Levitiko 25:2 - Iaai Bible 1901 (New Caledonia)

² Ha thö ka lakon Isaraela, me ha ködra, ka habe, Öbun ka o ka hnyi hnyei oge me he ka ham köbun, me ame he kânâ ka tuö sabath kö Iehova.

Levitiko 25:2 ပူးပေါင်းရင်းမြစ်များ

II. Man Ûlabainy Je Than. 36:21

me me hwâdâ hofuc ho Iehova a deny Jeremia, ke ne o but ame bekhot ut ta je sabathiny kânâ: anyin a haba hnyi ta je bong ae ba aten hnyei, me wale bi e sabath, ke ne o but hnyi je huna a sevente.

Salamo 115:16

Haba ta je drany, me je drany anyi Iehova; Ke e ame ham hmeledrany ka ta je lakon at.

Esodo 23:10

Ke siks ta je huna u me he ka belökâ kânâm kânâ, me meno je wan:

Isaia 8:8

ke e ame he ka di bala Juda ai; me bahihingölö me vheno e, me khibi ke ne o but hnyi nyin; me ame he ka unöngötö ûlauen em hnyei, Emanuela.

Jeremia 27:5

ka habe, Oge hia but op hmeledrany, wale at me meno hon hmeledrany hnen manik man ae gan hmâ me benyik ae lau; ke oge me ham e ka at ae ûcû könya.

Levitiko 14:34

Öbun ka o hnyi hnyei Kanana, wale oge me ham köbun hnân ibun, ke oge ne okûâ mok lepera hnyi ke uma hnyi ibun hnyei;

Levitiko 23:32

Haba bong e me sabath hnân menâ köbun, kʼ öbun e he ka hom ûhnyûkongoâ je hnyekubun: hnyi bong a naininy tehi, hnyi sahac, hwân hnyi ke sahac ke ne o but hnyi ke sahac öbun e he ka okabâ anyibun sabath.

Levitiko 25:1

KE Iehova ame ha kö Mose hon bucen Sinai, ka habe,

Levitiko 25:3

Siks ta huna u ma he ka belökâ em hnyei, ke siks ta huna u me he ka ânyâwia halem je vine, me ip je wan:

Deuteronomi 32:49

Öliâ thö bucen eang a Abarima, ka hnyi bucen Nebo, wale hnyi hnyei Moaba, cicö Jeriko; me wâ hnyeiʼ Kanana, wale oge me ham ka lakon Isaraela me me idrin:

Deuteronomi 32:8

Hnyi ûen waleji Beönua ame ha idrin ka ta je hnyei hnyin, Kʼ ame oveseâ lakon tavat, Me wale e ame kia je hnyigöulen tavat, Hoton ûganiny lakon Isaraela.

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.