Levitiko 26:1 - Iaai Bible 1901 (New Caledonia)

¹ CA he öbun ka bi idola, ke ca he ka otilâ hobi köbun ke hnatheat, ame ne veto ame tot, kʼ öbun e ca he ka ip hnyi ibun hnyei ke veto adre kave he ka nom kâu; anyin a inya Iehova Khongubun.

Levitiko 26:1 ပူးပေါင်းရင်းမြစ်များ

II. Je Than 17:10

Ke ödrin e otilâ hobi ködrin bi je veto ame tot, me je Aseira hon je bucen hia, me hmelen je ûö hia ae hât:

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

II. Je Than 17:8

me vheno je hnanyibu anyin je hnyei, wale a obâ Iehova hnyi hnyimakan lakon Isaraela, me je hnanyibuiny je than Isaraela, wale ödrin e otilâ.

Salamo 78:58

Anyin a adre me ohmönyinâ e ge anyi dra je dok ae gorany, Me ociâ e ge anyidra je hnatheat,

Salamo 97:7

E so e hmehma but hia thithö tavat adre me bi athnyabainy je hnatheat, Me hobeluʼ ödra bi ge ta je idola: Khudrung ju kâu, öbun ta je khong hia thithö.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 20:23

Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

Esodo 23:24

U ca he ka khudrung ka ta je khongundrin, me bi athnyaba ködrin, me ânyâ helâ me anyidrin huliwa: ke so bi u me he ka hagutʼ ödrin, me kot omomono anyidrin je veto ame tot.

Esodo 34:17

U ca he ka ânyâ je khong adre oköiâ.

Isaia 2:20

Ke hnyi bong eling amo he tavat ka degec anyidra je idola sileva, me anyidra je idola gol, waleji adre me tibet hnân hic kodra, adre me he ka degec ka je afora, ke ta je obûbû bi;

Levitiko 19:4

Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

Levitiko 25:55

Anyin a je lathnyabaik lakon Isaraela; lathnyabaik ödra, waleji oge hom ûnyi hnyi hnyei Aigupito: Inya Iehova Khongubun.

Levitiko 7:33

Haba ke noku Arona at ame hudo dren je hudiny ole, me pipikhenyainy, me anyin bi jevan a metâ hnân an.

Numera 33:52

me öbun e he ka obâ aten hnyei hia hnyi hnyimaköbun, me ohia anyidra je hnatheat hia, me ohia anyidra je idola hia adre oköiâ, me thö degecâ hia anyidra je dok ae görany:

Ta je huliwa 17:29

Awe otin e ne je mâtâniny Khong, e ca so köta he ka ûnykûme a ga ûcû Khong me gol, me sileva, me veto adre me huliwan ge metâiny at, me bihihwakecin anyin at.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Deuteronomi 5:6

Inya Iehova Khongom, at ame hum u ûheny hnyi hnyei Aigupito, ke ûheny hnyi hnyaban ûthaluo.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.

Owisa 18:30

Ke haba laku Dana ödrin e otilâ hobi ködrin hnatheat adre tretrao: ke haba Jonathana, nöku Geresoma, nöku Mose, e me lakon a hnyat bihut anyin tribu Dana ke ne o but bong adre hom hwenbâ hnyei.