Levitiko 25:9 - Iaai Bible 1901 (New Caledonia)

⁹ Ke u me he ka tûö trutru ae gan hwan hnyi bong a libenyitainy tehi a seveniny: öbun e he ka tûö trutru hnyi ibun hnyei hnyi bong hnân bi hwaban möt.

Levitiko 25:9 ပူးပေါင်းရင်းမြစ်များ

Salamo 89:15

Hnahic hnen hnyei a long ut hwan senyin: Iehova lö, adre me he hnyi melaminy hnyimâkâm.

Salamo 89:16

Adre me senyin hnyi je bong hia ge iâm: Ke adre me ogöranyi ödra hnyi hwakecin ae wisa ûnyi gam.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Levitiko 16:20

Ke a hia but bi hwaban melen dok ae kap, me uma hnân ukhacaköa, me taben hut, me, e ame he ka hom got baga ae möt:

Levitiko 16:29

Ke wale hnanyibu hobi köbun nyiele balua: haba hnyi tshi a seveniny, hnyi bong a teniny tehi, öbun e he ka hom ûhnyûkongoâ je hnyekubun, me ca huliwa, ame ne ke at a aten hnyei, ame ne aten ke hnyei at ame laba kanyua unyibun:

Levitiko 16:30

anyin a hnyi bong eling adre me he ka bi hwaban anyibun möt he ka obosoi Öbun; ûnyi hnyi anyibun je hulö hia adre me he ka obosoi öbun hnyi hnyimakö Iehova.

Levitiko 23:24

Ha thö ka lakon Isaraela me ha, ka habe, Hnyi tehi a seveniny, hnyi bong a bâniny tehi, ame he ka hu hna menâ hobi köbun, hnân oûnykûmeâ hnen tuö trutru, ûkhacaköu ae kap,

Levitiko 23:27

Haba hnyi bong a libenyitainy tehi eling a seveniny, ame he ka bong hnân bi hwaban möt: ke öbun e he ka hu ûkhacaköu ae kap, kʼ öbun e he ka hom ûhnyûkongoâ je hnyekubun; me hudo hut a an ge meic kö Iehova.

Levitiko 25:8

Ke u me he ka aû hobi köu seven ta sabath a je huna; wale seven je seven je huna, ke haba kahmen seven je sabath a je huna, me, fâte nain je huna.

Levitiko 27:17

Ke ame ne he ka okabâ iny hnyei hwân hnyi huna jubeli, me ame he ka helâ me hnâm hna tuluto.

Levitiko 27:24

Haba hnyi huna jubeli ame he ka iny hmetu hnyei wale iny at adre ûco gan, at a ka gan ehac.

Numera 10:10

Ke haba hnyi je bong öbun e senyin hnyin, me hnyi anyibun je bijeû adre thu, me hnyi hnyimakan je tehi, adre me he ka tûâ li trutru hon anyibun je hudiny leû, me anyibun je hudiny ole; mʼ adre me he ka ûnykûmi öbun hnyi hnyimakan Khongubun: Inya Iehova Khongubun.

Numera 36:4

Ke ame ne o thö jubeli anyin lakon Isaraela, me ame he ka khaca ihmun me iny tribu waleji ödrin e tha ödrin mê: me adre me he ka hom iny tribuiny lakamöhmun.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Roma 15:19

hnen maniny ta je haten me ûöman, me man maniny Hanu Kap; wale a hwân hnyi Jerusalema igigilo ke ne o but hnyi Iluriko oge me khetâ ûthumetu ae so anyin Keriso;

I. Thesalonika 1:8

Anyin ame hia but lung ûnyi gabun hofuc hwan Than, ca ka at Makedonia me Akaia thibi, ke so bi hnyi ta je dok hia ame lung minya bi anyibun labageju ka Khong; wale me me ca ûnyi hnathu bi öhmun e he ka ha ke hofuc.

Josua 6:4

Ke ame he tavat bihut a seven ka hom tilâ je trutruiny jubeli hnyi hnyimakan tang: ke haba hnyi bong a seveniny, hamöbun he ka oseven he igigilö taun, ke ame he tavat bihut ka tûâ tilâ je trutru.