Levitiko 21:9 - Iaai Bible 1901 (New Caledonia)

⁹ Ke e ka he nokon at bihut a hlu ka okongoâ e bi, ame bi ûnyi monu, me e ame okongoâ kamen: kʼ adre me he ka thong degecâ e ge meic.

Levitiko 21:9 ပူးပေါင်းရင်းမြစ်များ

Genese 38:24

Ke helâke kun ta tehi adre me thumetu Juda, ka habe, a hia but bi ûnyi monu Tamara a ûngom; ke wâ bi, a erkin dut hnyi hnen hna bi unyi monu. Ke haingö Juda, ka habe, Hom but, mʼ adre me he ka thong degecâ.

Esodo 31:14

Anyin a wale öbun e he ka tuö sabath, anyin ae kap e unyibun: ke haba at ame he ka okongo e, adre me he ka hlingâ: anyin a haba at ame he ka huliwa hnyin, me, adre me he ka ohia at eling ûnyi hnyi iny hnyei.

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Levitiko 19:29

Ca he ka okongoâ nokom hlu me me momo hnyi gethen bi; wâ e nye labö bi ûnyi monu tavat, me me unöngötö hnyei hnen hwakecin ae kong.

Levitiko 20:14

Ke ame ne he ke at ka tha hok momo me hinyen, wale hulö: kʼ adre me he ka tha thong degeci ödru ge meic, me me ba hulö unyibun.

Malaki 2:3

Wâ bi, oge me he ka thawâ je hatong gabun, me khino tatet hnyi je hnyimaköbun, wale tatetiny halebun je hut; kʼ adre me he ka tha hom degeci öbun më.

Deuteronomi 22:21

me ödrin e he ka hom hlu kâ û ka hnyi hwanumen uma umen kamen, ke ame he aten anyin taun ka luâ e ge veto, me me mokcu: anyin a e ame ânyâ monu hnyi Isaraela, kʼ ame bi ûnyi monu hnyi hnyaban kamen: ke helâe u me he ka ohia hulö unyâm.

Tito 1:6

e ka hu ke at ae ba hnyikongon, a khaca thibi âiân, ke hu lakon ödrin e labageju, kʼ ödrin e ca lung kong hnyi hwakecin khâlânden me ca ûling.

Josua 7:15

Ke haba at adre me hom ke e unyin ûnyi adre hake ip, me adre me he ka thong degecâ e ge meic, e me anyin ta je ûnyi hia: anyin a e ame hia but hanyâûâ ûhihinyköu anyi Iehova, ke can e ame hwen monu hnyi Isaraela.

Josua 7:25

Ke haba Josua ame ha, ka habe, Ieû gam u me oveci ohmun? ame he Iehova ka oveci u hnyi bong ang. Me haba at Isaraela hia adre me lûâ e ge veto; ke ödrin e thong degeci ödrin ge meic, me luʼ ödrin ge veto.

I. Samuela 2:17

Ke e ti gan ûkonginy li hidröu hnyi hnyimakö Iehova; me haba tavat adre me hûkötiâ bwihlany kö Iehova.

I. Samuela 2:34

Ke walang haten köu, a ûnyi ame he ka o ka li lakom, jia Hofeni me Fineasa; ödru me he ka tha mok hnyi bong a khaca.