Levitiko 26:11 - Iaai Bible 1901 (New Caledonia)

¹¹ Ke oge me he ka ip umök uma mano hnyi wanböbun, ke oge me ca he ka hûköti öbun.

Levitiko 26:11 ပူးပေါင်းရင်းမြစ်များ

II. Samuela 7:7

Ke hnyi ta je hnyei hia waleji oge me tha he me lakon Isaraela hia ka hnyin, hawa, e hu ke ong hofuc oge me ha ka ke tribu Isaraela, waleji oge me hûna he ka han lakeik a at Isaraela, me ha, ka habe, Ieû gabun öbun e ca up umök uma arasi?

I. Je Than 6:13

Ke oge me he ka laba unyin lakon Isaraela, ke oge me ca he ka hna degecâ lakeik a at Isaraela.

I. Je Than 8:13

Awe, oge me hia but otilâ uma me hnyabam, wale dok hobi köu bi, mʼ u me he ka laba hnyin nyiele balua.

I. Je Than 8:27

Ke hawa, e hnathu ame he Khong ka laba eang hmeledrany? wâ ju, e ca ûcû u drany me dranyin ta je drany; ke e ti ca ûcû u uma eang o ge op

Salamo 106:40

Anyin a wale, ame ubâhlâ thö hmönyin anyi Iehova ka lakeiny, Me e ame hûkotiâ jekhon.

Salamo 76:2

Ke e bi hnyi Salema umen uma menâ, Ke e hnyi Ziona hnyaban.

Salamo 78:59

Ke haba Khong ame long, me e ame hmönyin, Me ame ti ikikiâ at Isaraela:

Esodo 25:8

Kʼ adre me he ka ânyâ hobi könya dok ae kap; mʼ inye he ka laba unyidra.

Esodo 29:45

Ke oge me he ka laba hnyi wanben lakon Isaraela, mʼ oge me he ka Khongudrin.

Esodo 29:46

Kʼ ame he ka khanʼ odra a inya Iehova Khongudrin, waleji ame hum odra ûnyi hnyi hnyei Aigupito, mʼ inye he ka laba wanbödra. Inya Iehova Khongudrin.

Jeremia 14:21

Ca he bi ka ikiki ohmun, ûnyi hnyi iâm; ca he ka okongoâ theroniny ânyâm hmanenang: ûnykûme ju, ca he ka thamuâ ânyâm ûhihinyköu möhmun.

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Joela 2:27

Ke öbun e he ka wâ a inya hnyi wanben Isaraela, ke inya Iehova Khongubun, ke ba ju ke at: ke ame ca he balua bi lakeik ka hmehma.

Levitiko 20:23

Ke ca he öbun ka he hoton hwakecin je hnyei oge me he ka obâ hnyi hnyimaköbun: anyin a ödra adre me ânyâ ta je ûnyi hia eling, anyin a wale oge me ikiki ödra.

Levitiko 26:15

ke öbun e ne be ka degec hnok je hna hûna, me hûkötiâ hnok je hna owisa, me me ca ânyâ hia anyik je hnanyibu, me hanyâûâ anyik ûbihinyköu möbun;

Levitiko 26:43

Ke odrin e he ka he but me hnen bi ju hnyei, kʼ ame he ka senyinâ je sabathiny, kʼ ame itremacat ke tiga hiʼ odrin ke odrin e he ka kap hwaban hwakecidrin ae kong: can, anyin a odrin e degec hnok je hna owisa, me hûkötiâ anyik je hnanyibu.

Levitiko 26:44

Ke so bi eja ke ne a ne helâe, ke ka odrin bi hnyi hnyei iny je iwahnaihmiony mödrin, me oge me ca he ka digic odrin me hûköti odrin, me ti ohiʼ odrin, me thu hnok hna ûhihinyköu mödrin: anyin a inya Iehova Khongudrin:

Zakaria 11:8

Ke oge me subâ degecâ hnyat tuö mamoe a kun hnyi tehi a khaca; ke vec hnyekuk gadrin, kʼ ame hûkötiö nya ge ta je hnyekudrin.

Efeso 2:22

ke adre tha up öbun minya më hnân umen Khong ûnyi ge Hanu.

Deuteronomi 32:19

Iehova ame wâ me höci ödra, Can hna ohmönyinâ e ge lakon baga me hlu.

Josua 22:19

Ke so bi ame ne bo kong hnyei ae hu ibun hnyin, awe, hanyâûâ thö ka hnyi i Iehova adre otilâ hnyin uma mano umo Iehova, mʼ öbun e hu hnyei unyihmun: ke ca he ka khikhin ga Iehova, me ûkhin fuc möhmun, wale möbun e otilâ taben anyibun hut kö Iehova Khonguhmun.

Josua 22:31

Ke haba Fineasa nöku Eleazara at bihut ame ha ka laku Reubena, me laku Gada, me laku Manase, ka habe, E khanʼ otin dut hnyi bong ang a e unyita Iehova, anyin a öbun e ca ânyâ monu ang kö Iehova: walang öbun e omelö lakon Isaraela ûnyi hnyi hnyamö Iehova.

Hna Omanenâ 21:3

Ke oge me löng hofuc ae gan ûnyi hnyi theron ame ha, ka habe, Wâ bi, e unyin tavat uma menâ umen Khong, ke e ame he ka laba unyidra, ke adre me he ka lakeiny, ke ame he Khong ka tha e mʼ ödra, kʼ ame he ka Khongudrin:

Hna Omanenâ 7:15

Anyin a wale ödra but hnyi hnyimakan theron anyin Khong; ke adre me bi athnyabainy hnyi lany me lit hnyi umen uma: ke haba e at ame tabâ theron, me e ame he ka tubi ödra ge umen uma menâ.