Levitiko 23:10 - Iaai Bible 1901 (New Caledonia)

¹⁰ Ha thö ka lakon Isaraela, me ha ködra, ka habe, Öbun ka o ka hnyi hnyei oge me he ka ham köbun, ke öbun ka meno jeûiny, me öbun e he ka hom je thi hwit a bân öbun e meno ka at bihut:

Levitiko 23:10 ပူးပေါင်းရင်းမြစ်များ

Esodo 22:29

U ca he ka becâ ham wan em hnyei, me dân wan halem je ûö. Ke u me be ka ham könya watö a lakom baga.

Esodo 23:16

me bijeuâ hna meno, ta je wan a bân hnyi ânyâm huliwa, wale u je ta hnyi hnyei: me bijeû adre meno hnyi obiny huna, ûen u je um dö meno hnâm hna huliwan hnyi hnyei.

Esodo 23:19

U me he ka hom ka hnyi uma umo Iehova a Khongom ta je jeû a bân ûnyi hnyi kânâm kânâ. Ke ca he ka ölâ nokon got hnyi dân basin hinyen.

Esodo 34:22

Ke u me he ka ânyâ bijeû anyin je wik, wale je wan hwit a bân adre meno, me bijeûiny menu hnyi obiny huna.

Esodo 34:26

U me he ka hom ka hnyi uma umo Iehova a Khongom, ta je jeûiny kânâm kânâ a bân. U me ca he ka ölâ nokon got hnyi dân basiny hinyen.

Ezekiela 44:30

Ke hobi kâu tavat bihut je ûnyi a bân hnyi ta je wan a bâniny ta je ûnyi hia, me ta je bwihlanyin hia ta je ûnyi hia öbun e ânyâ me bwihlany: öbun e he ka ham minya je falawa a bân adre tiga op ka at bihut, me me mokut hon umöbun je uma hnahic.

Levitiko 14:34

Öbun ka o hnyi hnyei Kanana, wale oge me ham köbun hnân ibun, ke oge ne okûâ mok lepera hnyi ke uma hnyi ibun hnyei;

Levitiko 23:11

ke e ame he ka hajijingâ thi hwit hnyi hnyimakö Iehova, me me kap soi öbun hnyin; haba at bihut ame he ka hajijingâ e bong nyi hwaban sabath.

Levitiko 23:17

Me öbun e he ka hom ûnyi hnyi je hnyababun lo li aretoiny hajijing, ke lo li omer salawa: adre me he ka le ge salawa ae so adre levenâ, wale je wan a bân kö Iehova.

Levitiko 23:9

Ke Iehova ame ha kö Mose, ka habe,

Numera 15:2

Ha thö ka lakon Isaraela, me ha ködra ka habe, Öbun ka o ka hnyi hnyei öbun e he ka labā wale oge ham köbun,

Numera 28:26

Helâe minya hnyi bong bongon je wan a bân, öbun ka he ka hudo hudiny han ae teb ûnyi kö Iehova, hnyi anyibun bijeuâ je wik, me öbun e he ka hu ûkhacaköu ae kap; kʼ öbun e ca he ka ânyâ huliwa ae hmak:

Roma 11:16

Anyin a ne kap wan a bân, ame he ka helâe hia: ke a ne kap iwân ame he ka helâe minya je anginy.

Deuteronomi 16:9

U me he ka aû je wik a seven; ke u me he ka hwân ka aû je wik hnyi hna ibi hwân subâ hwit ame tot.

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

Josua 3:15

ke ödrin ka o hnyi Joridano tavat ödrin e vadren tang, ke ka kâlâ baten köiö hnen li can tavat bihut, hnyat ödrin e vadren tang, (ke Joridano ame öliâ je baten hia hnyi ûen menu hia,)

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.

Rutha 1:22

Me ame tha hmetu Naomi me Rutha a ûngon, wale at Moaba, at a hmetu ûheny hnyi hnyei iny at Moaba: ke ödru me o but hnyi Bethe-leema hnyi ûen adre hwân he ka meno bali.