Levitiko 24:9 - Iaai Bible 1901 (New Caledonia)

⁹ Haba e me ö Arona me lakon; ke odrin e he ka han e hnyi dok ae kap: anyin a ti kap e hobi kân, ûnyi hnyi je hut a an ge meic kö Iehova hoton hnanyibu nyiele balua.

Levitiko 24:9 ပူးပေါင်းရင်းမြစ်များ

Esodo 27:21

Ame he Arona me je lakon ka ânyâwia e hwân hnyi sahac ke ne o but hnyomakatu, hnyi hnyimakö Iehova, hnyi uma ûkhacaköu, hnyi ke keihen deiö singiny ûnyi hnân ohnatho: ame he ka tot hnân hnanyibu ûnyi eling nyiele balua hnyi anyidra ta je dö hobi kâu lakon Isaraela.

Levitiko 10:12

Ke Mose ame ha kö Arona, me Eleazara, me Ithamara, a li lakon, wale lo li kolon, ka habe, Hom dö hudiny han, kolon je hut a an ge meic kö Iehova, me an ju ke ba leven hnyi baten taben hut: anyin ae ti kap e:

Levitiko 10:17

Ieû öbun e ca an gan hudiny hulö hnyi dok ae kap, anyin ae ti kap e, ke e ame hia but ham köbun he ka hom hulö anyin ûkhacaköu, me hnân bi hwaban anyidra möt hnyi hnyimakö Iehova?

Levitiko 21:22

E ame he ka hnyi han an Khongon, wale je ûnyi ae ti kap hmönyin, me je ûnyi ae kap.

Levitiko 24:10

Haba ke baga nokon momo Isaraela, ke at Aigupito kamen, ame he hnyi wanben lakon Isaraela: kʼ ame iwatretra hnyi je hnyaba nokon momo Isaraela, me ke at Isaraela;

Levitiko 3:17

Ame he ka hnanyibu nyiele balua hnyi anyibun ta je dö, hnyi je hnyababun hia, ka habe, ca he öbun ka han pipikhenya me dra.

Levitiko 6:11

Ke e ame he ka uny anyin je ûkhaû, me khavâ ke je ûkhaû, me hom dröu ka hnyi hoton hnyaba ka hnyi dok ae so.

Levitiko 6:16

Ke haba kolon, ame he Arona me lakon he ka an: odrin e he ka han e, adre ca levenâ, hnyi ke dok ae kap; odrin e he ka han e hnyi haginy uma ûkhacaköu.

Levitiko 6:9

Ha thö kö Arona me lakon, ka habe, Walang hnanyibuiny hudiny leû: wale hut adre le, ame he ka mokut hon hna hû meic, hnyi hnyinghet hia ke ne o but hnyomakatu; kʼ ame he ka möt meic hon taben hut.

Levitiko 8:3

ke hawâ ûkhacaköuâ thö tavat hia ka hnyi hwanumen uma ûkhacaköu.

Levitiko 8:31

Ke haingö Mose kö Arona me lakon, ka habe, Ölâ ju utiö hnyi hwanumen uma ûkhacaköu; ke tha an ju e me areto ûnyi hnyi tang hnân otilâ, helâ me hnok hna hûna, ka habe, Ame he Arona me lakon ka an e.

Malaki 1:12

Ke öbun e okongoâ e, anyin a öbun e ha, ka habe, E kong ut laulau anyi Iehova, ke ikiki je wan ke jeû hon e.

Mataio 12:4

a gʼ ame didro ka hnyi uma umen Khong, me an je areto hnân omanenâ, waleji ae ca ûcû kâu he ka an me anyin bunyen, ke so thibi tavat bihut?

Mareko 2:26

Wale ge hnen hna didro ka hnyi uma umen Khong hnyi ûen at bihut ae nua a Abiathara, me an je areto hnân omanenâ, waleji ae ca ûcû ka tavat he ka an, ke hake tavat bihut thibi, ke e ame ham minya ka anyin bunyen?

Luka 6:4

a gʼ ame didro ka hnyi uma umen Khong me hom, me an je areto hnân omanenâ, ke ame ham minya ka anyin bunyen; wale ae ca ûcû he ka an, ke so thibi tavat bihut?

I. Samuela 21:6

Me haba at bihut ame ham kâu ûnyi ae kap; anyin ae ba minya ju ke areto eling, ke so thibi areto hnân omanenâ, wale adre me hom ûnyi hnyi hnyimakö Iehova, mʼ adre ip bi areto ae kahwa hnyi bonginy hna hom e.