Levitiko 23:3 - Iaai Bible 1901 (New Caledonia)

³ Siks je bong adre me he ka huliwa, ke haba hnyi bong a seveniny, me wale sabath hnân menâ, me ûkhacaköu ae kap: ca he öbun ka ânyâ ke huliwa: wale sabath anyi Iehova hnyi je hnyababun hia.

Levitiko 23:3 ပူးပေါင်းရင်းမြစ်များ

Esodo 16:23

Me e ame ha ködrin, ka habe, Walang hna ha hnö Iehova, ka habe, haba bong nyi me hnân menâ ae ûnyi hnathu, sabath ae kap kö Iehova: haba hnöbun hna he ka thân, thân ju, ke haba hnöbun hna he ka ölâ, ölâ ju; ke hip kamec ju kolon hobi köbun hnyi hnyomakatu.

Esodo 16:29

Wâ bi, Iehova ame ham köbun sabath, waleling me me ham köbun hnyi bong a siksiny jeû ae ûco lo li bong; ve laba ju öbun hnyi je hnöbun, ame ca he ka he ke at ûheny hnyi hnen hnyi bong a seveniny.

Esodo 16:30

Waleling me me menâ ju tavat hnyi bong a seveniny.

Esodo 23:12

Hnyi ta bong a siks u ma he ka ânyâ je hûdrâm, ke haba hnyi bong a seveniny u me he ka menâ: me me hnyi menâ halem bolok, me halem asina, me me he ka ohwegiâ hmeto nokon athnyabaem a momo, me atkanyua.

Esodo 34:21

Siks ta bong u me he ka huliwa, ke hnyi bong a seveniny u me he ka menâ: u me he ka menâ hnyi ûen trohnen me menu.

Isaia 56:2

Hnahic hnen at ame ânyâ e, me nokon at ame kât hmâ e; at ame tuö sabath, me ca okongoâ e, me at ame tuö hnyamen me me ca ânyâ bi hulo.

Isaia 56:6

Ke haba ta je atkanyua minya, tavat adre me ûkhacaköu kö Iehova, he ka bi athnyabainy, me hnyok ka iö Iehova, me bi huliwa kâu, ödra hia thithö adre me tuö sabath me ca okongoâ, me kât hmâ anyik ûhihinyköu;

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Luka 13:14

Ke ame hmonyin at ame muso sunago, anyin a Iesu ame osoâ hnyi bong sabath, me haingen ka tavat ae se hia, ka habe, E hu siks ta bong hnân huliwa hnyin: me so Öbun e he but jem hnyi je bong eling mʼ adre me omeli öbun, ke ca hnyi bong sabath bi.

Luka 23:56

Ke ödrin e hmetuhmetu me penapena ta je ûnyi ae bo so me je muro. Ke ödrin e menâ ju hnyi sabath helâ me hnanyibu.

Ta je huliwa 15:21

Anyin ae hu ga Mose tavat hwân hnyi je dö kâû adrem, adre me khetâ e hnyi ta je taun hia, kʼ adre me labö aû eiö hnyin je sunago hnyi je sabath hia.

Hna Omanenâ 1:10

Inya but hnyi Hanu hnyi bong bonginy Than, ke oge me löng hnyi hotuk hofuc ae gan helâ me hwan khoto, ame ha, ka habe,