Levitiko 23:11 - Iaai Bible 1901 (New Caledonia)

¹¹ ke e ame he ka hajijingâ thi hwit hnyi hnyimakö Iehova, me me kap soi öbun hnyin; haba at bihut ame he ka hajijingâ e bong nyi hwaban sabath.

Levitiko 23:11 ပူးပေါင်းရင်းမြစ်များ

Esodo 28:38

Kʼ ame he ka e hnyi bari Arona, me me he Arona ka hom monuiny ta je ûnyi ae kap, ame he ka okabâ hnen lakon Isaraela hnyi anyidra ta je bwihlany hia ae kap; ke ame he ka e bala hnyi bariny me me he ka kap soi odra hnyi hnyimakö Iehova.

Esodo 29:24

ke u me he ka ip hia hon li hnyamö Arona, me je hnyamen je lakon; ke u me he ka hajijingâ e hnân hudiny adre hajijingâ hnyi hnyimakö Iehova.

Levitiko 10:14

Ke haba ûlainy adre hajijingâ, me jevan adre kap goranyai, öbun e he ka han hnyi ke dok ae so; a u me lakom obaga me wahlu a tha odrin mou: anyin adre ham e hnân âm, me an lakom, adre ham ûnyi hnyi hudiny ole ûnyi ge lakon Isaraela.

Levitiko 23:10

Ha thö ka lakon Isaraela, me ha ködra, ka habe, Öbun ka o ka hnyi hnyei oge me he ka ham köbun, ke öbun ka meno jeûiny, me öbun e he ka hom je thi hwit a bân öbun e meno ka at bihut:

Levitiko 23:12

Ke hnyi bong eling, öbun e hajijingâ thi hwit hnyin, me öbun e he ka hudo mamoe baga a khaca hunainy ae ba hnyikongon hnân hudiny leû kö Iehova.

Levitiko 9:21

ke haba ûlainy me jevan a metâ, me Arona ame hajijingâ hnân hudiny hajijing hnyi hnyimakö Iehova, helâ me hna hûna hnö Mose.

Rutha 1:22

Me ame tha hmetu Naomi me Rutha a ûngon, wale at Moaba, at a hmetu ûheny hnyi hnyei iny at Moaba: ke ödru me o but hnyi Bethe-leema hnyi ûen adre hwân he ka meno bali.