongubun:

Jeremia 30:22

Ke öbun e he ka lakeik, ke oge me he ka Khongubun.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Jeremia 32:38

ke adre me he ka lakeik, ke oge me he ka Khongudrin:

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Ezekiela 11:20

mʼ adre me he ka vheno anyik je hnanyibu, me tuö hnok je hna otilâ, me ânyâ e: ke adre me he ka bi lakeik, ke oge me he bi nya ka Khongudrin.

Ezekiela 36:38

Âdre me he ka öunöngotâ je taun wale ae ba wan hnen ta je deö at, helâ me hnahat meno hobi kâu taben bi hut, ke helâ me hnahat meno hnyi Jerusalema hnyi je bijeû adre thu: me adre me he ka wâ a inya Iehova.

Joela 2:27

Ke öbun e he ka wâ a inya hnyi wanben Isaraela, ke inya Iehova Khongubun, ke ba ju ke at: ke ame ca he balua bi lakeik ka hmehma.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Numera 5:3

öbun e he ka kunâ obaga me omomo, bamöbun he ka kunʼ ödrin ka hnyi hoton je hnyaba; wâ ödra nye obokongâʼ öbun, a hnyei oge me laba hnyin.

Mataio 22:32

Inya ang Khongu Aberahama, me Khongu Isaaka, me Khongu Jekob? Haba Khong, me ca Khongon bi tavat adre mokcu, ke so bi tavat ae möt.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

Deuteronomi 23:15

U me ca he ka hna athnyaba ka tuhan, a at ame kec köu ûnyi ge tuhan:

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Hna Omanenâ 2:1

SIHNALIMEN ju ka angela anyin ekalesia hnyi Efeso, ka habe, Walang ta je ûnyi ame ha hnen at ame kât ta je okhû a seven hnyi hnyamen a metân, wale at ame he hnyi wanben je taben lamepa gol a seven:

Hna Omanenâ 21:7

Ame he ka hu ta je ûnyi e hnen at ame ton; me oge me he ka Khongon, ke e ame he ka nokuk.