Levitiko 25:6 - Iaai Bible 1901 (New Caledonia)

⁶ Ke haba jeûiny sabathiny kânâ, ame he ka hnân ö ʼbun; hnân hobi köu, me athnyabaem baga, me momo, me athnyabaem adre hawâ, me atkanyua at ame tha laba mou;

Levitiko 25:6 ပူးပေါင်းရင်းမြစ်များ

II. Je Than 19:29

Ke walang haten köu: a öbun e he ka han ûnyi ame ku hwege hnyi huna ang, ke haba hnyi huna a loiny ûnyi ame ku hwege minya hwaban; ke haba hnyi huna a kuniny öbun e he ka belök, me menu, me ta ta je hnyei vine me ijem wan.

Esodo 23:11

ke haba huna a seveniny u me he ka hna but ka me menâ, me me han hnen tavat unyâm ae ba ta ûnyi: ke haba je kolon hwabödrin, ame he ka han hnen omeno. Ke u me he ka ânyâ helâe ka halem ta je vine me elaio.

Levitiko 25:20

Ke öbun e ne he ka ha, ka habe; Ötin e he ka han ieû hnyi huna a seveniny? wâ bi ötin e ca he ka belök, me ip jeû:

Levitiko 25:21

hawe, oge me he ka hûna anyik hnahic köbun hnyi huna a seveniny, ke e ame he ka okûâ jeû hobi kâu je huna a kun.

Levitiko 25:5

Haba ûnyi ame kû hwege hnyi ûen menu a u, me u me ca he ka meno, me ca ip wan halem je vine adre ca ânyâwia: waleling me me hunainy menâ ae ûnyi hnathu hobi kâu kânâ.

Levitiko 25:7

me hobi kâu halem je bolok, me je menoiny em hnyei, ame he ka hnân han je jeûiny hia.

Ta je huliwa 2:44

Ke ame tha laba tavat hia adre me labageju, ke adre me ve ip anyidra ta je ûnyi, me ka tha anyidra thibi;

Ta je huliwa 4:32

Ke haba ûseiny tavat adre me labageju, adre me tha hnyok me tha ûnykûme: kʼ ame ca ha bi ke at gadra, a ga ka anyin bi ûnyi eling e ame hu; ke ka tha anyidra thibi.