Levitiko 24:14 - Iaai Bible 1901 (New Caledonia)

¹⁴ Hom but at waleji a ûhangö hoton hnyaba ai; ke hamödrin hnyat odrin e löng he ka ip je hnyamödrin bon ban, kʼ ame he ûkhacaköu hia ka lûâ e ge veto.

Levitiko 24:14 ပူးပေါင်းရင်းမြစ်များ

I. Je Than 21:10

ke ip ju li at a li at Belial hnyi hnyimakan, he ka bi fuco e, me ha, ka habe, U je bi gan ka Khong me than. Me hwaban thö e, hom dö e, me lûâ ge veto me me mokcu.

Levitiko 13:46

E ame he ka bo kong hnyi je bong hia ae hu gan mok; e bo kong ut: e ame he ka hake laba; haba hnyaban, me, wale hoton je hnyaba.

Levitiko 20:2

U me he ka ha ka lakon Isaraela, ka habe, Haba at Isaraela, ame ne aten ke hnyei ame laba kanyua unyi Isaraela, ame he ka ham nokon kö Moleka, me adre me he ka hlingâ at eling: hamen tavat a aten hnyei he ka lûâ ge veto.

Levitiko 20:27

Haba baga, ame ne momo, at tren hanu me at ame bibihwakeoin, me adre me he ka hlingâ: adre me he ka luʼ odrin ge veto: ame he ka takû odrin ge drödrin.

Levitiko 24:13

Ke Iehova ame ha kö Mose, ka habe,

Ioane 8:59

Me adre me hom je veto he ka lûâ e: ke haba Iesu ame ka oiyongâ e bi, me didrut ûheny hnyi uma kap.

Deuteronomi 17:5

awe, u me he ka hom at eling ka hnyi homagöulem, ame ne baga, ame ne momo, at ame ânyâ ûnyi eling ae kong; ke u me he ka luʼ ödrin ge veto, ame ne baga ame ne momo, me me mokcu.

Deuteronomi 17:7

Ke ame he ka bân je hnyamen hnyat ohnatho hon he ka hlingâ, ke biliny bi je hnyamen tavat hia. Me waleling u me he ka ohia ta je ûnyi ae kong unyâm.

Deuteronomi 21:21

Ke ame he tavat hia hnyi anyin taun ka luâ e ge veto me me mokcu: helâe u me he ka ohia hulö unyâm; kʼ ame he at Isaraela hia ka löng me ot.

Deuteronomi 22:21

me ödrin e he ka hom hlu kâ û ka hnyi hwanumen uma umen kamen, ke ame he aten anyin taun ka luâ e ge veto, me me mokcu: anyin a e ame ânyâ monu hnyi Isaraela, kʼ ame bi ûnyi monu hnyi hnyaban kamen: ke helâe u me he ka ohia hulö unyâm.

Josua 7:25

Ke haba Josua ame ha, ka habe, Ieû gam u me oveci ohmun? ame he Iehova ka oveci u hnyi bong ang. Me haba at Isaraela hia adre me lûâ e ge veto; ke ödrin e thong degeci ödrin ge meic, me luʼ ödrin ge veto.