Levitiko 24:8 - Iaai Bible 1901 (New Caledonia)

⁸ E ame he ka ip gaga bala ûnyi e hnyi je sabath hnyi hnyimakö Iehova; haba e me ûnyi ge lakon Isaraela, a uhihi-nyköu nyiele balua.

Levitiko 24:8 ပူးပေါင်းရင်းမြစ်များ

I. Man Ûlabainy Je Than. 23:29

me areto minya hnân omanenâ, me falawa ae so hobi kâu hudiny han, ame ne je ong areto ae halelöû adre ca levenâ bi, ame ne ûnyi adre ölâ, me hna op, me je tulutiny ta je ûnyi, me kahmen je ûnyi wale ae ve bongon;

I. Man Ûlabainy Je Than. 9:32

Ke hanymen ke je laku Kohatha a je liamekeiny mödrin, areto adre omanenâ, he ka penapena e hnyi je sabath thibut.

II. Man Ûlabainy Je Than. 13:11

ke ödrin e le kö Jehova je hut me je utö ae bo so hnyi je hnyomaktu me sahac: ke ödrin e ip gaga areto hnân omanenâ hon laulau gol ae so; me taben lamepa gol me je lamepainy he ka möt hnyi je sahac: anyin a ohmun e tuö huliwa anyi Iehova Khonguhmun; ke öbun e hia but hna degecâ.

II. Man Ûlabainy Je Than. 2:4

Wâ bi, inya oge me op uma hobi kâu iö Iehova Khonguk, he ka okabâ kâu, me he ka leû utö ae bo so hnyi hnyimakan, me hnân hobi kâu bala thibut areto hnân omanenâ me je hudiny leû hnyi je hnyomakatu me sahac, hnyi je sabath, me je tehi ae teb ûnyi, me je bijeû adre thu anyi Iehova Khonguhmun. Wale hna otilâ ka at Isaraela nyiele balua.

Nehemia 10:33

hobi kâu areto hnân omanenâ, me hudiny han ae bala bi, me hudiny Ieû ae bala bi, me je sabath, me je tehi ae teb ûnyi, me je bijeû adre thu, me je ûnyi ae kap, me je hudiny hulo hnân bi hwaban möt anyin at Isaraela, me hobi kâu huliwa hia hnyi uma umen Khongutin.

Esodo 25:30

Ke u me he ka ip bala hnyi hnyimakök hon laulau areto hnân omanenâ.

Numera 4:7

Ke adre me he ka ulolo imano ae udrudrâ hon laulau areto hnân omanenâ, me ip hon e je mini, me je spun, me je utkaia, me je kaia hnân hingâlâ: ke ame he ka hnen hon e areto ae bala bi:

I. Samuela 21:7

Ke wale ke athnyabai Saulo hnyi bong eling, adre me tuö hnyi hnyimakö Iehova, Doega ien, at Edoma, a taben tavat tuö omeno hale Saulo.