Levitiko 22:18 - Iaai Bible 1901 (New Caledonia)

¹⁸ Ha thö kö Arona, me lakon, me lakon Isaraela hia, me ha ködra, ka habe, E ka he ke at Isaraela, ame ne atkanyua unyin at Isaraela ka hudo anyin hut, ame ne hobi kâu anyidra ke je khöbi, ame ne hobi kâu anyidra hut ae betenge, wale adre me be ka hudo kö Iehova hnân hudiny leû:

Levitiko 22:18 ပူးပေါင်းရင်းမြစ်များ

II. Man Ûlabainy Je Than. 31:14

Ke Kore nöku Iemina at Levi at ame tuö homagöule e jimeyö, e ame tuö je hut ae betenge ka Khong, he ka khenâ je bwihlany kö Iehova, me je ûnyi ae ti kap.

Salamo 116:14

Me hawâ iö Iehova. Oge me he ka thamuâ anyik ta je khöbi kö Iehova, Eke, hnyi hnyimakan lakeiny hia thithö.

Salamo 116:18

Oge me he ka thamuâ kö Iehova anyik ta je khöbi, Eke, hnyi hnyimakan lakein hia thithö;

Salamo 22:25

Ûnyi thibi gam hna oganö nya hnyi ûkhacaköu ae gan hmâ: Oge me he ka subâ anyik je khöbi hnyi hnyimakan tavat adre me outen e.

Salamo 56:12

Khong lö, e unyik anyik je khöbi gam: Oge me he ka hudo je ole köu.

Salamo 61:5

Anyin a haba u Khong lö, u je hia but long anyik je khöbi: U je hia but ham könya jekhoû e ûcû kodra adre me outen iâm.

Salamo 61:8

Me oge me he ka khumöng ogânâ iâm nyiele balua, Mʼ inye he ka vheno thö anyik je khöbi hnyi je bong.

Salamo 65:1

KHONG lö, adre me he ka laba hnyibû, me oganö u hnyi Ziona: Adre me he ka subâ köu ta je khöbi.

Salamo 66:13

Oge me he ka o ka hnyin umâm uma me je hudiny leû, Oge me he ka thamuâ köu anyik je khöbi,

Esodo 12:5

Haba nokon mamoe hobi köbun ame he ka ba kongon, ke baga a khaca hunainy: öbun e he ka hom ûnyi hnyi je mamoe, ame ne je got:

At Khet 5:4

U ka he ka bi khöbi ka Khong, ca bec bi he ka ohwâdâ; anyin a e ame ca senyin ka tavat ae monu: owhâdâ thö hnâm hna bi khöbi.

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 1:2

Ha thö ka lakon Isaraela, ka habe, E ka he ke at gabun ka bi hut ko Iehova, me öbun e he ka bi hut ûnyi hnyi je meno, wale je kau, me hnahat mamoe.

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Levitiko 17:13

Ke haba at Isaraela, ame ne aten ke hnyei ame laba kanyua unyibun, at ame hnu me kât menoiny hnyot, ame ne meno ame gâ, hnân ban; me hamen he ka hingâlâ dren, me konâm ge kânâ.

Levitiko 22:17

Ke Iehova ame ha kö Mose, ka habe,

Levitiko 23:38

ke ca ha bi je sabath anyi Iehova, me anyibun je bwihlany, me anyibun je khöbi hia, me anyibun je hut betenge hia, wale öbun e he ka ham kö Iehova.

Levitiko 7:16

Ke ame ne khöbi, ame ne hudiny ibetengiö anyin hut, me adre me he ka han e hnyi bong adre hudo hnyin anyin hut: ke bong nyi adre me he ka an kolon:

Amosa 4:5

me hudo thö hudiny ole adre me levenâ, me thu bongon je hut ae betenge me haimemenâ: anyin a wale webun, lakon Isaraela, haingen Than Iehova.

Jona 1:16

Haba tavat ödrin e ot gan hmâ ga Iehova, me bi hut kö Iehova, me bi khöbi.

Jona 2:9

Ke oge me he bi nya ka bi hut köu me hwan ole; Oge me he ka thamuâ anyik khöbi. Haba ûhomeli ûnyi ga Iehova.

Nahuma 1:15

Wâ bi, e hon je bucen li can at ame hom uthumetu ae so, at ame haimemenâ ûsoköu! Juda lö, tuö ju ânyâm je bijeû, ke thamuâ ânyâm je khöbi: anyin ame ca he hmetu at ae kong ka vhenu u; kʼ adre hia but subâ degecâ e.

Malaki 1:14

Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Numera 15:3

ke öbun ka he ka bi hut a an ge meic kö Iehova, ame ne hudiny leû, ame ne hudiny thamuö khöbi, ame ne hudiny ibetengiö, ame ne hnyi anyibun je bijeû adre thu, me me bo so kö Iehova, ame ne kau, ame ne mamoe:

Ta je huliwa 18:18

E se hia je bong ame tiga laba bala Paulo, me e ame ûhûne me je liamekeiny, me tabâ hu ûheny e Suria ai, ke tha e mē Perisila me Akula; ke adre me sö leûnen ban hnyi Kenikerea, anyin a anyin khöbi.

Deuteronomi 12:17

U me ca he ka han hnyi ânyâm je lap je ke keihen a libenyitainy ânyâm hwit, me ânyâm waina, me ânyâm wakaco, me nokon halem kau a bân, me mamoe, me ânyâm je khöbi wale u je bi khöbi, me ânyâm je hudiny ibetengiö, me hudiny kap goranyai hnyi hnyamâm:

Deuteronomi 12:6

ke öbun e he ka hom kâ e anyibun je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun je khöbi, me anyibun je hudiny ibetengiö, me je nokon a bân hnyi halebun je kau me mamoe:

Deuteronomi 16:10

Ke u me he ka tuö bijeûiny je wik kö Iehova Khongom me bwihlany a hudiny ibetengiö ûnyi hnyi hnyamâm, ke u me he ka ham e hoton hnö Iehova Khongom hna ohnahici u: