Levitiko 23:34 - Iaai Bible 1901 (New Caledonia)

³⁴ Ha thö ka lakon Isaraela, ka habe, hnyi bong a fiftininy tehi eling a seveniny ame he ka bong hnân bi jeûiny je uma hunuma kö Iehova hnyi je bong a seven.

Levitiko 23:34 ပူးပေါင်းရင်းမြစ်များ

I. Je Than 12:32

Ke Jeroboama ame hûna he ka bijeûâ hnyi tehi a eitiny, hnyi bong a fiftininy tehi, helâ me bijeû hnyi Juda, ke e ame ölö ka hnyi taben hut; me e ame ânyâ helâe hnyi Beth-ela, me bi hut ka li nokon kau wale e ame ânyâ: ke e ame ip hnyi Beth-ela tavat bihut hnyi dok ae görany wale e ame ânyâ.

I. Je Than 8:2

Ke ame ûkhacaköu kö Solomona than tavat Isaraela hia hnyi bijeû, hnyi tehi Ethanima, wale tehi a seveniny.

I. Je Than 8:65

Me Solomona ame ânyâ bijeû hnyi ûen eling, a tha e me at Isaraela hia, e gan hmâ ûkhacaköu, hwân hnyi gethen ûheny Hamath ke ne o but hnyi wagewe Aigupito, hnyi hnyimakö Iehova Khonguta, seven ta bong ke seven minya ta bong, wale fotin je bong.

Ezera 3:4

Ke ödrin e anyâ bijeûiny uma hunuma, helâ me hna sihnalimen, me hudo je hudiny leû hnyi je bong hia thibut hoton numera, helâ me hna hûna, me hoton hanymen ke bong me ke bong;

Nehemia 8:14

Ke ödrin e wâ but hna sihnalimen hnyi hnanyibu waleji a hûna Iehova a deny Mose a gʼ ame he lakon Isaraela ka laba hunuma hnyi bijeû hnyi tehi a seveniny:

Esodo 23:16

me bijeuâ hna meno, ta je wan a bân hnyi ânyâm huliwa, wale u je ta hnyi hnyei: me bijeû adre meno hnyi obiny huna, ûen u je um dö meno hnâm hna huliwan hnyi hnyei.

Esodo 34:22

Ke u me he ka ânyâ bijeû anyin je wik, wale je wan hwit a bân adre meno, me bijeûiny menu hnyi obiny huna.

Ezekiela 45:25

Hnyi tehi a seveniny, hnyi bong a fiftininy tehi, hnyi bijeû e ame he ka ânyâ helâ me hnyi je bong a seven; hoton hudiny hulo, me hudiny leû, me hudiny han, me hoton wakaco.

Levitiko 23:33

Haba Iehova ame ha kö Mose, ka habe,

Levitiko 23:42

Öbun e he ka laba hnyi je uma hunuma hnyi seven ta bong: ame he tavat a hing at Isaraela hia ka laba hnyi je uma hunuma:

Levitiko 23:43

me me khana hnen anyibun je dö a oge kunâ lakon Isaraela he ka laba hnyi je uma hunuma, hnyi ûen oge me hum ödra ûnyi hnyi hnyei Aigupito: Inya Iehova Khongubun.

Numera 29:12

Ke haba hnyi bong a fiftininy tehi a seveniny, me öbun e he ka hu ûkhacaköu ae kap; ke ca he öbun ka ânyâ huliwa ae hmak, kʼ öbun e he ka bijeûâ kö Iehova seven ta bong:

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 7:2

E hakekeny jut bijeû anyin at Juda, wale bijeûiny uma menâ

Deuteronomi 16:16

Ke ame he obaga hia ka okun o hnyi hnyimakö Iehova Khongom hnyi huna hnyi dok e ame he ka ûca: hnyi bijeûiny areto adre ca levenâ, me bijeûiny je wik, me bijeûiny je uma hunuma: ke adre me ca he ka manen hnyi hnyimakö Iehova ke ba ta ûnyi:

Deuteronomi 31:10

Ke Mose ame hûna ködra, ka habe, Hnyi obiny je huna a seven, hnyi ûen adre thu, a cicö hunainy hna baûâ, hnyi bijeûiny je uma hunuma,

Heberu 11:13

Adre mok hia ju tavat e hnyi labageju, ke tiga ca hwâdâ je hna ha bânâ, ke adre me wâ me senyinâ ta je ûnyi e ke tiga sâkâu bi, ke adre haimemenâ, ka habe, ödra ta je atkanyaua me tavat vhevhe eang hmelen.

Heberu 11:9

Hnen labageju e ame laba kanyua hnyi hnyei adre ha bânâ, waleji a ca iny bi, me laba hnyi je uma mano, tha e me Isaaka me Jekob, ae tha hu hwajekhöudru më hnyi hna ha bânâ: