Levitiko 23:32 - Iaai Bible 1901 (New Caledonia)

³² Haba bong e me sabath hnân menâ köbun, kʼ öbun e he ka hom ûhnyûkongoâ je hnyekubun: hnyi bong a naininy tehi, hnyi sahac, hwân hnyi ke sahac ke ne o but hnyi ke sahac öbun e he ka okabâ anyibun sabath.

Levitiko 23:32 ပူးပေါင်းရင်းမြစ်များ

Nehemia 13:19

Ke ame hauhaotreng ut hnyi je homagouleny Jerusalema ke tiga hia bi sabath, me oge me ûkhûnöng he ka hlöng je homagöule, ke oge me hûna a gʼ adre me ca he hmetu bi ka khong ke ne o but a um dö sabath: ke oge me otilâ ke lathnyabaik hnyi je homagöule, mʼ adre me ca he ka dit me je hok hnyi sabath.

Salamo 35:13

Ke haba inya, me oge me khavâ ûkhaû ae gan nân hnyi ûen mok a ödra: Kʼ oge me hom ûhnyûkongo hanuk me ca han; Ke ame hmetu hijik hic ka hnyi ûlaik.

Salamo 51:17

Haba ta je hut ka Khong me wale thibi hanu ae mita: Khong lö, u me ca he ka oûnyibaûâ hnyok adre omomono ae bewisa.

Isaia 57:15

Anyin a walang hna ha hnen At ae gorany me Beönua, at ame laba nyiele balua, ke E kap ien, ka habe, Inya oge me labā dok ae gorany me dok ae kap,, ke haba khaca, tha inya me at ae bewisa me hnyikânâ hanon, me me omelo hanon at ae hnyikânâ, me okaukahwa hnyekon at ae bewisa.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Levitiko 16:29

Ke wale hnanyibu hobi köbun nyiele balua: haba hnyi tshi a seveniny, hnyi bong a teniny tehi, öbun e he ka hom ûhnyûkongoâ je hnyekubun, me ca huliwa, ame ne ke at a aten hnyei, ame ne aten ke hnyei at ame laba kanyua unyibun:

Levitiko 16:31

Ke walang sabath hnân menâ köbun, ke öbun e he ka hom ûhnyûkongo je hnyekubun: wale thibi hnanyibu nyiele balua.

Levitiko 23:27

Haba hnyi bong a libenyitainy tehi eling a seveniny, ame he ka bong hnân bi hwaban möt: ke öbun e he ka hu ûkhacaköu ae kap, kʼ öbun e he ka hom ûhnyûkongoâ je hnyekubun; me hudo hut a an ge meic kö Iehova.

Levitiko 23:31

E ba ke huliwa öbun e he ka ânyâ: wale hnanyibu nyiele balua hnyi anyibun ta je dö hnyi je hnyababun.

Levitiko 23:33

Haba Iehova ame ha kö Mose, ka habe,

Mataio 5:4

Hnahic hnen tavat adre me tenge, anyin a adre me he ka otubweli ödra.

I. Korinito 11:31

Ke ate ne hamöta ka wâhmakhmetu öta, me adre me ca he ka owisʼ öta.

Heberu 4:11

Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

Heberu 4:3

Ke haba öta tavat ate me labageju, me ate me dit ka hnyi hna menâ; helâ me hnen hna ha, ka habe, Helâji me hnok hna khemanyik hnyi anyik hmonyin, Me adre me ca he ka dit ka hnyi hnok hna menâ: ke so bi a um dö ta je huliwa hwân hnyi hna bi taben hmeledrany.