Levitiko 22:13 - Iaai Bible 1901 (New Caledonia)

¹³ Ke ame ne safac nokon at bihut, ame ne thang faipoipo, me ba nokon, kʼ ame hmetu ka hnyi hnyaban kamen, helâ ke me tiga hlu bi, me e ame he ka hnyi han an kamen: ke ame ca he ka atkanyua ka hnyi han.

Levitiko 22:13 ပူးပေါင်းရင်းမြစ်များ

Genese 38:11

Ke Juda ame ha kö Tamara a ûngon, ka habe, Laba safac ju hnyi hnyaban kâmâm, ke ne o but ame gan dut Sela a tökuk: anyin a haingen, Wâ e nye mok minya ju helâ me latuhan. Kʼ ame he Tamara me laba hnyi hnyaban kamen.

Ezera 2:63

Ke haba at ame musi ame ha ködrin mʼ ödrin e ca he ka hnyi an je ûnyi ae ti kap, ke ne o but ame tot ke at bihut me Urim me Thumim.

Esodo 12:43

Ke Iehova ame ha kö Mose me Arona, ka habe, Walang hnanyibuiny paseka, ka habe, Ame ca he atkanyua ka hnyi an e:

Esodo 29:33

Kʼ ödrin e he ka han ta je ûnyi wale adre bi hwaban möt kâu, hnân uhotilâ me okabi ödrin: ke ame ca he atkanyua ka hnyi han, anyin ae kap.

Ezekiela 44:8

Ke öbun e ca hia but tuö hanymen ge anyik ta je ûnyi ae kap: ke öbun e hia but otilâ tavat tuö anyik huliwa hnyi anyik dok ae kap hobi köbun bi.

Levitiko 10:14

Ke haba ûlainy adre hajijingâ, me jevan adre kap goranyai, öbun e he ka han hnyi ke dok ae so; a u me lakom obaga me wahlu a tha odrin mou: anyin adre ham e hnân âm, me an lakom, adre ham ûnyi hnyi hudiny ole ûnyi ge lakon Isaraela.

Levitiko 22:10

Ame ca he atkanyua ka hnyi han ûnyi ae kap: haba at ame tha laba me at bihut, me athnyabainy adre hawâ, ame ca he ka hnyi han ûnyi ae kap.

Levitiko 22:12

Ke ame ne faipoipo me atkanyua nokon at bihut a hlu, e ame ca he ka hnyi han je ûnyi ae kap adre hudo hnân hudiny kap goranyai.

Deuteronomi 24:2

Ke e ka hia but didrut, me e khana he ka âiân ke baga bi.

I. Samuela 21:7

Ke wale ke athnyabai Saulo hnyi bong eling, adre me tuö hnyi hnyimakö Iehova, Doega ien, at Edoma, a taben tavat tuö omeno hale Saulo.