Levitiko 22:10 - Iaai Bible 1901 (New Caledonia)

¹⁰ Ame ca he atkanyua ka hnyi han ûnyi ae kap: haba at ame tha laba me at bihut, me athnyabainy adre hawâ, ame ca he ka hnyi han ûnyi ae kap.

Levitiko 22:10 ပူးပေါင်းရင်းမြစ်များ

Ezera 2:63

Ke haba at ame musi ame ha ködrin mʼ ödrin e ca he ka hnyi an je ûnyi ae ti kap, ke ne o but ame tot ke at bihut me Urim me Thumim.

Esodo 12:43

Ke Iehova ame ha kö Mose me Arona, ka habe, Walang hnanyibuiny paseka, ka habe, Ame ca he atkanyua ka hnyi an e:

Esodo 12:45

Ame ca he ka hnyi han hnen atkanyua me athnyaba ame kap hwaban.

Esodo 29:33

Kʼ ödrin e he ka han ta je ûnyi wale adre bi hwaban möt kâu, hnân uhotilâ me okabi ödrin: ke ame ca he atkanyua ka hnyi han, anyin ae kap.

Ezekiela 44:8

Ke öbun e ca hia but tuö hanymen ge anyik ta je ûnyi ae kap: ke öbun e hia but otilâ tavat tuö anyik huliwa hnyi anyik dok ae kap hobi köbun bi.

Levitiko 21:22

E ame he ka hnyi han an Khongon, wale je ûnyi ae ti kap hmönyin, me je ûnyi ae kap.

Levitiko 22:13

Ke ame ne safac nokon at bihut, ame ne thang faipoipo, me ba nokon, kʼ ame hmetu ka hnyi hnyaban kamen, helâ ke me tiga hlu bi, me e ame he ka hnyi han an kamen: ke ame ca he ka atkanyua ka hnyi han.

Numera 3:10

Ke u me he ka otilö Arona me lakon, ke ödrin e he ka labö tuö hanymen at bihut: ke adre me he ka hlingâ atkanyua at ame hakekenyâ.

Mataio 12:4

a gʼ ame didro ka hnyi uma umen Khong, me an je areto hnân omanenâ, waleji ae ca ûcû kâu he ka an me anyin bunyen, ke so thibi tavat bihut?

I. Samuela 21:6

Me haba at bihut ame ham kâu ûnyi ae kap; anyin ae ba minya ju ke areto eling, ke so thibi areto hnân omanenâ, wale adre me hom ûnyi hnyi hnyimakö Iehova, mʼ adre ip bi areto ae kahwa hnyi bonginy hna hom e.

I. Samuela 21:7

Ke wale ke athnyabai Saulo hnyi bong eling, adre me tuö hnyi hnyimakö Iehova, Doega ien, at Edoma, a taben tavat tuö omeno hale Saulo.