Levitiko 24:16 - Iaai Bible 1901 (New Caledonia)

¹⁶ Ke haba at ame hakongoâ iö Iehova, me adre me he ka hlingâ; kʼ ame he ûkhacaköu hia ka lûâ e ge veto; ame ne atkanyua, ame ne aten hnyei, e ka haikongoâ iö Iehova, me adre me he ka hlingâ.

Levitiko 24:16 ပူးပေါင်းရင်းမြစ်များ

II. Samuela 6:2

Ke Davita ame tot me tha he me tavat hia unyin, ûheny Baala Juda, he ka hom ûheny e tang tangen Khong, adre hwenyi Ien, a iö Iehova tuhan sabaoth, at ame laba hon li kerubi.

Salamo 139:20

Anyin adre me ûhnenamöi u kongu u, Adre me ha baûâ iâm, ta je iwahnaihmiöny möu.

Salamo 74:10

Khong lö, ke ne o but kehö ame he je iwahnaihmiöny ka ûhaikonguny? Hawa, ame he bala bi iwahnaihmiöny ka hmi ödra iâm?

Salamo 74:18

Iehova lö, ûnykûme thö ûnyi ang, a ga hia but iwahnaihmiöny ûhaikonguny, Ke adre hia but hmiödra iâm hnen tavat ae monu.

Esodo 20:7

U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Esodo 22:28

U ma ca he ka haikongoâ hnyat owisa, me hangâ at ame musö em hnyei.

Levitiko 20:2

U me he ka ha ka lakon Isaraela, ka habe, Haba at Isaraela, ame ne aten ke hnyei ame laba kanyua unyi Isaraela, ame he ka ham nokon kö Moleka, me adre me he ka hlingâ at eling: hamen tavat a aten hnyei he ka lûâ ge veto.

Mataio 12:31

Anyin a wale, inya oge me ha köbun, ka habe, Adre me he ka thang degecâ ta je monu hia, ke ta je bi gan anyin at; ke haba at ame he ka bi gan ka Hanu, me adre me ca he ka thang degecâ.

Mataio 26:66

ke ieû ûnykûmenöbun? Me adre me thu, ka habe, E ûcû e he ka mok.

Mareko 14:64

Öbun e hia but long hofuc bi gan: ieû ûnykûmenöbun? Me adre me thamuâ hia ae ûcû but kâu he ka mok.

Ioane 19:7

Ame thu kâu at Juda, ka habe, E hu anyihmun hnanyibu, ke ûcû kâu he ka mok hnyi hnanyibu eling, anyin a e ame ka hâiâ e me Nokon Khong.

Ta je huliwa 26:11

Ke iny osehia oveci ödra hnyi ta je sunago, me ûjongi ödra he ka fuc bi gan; ke e gan hmâ anyik hmonyin ködra, me oge me okongu ödra ke ne o but ka hnyi ke je taun kanyua bi.

Ta je huliwa 7:58

me adre me hagutâ e ka hnyi hoton hnyei, me lûâ ge veto: ke haba hnyat ödrin e bifuco e adre me khûâ je khaûödrin hnyi li can hidröu, Saulo ien.

I. Timoteo 1:13

ke haba bi ehac, me, iny at bi gan, me ûöveci, me at ame okongoâ: ke e ame betenge gak, anyin a oge me ânyâ hnyi ca khanö nya, me hnyi hnok hna ca labageju;

Iakobo 2:7

Hawa, adre me ca haikongoâ ien ae so waleji adre wenyö iöbun hnyin?